هلال السودان ضد انيمبا النيجيري

يدافع هلال السودان في احراش افريقيا في بطولة الاندية اليوم ضد انيمبا النيجيري في دوري المجموعات ..
امنياتنا لهلال السودان بنتيجة إيجابية ...
الهلال سيد البلد ...

منتصرين يا جاهورى
المباراة الساعه 4 بتوقيتنا
الثانية بتوقيت نيجيريا
كلو تمام
الجزيزة 9
ناقله اللقاء
واستديو تحليلى فيهو حمدان حمد
لانو الرشيد المهدية اعتذر

عمار تلودى كتب:: منتصرين يا جاهورى
المباراة الساعه 4 بتوقيتنا
الثانية بتوقيت نيجيريا
كلو تمام
الجزيزة 9
ناقله اللقاء
واستديو تحليلى فيهو حمدان حمد
لانو الرشيد المهدية اعتذر

عمار تلودي نتمنى النصر للهلال والرجفة من اسي بدأت ...
مشكور على المعلومات القيمة ...
من الساعة 2 ظهراً قاعدين حارسين الجزيرة 9 ...
يا رب منتصرين واقل شيء تعادل ..

اللهم أهزم الهلال شر هزيمة..

الرشيد حبيب الله التوم كتب:: اللهم أهزم الهلال شر هزيمة..

الوصيفاب يمتنعون عن البطولات الكبرى ...
حدكم سيكافا والثالث بعد خراج الروح وبالبلنيتات ...
ولو ما الحضري كان طيش سيكافا ...
والحضري وفات ...
تلاعبوا البن الحبشي والشاي الكيني والزقني الاريتري والرز الصومالي والدجاج الهراري والحمام السوداني ..
ده دورة ولا برنامج الشيف حسن في قناة الحياة ...
اللهم انصر هلال الأمة هلال السودان سيد البلد ...
اللهم أجعل كيدهم في نحرهم يا رب العالمين ...
الممحوق والأكثر محقه ابعدهم وشتت شملهم وفرق جمعهم ...
اللهم أمين يا رب العالمين ...

اليلة انيمبا حاكشف زيف اعلام الفول
وتكشف الماسورة الكميرونية
ياااااااااااااااااااااااااارب تدينا الفي مرادنا وعشان ماتسالوني الفي
مرادي شنو؟
هزيمة وفضيحة مع المطر والوحل

اللهم أنصر الأسياد .

مبروك النقطة الغالية ...
مبروك للموج الأزرق .

الهلال ابدع وقدم كورة جميلة ونتيجة طيبة رغم الظروف الطبيعية (الأمطار) واللعب خارج الملعب وبعيد عن الجمهور ..
النتيجة تعتبر إيجابية في افتتاح دوري المجموعات ...
رغم النقص في صفوف الهلال إلا أن الهلال خرج بنتيجة إيجابية ..
سادومبا ده قعونجه ولاندكروزر وبرمائي وصاروخ ارض جو ..
سادومبا يا معذبني ..
بقية افراد الهلال كانوا عند حسن الظن ...
الحارس جمعة كان نجم ...
جمعتنا أحسن من مليون حضري ...
والهلال بمن حضر ...
مليون مبروك للأسياد ومحبي الهلال ...
ولا عزاء للوصيفاب ...
الرشيد ومهند سادمبا وجمعة وبقية العقد الفريد حيروكم وعقدوكم ...
لمن الهلال تعادل مع النيل في الدوري قلت الحمد لله الهلال بجيب نتيجة إيجابية في نيجيريا وما خذلوني ...
وهلال سيد البلد ومن غيروا بفرح جمهوروا ..
حليل ناس سيكافا

ثابيييييييييييييييييييييييييت

سيد البلد وبس

الرشيد حبيب الله التوم كتب:: اللهم أهزم الهلال شر هزيمة..

دعوة غير مستجابة ....
الرجاء متابعة الاسباب يا ............. وصيف !!!

مهند احمد الامين كتب:: اليلة انيمبا حاكشف زيف اعلام الفول
وتكشف الماسورة الكميرونية
ياااااااااااااااااااااااااارب تدينا الفي مرادنا وعشان ماتسالوني الفي
مرادي شنو؟
هزيمة وفضيحة مع المطر والوحل

الفى مرادك .... معروف !!!!
ايضا دعوة مثل سابقتها .....
وزى ماقلنا للممحوق اعلاه بنرد كمان .....
وبدون ما نستعين بلغتك (الكاكاوية) ....

مبرووك لهلال الملايين وسيد اسياد البلد ... رغم تضجر البعض !!!
نقطة غالية نتمنى مواصلة المجهود ...
لى قدام ...

مبروك للهلال النتيجة الإيجابية ، ومزيداً من الإنتصارات (الخارجية )بس .

الوصيفاب ما عدأ صداح وراق كيف اصبحتوا وكيف قيلتوا ...
سا سا سا سادومبا قالوا سوف تتم ملاحقته نسبة للصاروخين ...
الكبار كبار والصغار يلقطوا الحجار ...
يا محمد علي جبريل ود كمال السر صحتوا كيف قول ليهوا مشتاقين ...
ود الجمل ياخي لا اسكت الله لك حساً ...
المحبوب زورنا مرة وتعال بي جاي ...
سمعنا قالوا الرشيد حبيب الله والمنصوري ومهند كونوا مجموعة في الفيس اسمه (من أجل اسقاط سادومبا) ..
والله يا جماعة امبارح استمتعنا استمتاع من العصر لحدي الساعة واحدة صباحاً كور ساكت وفي الجزيرة المشفرة بالقروش والجماعة بنقلوا ليهم كورهم في الشروق مرت من هنا

أراك من الفرحين..يا جاهوري

فالأسف و الحيرة و النحيب و سؤ حال الهلال قادمين..

لا تفرح كثيراً، لأنه كما قلت من قبل هنا أنه ما لم يظفر به العشق الأحمر، لن يسبقه عليه أحد..!!

أليس هو القاطرة التي تجُر من خلفها العربات (المهلهلة) يا (أبو الهل)..؟؟

و دمت

» هلال السودان ممثل السودان
» هلال السودان
» هلال شرف السودان ‏
» شكرا هلال السودان
» هلال السودان يبدا المشوار اليوم