سلامات مهدي

أخي وصديقي

مهـــدي بكــش

ســـلامات ... ولا بأس عليك ..... ده أنا يا دوبك مسجل في منتداكم ... لو كنت مسجل من زمان كنت فقدتك..... يا مهـــدي كلما أخلو لنفسي تجدني أردد أغنيتي المفضلة بصوتك العندليبي:

رائعـة العاقب محمد الحسن

سألتو عن فؤادي أجابي ما هو عارف وعن سبب هيامو أجابني ما هو داري

أخوك أحمد ســــركيس

الاحباب الرشيد
احمد سركيس التحايا والود
اغنية سالتو عن فؤادى من روائع حقيبة الفن وهى من كلمات
الشاعر محمد على عبدالله الامى تغنى بها امير العود حسن عطية وتغنى بها ايضا الاستاز عبد الكريم الكابلى والراحل احمد الجابرى والعديد من المطربين
لكم الود والمحبة

لكما التحية

نعـم أنتما على حق ... كنت أود أن أكتب حسن عطية ولكن حينها كنت استمع للمبدع العاقب ... لم أجد نفسي وإلا كتبت اسمه. ... وشكرا على التصحيح

الرشيد والنذير

تحية عطرة ... عاوز أحكي ليكم موقف من هذا النوع.

حينها كنا طلبــة في الجامعــة ... وأثناء العطلـة الصيفية كنا دائما ما نجد الوساطة للعمل في محالج الحصاحيصا وتحديدا مكتب المواهي ... وكانت العطلة دائما تصادف الموســم ... وقد كنت أنا ودكتور علي شايقي ومهدي بكش مسؤولين عن إعـداد كشوف مرتبات المؤقتين ... ثم كتابة اســم نائب المدير ورفعها إليه ... طبعا بعد المراجعـــة للتوقيع والمصادقة عليها. وكان نائب المدير في ذلك الوقت يدعى أبو عركي ×××× رحمه الله، وكان رجلا متدينا ... وكثيرا ما يحتج على جلوسنا مع الموظفات ... وبالأخص أنا ودكتور علي شايقي ... وطبعا عندو رأي في الغناء والمطربين .... وذات مرة وبعـد أن أعددت ما يزيد عن عشرين كشف مرتبات ... وكنت أدندن بإحدى روائع الرائع أبو عركي البخيت ... وأنا أكتب اسـم نائب المدير ... وانتهيت من عملي وأنا على ثقة تامة أنه إنجاز "ما يخر الموية" وما زال صاحبي "وحلانين" ... وأخذت أمشى الهوينى ومتجها على مكتب صاحبنا ... وأنا أمني نفسي بإطراء وكلمة شكر ... وعندما سلمته العمل قال لي الحرف الواحد "Well Done" أي أحسنت صنيعا .... فخرجت من مكتبه مزهوا ... مختالا كما الطاؤوس ... فطلبت شــاي وأنا ما زلت في نشوة الإطراء ... الذي أتوقع بعـده ... الإيعاز لمن يلزم بالإغداق علي بساعات إضافية ... وأخذت الرشفة الأولى والثانية ... وبدأت أدندن " عن حبيبتي بقولكم ... يلا صفقوا كلكم" ولم أكملها ولم اتشرف الشرفة الثالثة ... فإذا بالرجل جاء مندفعا ... والشرر يتطاير من عينيه .... والزبد من بين طرفي فيه ... ونظر إلي نظرة ... طارت وتلاشت معها كل الأحلام والتنبؤات والتكهنات ... ثم بدأ ثائرا في وجهي ... ... تستفزني ... وتحقرني .... و .... و ..... و...، أنا أبو عركي البخيت ... تشبهني بفنان حطب النار ... وحتى اللحظة لم أدر ماذا حصل ... فقلت له .. يا سيد/ أبو عركي في شــنو؟ فالتفت إلى رئيس المكتب ... كان يدعى التاج ... ونادى عليه ... فهب صاحبنا مهرولا إليه ... وقال شوف ده كاتب شــنو في محل اسمي ... "أبو عركي البخيت".

