حدث فى مثل هذا اليوم ...!!!

سلامات بكري عثمان حمد
ولقد حدث في مثل هذا اليوم 19/ يوليو/ 1971م انقلاب نظام الحكم من قبل الشهيد/ هاشم العطا علي نظام جعفر محمد نميري
ولك تحياتي

ثورة 19/يوليو /1971م التصحيحيه بقيادة الشهيد الرائد /هاشم العطا

انقلاب هاشم العطا
على نظام نميري فى يوم 19/7/1971

انقلاب هاشم العطا 19 يوليو 76 فى ما يسمى بالثورة التصحيحية وهو انقلاب التقدميين على النميرى ...

يظهر كده الجائزة من نصيب (يمنى) اصغر الاعضاء سنا

رحمهG.T كتب:

انقلاب هاشم العطا 19 يوليو 76 فى ما يسمى بالثورة التصحيحية وهو انقلاب التقدميين على النميرى ...

1971 آسفة شفته الستة واحد ( يا شماتتة الكوامر فينى )

دكتور بكري عندي شكوى
ضد الاخت رحمة شف تي
بما ان الاخت رحمة سجلت اجابة وقالت الانقلاب كان عام 76
وبما انها قامت "شفت" الاجابة الصحيحة من الابنة يمنى
عليه أرجو إستبعاد جميع أجوبة الاخت رحمة عشان تاني ما تشِف
وبالمرة يادكتور أديـها "أعِد"

شكرا للمشاركين .. وبالاخص الابنه يمنى ...
الجميع اتجه للوطن وما حلت به من تجارب اتفقنا او اختلفنا عليه ارجعته سنين للوراء .. ولا زلنا نتمرجح بين انظمه تجرعنا كاسات المنى بوطن يسع الجميع ...
19 يوليو 1999 كان يوم تكالب علىّ الجميع للدخول للجمهوريه الثانيه .. ان ادخل نظام حكم شمولى من نوع اخر ... كان يوم زواجى ...!!!
شكرا يمنى وليك برضو جائزه ستصلك باسرع فرصه بمناسبه النجاح برضو..

[quote="المحبوب أحمد الأمين"]
دكتور بكري عندي شكوى
ضد الاخت رحمة شف تي
بما ان الاخت رحمة سجلت اجابة وقالت الانقلاب كان عام 76
وبما انها قامت "شفت" الاجابة الصحيحة من الابنة يمنى
عليه أرجو إستبعاد جميع أجوبة الاخت رحمة عشان تاني ما تشِف
وبالمرة يادكتور أديـها "أعِد"

اها كلنا اعد شن قولك

كل عام وانت بالف خير والتهنئة عبرك للاخت غادة

ياعم بكري كل عام والفرحه تحفك والسعاده تغطيك ويخلي ليك اولادك والمدام

كل عام وانتم بالف خير وعافية
وربنا يديمها حياة زوجية سعيدة
بعدين كان تقول لينا معاكم "السنة" الخفية

كل 19 يوليو وانت بخير يا دكتور ، وبالمناسبة لو إتاخرتا شهرين بس كان تأريخ مميز جداً لأنو حيكون 19/9/1999 .
تاني شئ لفت إنتباهي الأجابات وإختلاف التوصيف بين هل 19 يوليو 1971 ثورة أم أنقلاب ، لايمكننا القول بأن 19 يوليو كانت ثورة بحكم عدم توفر شروط الثورة ولأنها علي بلاطة لم تكن حركة جماهير ،يميل بعض الكتاب للهروب الي الأمام بتوصيف 19 يوليو علي أساس إنها حركة تصحيحية ، لكن الثابت أنها أنقلاب عسكري أتي لإنجاز مرحلة الثورة الوطنية الديمقراطية برغم موقف الحزب الشيوعي من الإنقلابات العسكرية ، تنظيم الحزب العسكري وضع قيادة الحزب أمام الأمر الواقع ،وكانت النتيجة ضربة قاصمة لنشاط وتمدد الحزب الشيوعي .
لخص الحزب الشيوعي في مراجعاته لحركة 19 يوليو أنه لابديل غير الطريق الديمقراطي لتطبيق الإشتراكية ولفظ التكتيكات الإنقلابية .

بعدين يارحمة في زول أنصاري ومن الجزيرة أبا وبيتلخبط في سنة 1976؟؟

صداح فاروق وراق كتب:

كل 19 يوليو وانت بخير يا دكتور ، وبالمناسبة لو إتاخرتا شهرين بس كان تأريخ مميز جداً لأنو حيكون 19/9/1999 .
تاني شئ لفت إنتباهي الأجابات وإختلاف التوصيف بين هل 19 يوليو 1971 ثورة أم أنقلاب ، لايمكننا القول بأن 19 يوليو كانت ثورة بحكم عدم توفر شروط الثورة ولأنها علي بلاطة لم تكن حركة جماهير ،يميل بعض الكتاب للهروب الي الأمام بتوصيف 19 يوليو علي أساس إنها حركة تصحيحية ، لكن الثابت أنها أنقلاب عسكري أتي لإنجاز مرحلة الثورة الوطنية الديمقراطية برغم موقف الحزب الشيوعي من الإنقلابات العسكرية ، تنظيم الحزب العسكري وضع قيادة الحزب أمام الأمر الواقع ،وكانت النتيجة ضربة قاصمة لنشاط وتمدد الحزب الشيوعي .
لخص الحزب الشيوعي في مراجعاته لحركة 19 يوليو أنه لابديل غير الطريق الديمقراطي لتطبيق الإشتراكية ولفظ التكتيكات الإنقلابية .

بعدين يارحمة في زول أنصاري ومن الجزيرة أبا وبيتلخبط في سنة 1976؟؟

صداح ياخوى والله تقول شنو؟ احنا 76 دى زغللتناواستحوذت على مشاعرنا بعدين 71 دى نحن وما تبعها بنعتبرها رد اعتبار لينا من الاخوة التقدميين فدى الزغللة الصاح بس خليها على الله

وددت لو قدمت الشكر شفاهة ولكني قبلت توسل اناملي لتخط عني

العم دكتور بكري /
لقد استلمت هديتك ولك الشكر والتقدير .
وبمناسبه ذكري زواجكم كل عام وهامات المستحيل تمارس الخضوع
لامانيكم .
ابنتكم دوما يمني .