عودة الاخ والصديق عثمان رملي بعد 23 سنة في ليبيا رجعت للحصاحيصا ذكريات خرجت ولم تعد الا مع ابوعفان وبدأ نبض حي العمدة يعاود الضربات والفرح نتقاسمه مع آل رملي محمد وابوبكر وأبكر حجاجي وعثمان حسن ع اللطيف ( اشول ) وعباس محمد سليمان (شي) رد الله له عافيته وعودة ابوعفان رحب بها ميدان ماربلز ( هابد بارك ) الزمن الزين مع أخوان كان بدورا يوسف عمر عطية / عوض عطايا / محمد النوش ( المصري ) عبدالرحمن حجاجي و سليمان عبدالسلام عائد محمود محمد سليمان وعليش
عودة ابوعفان فرحة عارمة تقاسمها معنا احباب واخوان رحلوا عن دنيانا في غيبة ابوعفان التومات حسنة أم كيشو والحاجة حسينة أم عثمان والوالدة أم الحسن (التومة ) بت عطية الله والاخوان يوسف رملي وعلي رملي وعمر رملي والصديق الصدوق أزهري محمود سيدأحمد (ابو الهول) وعمر حسن عبداللطيف ( عمار ) وعمر وشقيقه الرشيد التني والحاج سالم والاستاذ فاروق وراق رحمهم الله جميعا.
عودة ابوعفان رجعت الشعور ب ( أمان الشلة ) والذكريات الباقية ..الذبائح ورمي الودع والرحلات المنزلية وقعدات القهوة ونوادر الحاجة حسنة وطيبة بت تمساح والشدو الجميل عندما تنطلق حنجرة ابوعلي الدكتور حسن علي عيسي في دويتو مع ابوعفان في ابوعفان والفراش الحائر وطيبة الاخلاق ومع ومع العميد احمد المصطفي في رائعة ابوالعلا سفري السبب لي اذايا وكسرة يا ابوعلي في رملتنا بيضا يا المحبوب قوماك نزورا نسقي الحبائب كاس وكاسين نسقي حورا ووقتها كانت كل حي العمدة تسكن في بيت ناس رملي وكيشو مدير المراسم والبرتكولات ..
الف حمدا علي السلامة وتحياتي للاخت سعاد الطيب الزوجة الصابرة والابناء هبة ( بت الحصاحيصا ووائل واشرف ونعمة ولجميع آل الطيب الامين وأل علي حسن السدراني والاخت الكبري فاطمة رملي ونفيسة وكل آل عبد القادر وجميع الاهل بالصداقة وود غلوقة وطابت وبري والتواتة
ومرحب بيك أبوعفان وانت تحضر تحمل لنا الفرح المهاجر حاضرا نحتفي مع الجميع وبك مع الابنة الغالية هبوية (بت الحصاحيصا ) في يوم سعدها الاسبوع القادم
موضوع: حمد الله على السلامه عثمان رملي 
الأربعاء 8 يونيو 2011 - 14:55