شكرا الاخ احمد سركيس وانت تنضم للحصاحيصا دوت كوم .. شكرا وانت تتنقل فى المنتدى وتشارك بنشاط ارجو ان يعوضنا عما فاتنا ..
شكرا وانت تسال عن حبيبنا الاستاذ مهدى بكش .. الذى ارجو ان يديم الله عليه متعة الصحه والعافية .. ونعمة امتاعنا دوما ... الله يجازى الترحل والسفر .. عندى شريط للاستاذ مهدى بكش فيه هذه الاغنيه واغنيه سيد خليفة.. بت القصر العينى .. فقدته فى هونغ كونغ .. لا زلت اتحسر عليه ..
شكرا على الموقف المطب ... بس ما يكون رفدك!!

أحمد سركيس كتب:

أخي وصديقي

مهـــدي بكــش

ســـلامات ... ولا بأس عليك ..... ده أنا يا دوبك مسجل في منتداكم ... لو كنت مسجل من زمان كنت فقدتك..... يا مهـــدي كلما أخلو لنفسي تجدني أردد أغنيتي المفضلة بصوتك العندليبي:

رائعـة العاقب محمد الحسن

سألتو عن فؤادي أجابي ما هو عارف وعن سبب هيامو أجابني ما هو داري

أخوك أحمد ســــركيس

اولا ترحيب حار جدا بالاخ احمد سركيس والمنتدي نور بوجودك وكنا منتظرنك من زمان ياصديقي ولك كل الشكر والامتنان لي سوالك عني وانا الان في اتم صحه وعافيه وانشاء متوجهيين للسودان بعد غربه 13 سنه وانشاء الله نتقابل لنعيد الايام الجميله.

الرشيد حبيب الله التوم كتب:

تحياتي للأخ أحمد سركيس..

و حتى يأتي الفنان مهدي من البروفات مع الفرقة الموسيقية المصاحبة، لدي سؤال يقول أن الأغنية المذكورة هنا (سألتو عن فؤادي) يبدو لي أنها من روائع الراحل (حسن عطية) و ليس الراحل (العاقب محمد حسن).. و ربما أخذها (أبو علي) عن السابقين و ظل يرددها حتى إرتبطت بإسمه..
نرجو من لديه معلومة كافية، إفادتنا حول هذه الأغنية الأخاذة..

الاستاذ المحترم الشوش
جينا ليكم والشوق دفرنا ونبدا بي صابر معاك صبرا طويل كاتم العلي واصلو العلي ما مر يوم بي خيال بشر
وسالتو عن فوادي كانت الاغنيه الاولي لي ودايما ابدا بها الحفل عشان بتظهر امكانية صوتي واجد فيها نفسي وهي اغنية حقيبه تغني بها ابو علي وشكرا علي التوضيح.

النذير كتب:

الاحباب الرشيد
احمد سركيس التحايا والود
اغنية سالتو عن فؤادى من روائع حقيبة الفن وهى من كلمات
الشاعر محمد على عبدالله الامى تغنى بها امير العود حسن عطية وتغنى بها ايضا الاستاز عبد الكريم الكابلى والراحل احمد الجابرى والعديد من المطربين
لكم الود والمحبة

مرحب بيك ابو الفن فانت مرجعنا استاذ النزير لك كل الود والحب ورد الله غربتنا جميعا.

بكرى عثمان حمد كتب:

شكرا الاخ احمد سركيس وانت تنضم للحصاحيصا دوت كوم .. شكرا وانت تتنقل فى المنتدى وتشارك بنشاط ارجو ان يعوضنا عما فاتنا ..
شكرا وانت تسال عن حبيبنا الاستاذ مهدى بكش .. الذى ارجو ان يديم الله عليه متعة الصحه والعافية .. ونعمة امتاعنا دوما ... الله يجازى الترحل والسفر .. عندى شريط للاستاذ مهدى بكش فيه هذه الاغنيه واغنيه سيد خليفة.. بت القصر العينى .. فقدته فى هونغ كونغ .. لا زلت اتحسر عليه ..
شكرا على الموقف المطب ... بس ما يكون رفدك!!

