"المطيري السوداني" يطالب بإجبار شباب الولاية الشمالية على الزواج وتهديدهم بإستجلاب شباب أجانب لزيادة النسل

(( طالب مستشار رئيس الجمهورية الدكتور مصطفى عثمان إسماعيل بإجبار شباب الولاية الشمالية على الزواج مع تخصيص مطالبته باستهداف الخريجين.
واشتكى مستشار رئيس الجمهورية لدى مخاطبته أهالي قريته "زومي البكري" بمحلية القولد بالولاية الشمالية، من عزوف شباب الولاية عن الزواج، ما يهدد نسل المنطقة بالانقراض، والمح مهدداُ أنه لا سبيل لأعمار الولاية بغير استجلاب الأجانب (من بلاد بره)، طالما عزف الشباب عن زيادة نسلها مستعصمين بالبور والفرجة، في ولاية تعتبر الأقل سكاناً بين ولايات السودان.
وتحسر الدكتور مصطفى على مصير "300" شيلة زواج جمعها بالتضامن مع أبناء دائرته لفك كربة العاطلين عن الزواج في المنطقة، وأضافانتظرنا زول يعزمنا على العرس وما حصل كلو كلو ، وقال لا احد من الشباب يريد أن يتقدم لإكمال نصف دينه، خاصة في قرية الغدار، مسقط رأس نائب رئيس الجمهورية الأسبق، الزبير محمد صالح.)) المصدر / سودان دوت نت

"البصيرة أم حمد" ما ورانا جائب "المحترفين الأجانب" ديل من وين ؟
مش ممكن الإستعانة بالمحليين ويادار ما دخلك شر !!
وليه الولاية الشمالية تسلم أرضها للفلاحين المصريين والباكستانيين ؟؟
ودائرين يسلموا بناتا لأجانب ما معروفين جايين من وين !؟
مش أفضل يابوسماعيل تشوف أسباب هجرة نزوح الشباب وتعمل على حلـها ؟؟

يا المحبوب اخوي دا مش ياهو تبادل الخبرات البقولوهو؟؟

للاسف الشديد مسئولينا دائما ينظرون الي المشكلة من نصفها كان من الاجدى
النظر لمسببات مشكلة عزوف الشباب عن الزواج اولا ثم بعد ذلك يفكروا في الزواج
الجماعي وغيره - الشباب لدية مشكلة في ايجاد فرص للعمل وان وجدت لاتكفي
مصاريفه الشخصية ناهيك عن فتح بين - الشباب لايستطيع ان يؤجر نصف منزل ناهيك
عن شراء منزل وبعد هذا يطالبونه بالزواج - كان من الاجدى للحكومة معالجة السكن
والوظائف ثم التفكير في تزويج الشباب ولكن دائما ما نجد الفوضى والعشوائية في التخطيط والتخبط التفوق والريادة فيها ابتكار سوداني ( وخليك سوداني).

ودعيسى وعبد اللطيف حبابكم عشرة
اياهو نمط التفكير عينم في الفيل يطعنوا في الضل
وزي ما قال العبادي على لسان ود دكين

إن مال الشجر ما بكسرن فراعو
وقمحان الطلب لي المابجيبه ضراعو
ليه يا أهلنا البيناتنا ما بتراعوا
القال راسي موجوعني يربطولوا كراعو

المحبوب سلام .
يأخي انا عاوز انبهكم لشئ هام جدا ويجب الالتفات اليه وهو ضرورة توثيق وارشفة هذه الابداعات اللفظية واللغوية والشتمية والشلاليتية التي امتاز بها عهد الانقاذ عن غيره من نظم الكون السياسية ومما لا شك فيه اننا سنكون بحوجة لان نحكي لاجيالنا القادمة ان اراد الله لهم الحياه عن هذا المستوي الرائع من التفكير والتكفير وعلي الاقل يكون عندنا اجابة للاجيال القادمة عن الكثير من الاسئلة التي ستكون صعبة جدا ، علي ساءليها قبل مجيبيها .

باقي لي آآآآلمحبوب الزول دا قااااااااصدكم ساااااااااي
واظنو عايز اقول ذي ما قال الهندي داك (طاريهو ) المشكلة دي ما بحلوها الا الاجانب العاملين بالخارج (اشارة للمغتربين )
اما هم خلو ليهم نسوان الشهداء (الله يتقبلهم )

اشتريت أكثر من 15 وصلة كهرباء صيتية كلها ضربت
ولدينا وصلة كهرباء ايطالية لديها أكثر من 12 سنة 00
مازالت تعمل وبكل قواها العقلية
اها بعد المقدمة دي بس مايقوم الجماعة ديل يدقسوا ويستوردوا صينيين !!!
وصراحة نحن نسوانا اليابانيات عندنا فيهن راي
تقوم الحكاية تجيب ليها كمان واحدة صينية !!!!

الأخ المحبوب ذكرتنى مقولة أحد أهلنا قدم من البلد
سألناه نعل ناس البلد كويسين وما فى زولاً ( أبا ) عشاه
قال : هو فى عشى ؟ قلنالو يازول البلد اتصلحت وقالوا الكهرباء جايى
قال الله لا جابها بلا تفضحنا !!! قلنالوا كيف قال عندنا شنو ليها التلاجا ت
يختوا فيها شنو ؟ الحقيقة الكلام ده على الرغم من أنه بسيط ألا أنه معبر جداً . جاء على لسان الاستاذ المخضرم استاذى فى المقل الابتدائية
منصورى محمد منصورى . سمعته منه قبل سنين . وأنا كل مرة أمشى البلد أتمنى أن أجد عكس كلامه . لكنى أفا جأ بالحال الذى يغنى عن السوأل
أقول لك كما قال استاذنا : هو يعرسو بى دولوقن ؟ مع التحية للاستاذ منصور
والاستاذ محبوب

بالله ده تفكير مستشار رئيس ؟
عشان كده البلد إنتهت لأنو أمثال هؤلاء لايرون أبعد من كرسي المستشار !!

الأفاضل سعدية
وحموري
وابوحراز
وصلاح
وصداح
مشكورين أحبتي على المرور
وابو اسماعيل جابا من قاصرا
وقال احسن يهرب للامام
والحلول صعبة ولا يتجرا يتكلم فيها

على فكرة الكلام دا ما فيهو هظار
الناس ديل شايفن اليومين عاصرين على المصريين بلحيل
والله انا قائل استعمار ما قائل الحكاية فيها نسب

الجانب التاني امكن اسوا
فالبنات ديل توابير موية ؟؟
ياخي ديل ناس من لحم ودم
ومنو القال بقبلن بالزواج بالطريقة دي ؟؟
الموضوع مش استصلاح ارض زراعية
ولا هو تربية قطيع اغنام
لو في مشكلة حقيقية فهي مش مشكلة البنات
انما مشكلة الاولاد والبنات مع بعض
فيا ينظر فيها بابعادها او يخليها

» مولانا سيف حمدناالله يطالب بكنس آثار جلال محمد عثمان رئيس القضاء المقال (مقال يفقدك الثقة في القضاء السوداني الحالي )
» بيان من الحزب الشيوعي السوداني إلى جماهير الشعب السوداني
» الحصاحيصا السياسيه - والوزير أنور الحاج
» رسالة الي والي الجزيرة .. اهذا ما عاهدتم الله عليه؟؟
» مجدي شمس الدين يطالب بذهاب مدير الشرطة بعد أحداث أم دوم