الريس مديرنا بكري يسال منك الخير وانشاء الله انت والاسره في اتم عافيه
في اللحظه الداير اقول ليك ابعت لي نسخه من الشريط فلت ضاع والله اتحسرت شديد ويكفي اننا في قلوبكم لانني بي جد كنت ببحث لي عن شريط لكي اوثقه ولك كل الشكر.

أخي وحبيبي مهــدي بكش

متعتك الله وأســرتك بوافر من الصحة والعافيـة

أرجو التوضيح هل هي موسم الهجرة إلى الشمال ... أم إجازة سنوية

أحمد ســـركيس.

العزيز باشمهندس بكــري عثمان حمــد (المقل)

متعتك الله وأسرتك بوافر من الصحة

طبعا الراجل "يرحمه الله وينزل على قبره شآبيب الرحمة والمغفرة" لم يفصلني. لأن الأجاويد تدخلت .... واضطررت لتقديم اعتذار مرض.. وتركني أواصل عملي حتى نهاية الإجازة.

الاخ بكـري .. أرجوك بلغ تحياتي لاختي ... سامية في أمريكا .. أكيد لك بها اتصال

أحمد سركيس

سلامات يا فنان وربنا يقومك بالسلامه ويزح منك كل بلاء

ههههههههههههههههههههههههههههههه
والله عجبتني عجب حكاية ابو عركي البخيت دي

تعـرف يا إيمــو النســيان والخروج من الشـبكة وانقطاع الصوت والصورة ديل عندي مهاهم مواقف عجيبة ... لكن عاوز أحكي ليك قصة واحد زميل والده كثير النسـيان ... وهو كمان "هذا الشـــبل من ذاك الأســـد"... وحلى لي على لســانه...

ذات ليلـــة مـــطيرة والكهربـــاء قاطعـــة ... دخـــل الغرفـــة ووجـــد والـــده يحمـــل البطاريـــة ويبحـــث عن شــئ ... فسأله: يا أبـــوي بتفتش في شـــنو؟
فرد عليه الأب: بفتــش في البطاريـــة
فـرد الإبن، جـيب أفتش معاك.
فأخذ البطاريــة من يد أبوه عشــان يفتش بيها البطاريــــة.

مبارك محمد عثمان كتب:

مهدي
دندن فى اذن بنت الخاله
اهازيج للحب والعشق
اهازيج للفرح الاتي

ازيك يا ابو النسب انت والاهل
الحمدو لله بقينا كويسي بع الدندنه ومالاقيناك في السودان وكنا نمني لقاك والله اديك العافيه

أحمد بابكرالكوني كتب:

مبارك محمد عثمان كتب:

مهدي
دندن فى اذن بنت الخاله
اهازيج للحب والعشق
اهازيج للفرح الاتي

حمدلله على السلامة يابوكش

الله اسلمك ياكوني وكل ما نسال عليك اقولو في القضارف وربك عارف
تحياتي لك وللاسره

أحمد سركيس كتب:

أخي وحبيبي مهــدي بكش

متعتك الله وأســرتك بوافر من الصحة والعافيـة

أرجو التوضيح هل هي موسم الهجرة إلى الشمال ... أم إجازة سنوية

أحمد ســـركيس.

حبيبي احمد دي ما كانت هجره كلها خمسه والابعين يوم مرت كالمح البصر لم اري فيها الحصاحيصا بتاعت زمان ولكن البركه في العيال وامهم والاهل جعلوا منها اجمل زياره للسودان منز تلاته عشر سنه