وحدة الحصاحيصا الادارية ..جهل.. فساد وقلة أدب ( كاميرا دوت كوم لا تكذب )

المهندس (طارق علي التريكي )وهو من متصفحي الموقع وتربطه علاقات قديمة بالحصاحيصا اتصل عليّ وهو في غاية الالم من الفوضي التي شاهدها وعلي حسب ما جاء في الايميل اسمحوا لي بان انقله بضبانته وهو مهندس معماري يعمل في كندا :(([font=Times New Roman]
عزيزي ابوعلي لا اصدق هل وصلت المهازل هكذا وضع ؟؟ اقول ما قاله اديبنا الطيب صالح وهذه المرة " من اين اتي هؤلاء المهندسين؟ اول الاخطاء الهندسية هي ان اتجاه الجملون خطأ في بلد شمسها تشرق من الشرق ورياحها شمالية وجنوبية تفترض ان يكون طول الجملون من الشرق للغرب حتي لاتغمره شمسنا الحارقة سيما والمعروض سمك ثم ان الرياح ما كانت ستقلع الزنك لو كان عرض الحملون من الشمال الي الجنوب يعني التنفيذ طلع مقلوب)
الخطا الثاني كما يقولوا بالبلدي ان مقص الجملون والذي يحمل عليه السقف من جانبين فقط ومن زوي ضعيفة لاتحتمل ضغط الرياح خاصة وهي تتمكن من مساحة كبيرة من ( بطن ) الجملون ساعدت في ال blow up كما هو في الصور وفي موضع كهذا يجب ان تكون مقصات الجملون 6 ومن زوي تتناسب مع قواعد الجملون حتي تقاوم الضغط الهوائي
الخطأ الآخر الارتفاع الغير حقيقي للجملون وضعت قواعده في ردمية من الصور علي ارتفاع اكثر من متر ونصف تصبح مقاومة الجملون تنبئ بمخاطر الاهوية وتاثير المياه واعتقد ان المخطط لم يقم بفحص التربة وتاثير الرطوبة علي القوائم الحديدية .
هنالك العديد من الاخطاء التي تحتاج ان ننظر اليها في الخارطة وارجو توضيح عناصر التكلفة التي وضعتها المهندسة.
هذا المشروع خطر علي مستخدميه لانه لم يصمم بمواصفات علمية وهو لا يخلو بالطبع من ill intention
احب ان اهنئك علي ملاحظتكالخاصة ب اخوانا تجار السمك لا يجب ان ينتقلوا الي هذا المكان لخطورته ولا يفعلوا ذلك الا بعد قيام جهات فنية محايدة بالتأشير علي سلامة الموقع ومطابقته لمواصفات فنية ومواصفات السلامة وتحمل المسئولية مستقبلا سيما وان هنالك مخاطر حركة التربة او ما يعرف SS soil sliding وهي حركة ترتبط بالمد والجزر .
لم اشاهد اي مظهر من مظاهر الصرف الصحي؟؟)[/font]هذه هي نصيحة من مختص يعمل في مجال هندسة معمار في كندا

ياورقة والله خطير
ياخي جننت الزنكي جن
والباشمهندس مشكور على الملاحظات
لكن أدونا معاكم برضو وجهة نظر
"مابنعرف عن الجملونات التكتح" لكن الجملونات شققناها زنكية زنكية
والجملونات من اسهل المباني وما دائرة غير "شبع" "بالفتحة" وعوارض بي كاميرات صاح ولا ما صاح
والشبع لازم "تكون "مشبحة" في الأرض والعوارض تقيف على الشبع وتنقي شعير الزنكي
ياخي الموقع دا من أحسن المواقع الاستراتيجية حيث يطل على خضرة ومياه ووجوه كادحين
وكمان الموقع قريب من البحر وبعيد من الشمشرة السمكية "ناس خليتو لحم البقر دايرين تاكلو شمك "بالشين"
كمان عندو ميزة تانية "قول لي شنو ؟؟
السمكة لمن تطلع من الموية تتقدل خطوة خطوتين مستحيل تلقى رقبتا "جوة" السوق للعرض
ولمن تشوفا وهي مارقة من الموية حا تطمئن بانك حا تاكل سمك طازج في ظل غلاء طاحن
وطبعاً السمكة روحا ما حا تطلع إلا بعد الزبائن كلهم يكونوا إتفرجوا عليـها وهي خارجة من حوض مياه البحر الزرقاء
أما بالنسبة لإرتفاع الجملون فإنني من وجهة هندسية "بحتة" من "بحت" برى بان الارتفاع بنفعا زمن الفيضان
السوق كلو اغرق في شبر موية وتعائن لي فوق تلقى سوق السمك أحلام الفتى الطائر
برضو في رايي بأن الجملون لازم يكون مرتفع عشان الأسماك البرمائيهوائية
مش في إحتمال يطلع لينا سمك ليهو أجانحين فلو عائز يطير يطير ليكم بي فوق ولا كيف ؟؟
غايتو الله يكفينا شر النقرة
نقرتوا البترول طار
نقرتو الزنكي هدا برضو طار
التقول ضربو بي راجمات سواريح "بالحاء"

بالجد ياورقة الزنكي دا مستفز
جملون يوم الليلة ما تم الأربعة شهور وعشرة يوم
يقوم يطير بي فوق ويشحتف روح السوق!!
والله السمك لو يسمع كلامي يصل لحدي أربجي ويرجع ويتجه نحو المصب
النشوف المسئولين من السوق ديل حا يقدروا يقلعوا قروش تجار السمك كيف
ولو كمان السمك إتحرفن شوية ممكن ينباع "إختيارياً أو طوعياً" في السوق الأسود الدولي
ما كل الحاجات بقت في السوق الأسود حتى السكر الأبيض زي الساكوبيس بقى من مترددي السوق الأسود
إشمعنى السمك يعني الوحيد المفروض يعيش داخل المياه "المطينة" مرة تفيض ومرات تنحسر
وأنا لو من السمك طوالي أعمل نقابة ونسميـها "نقابة الأسماك المائية" والحمد لله الأعضاء كتيرين والحاجة للنقابة ملحة
وأول حاجة تعملا النقابة في إطار السياسة الخارجية "لحيتان مشروع إنقاذ الزناكي"
الدعوة لمقاطعة "جملونات المحلية الطائرة" والعمل على نصرة أسماك كوستاريكا وجزر البهائما
وتقوم النقابة بالتبرع بخمسة آلاف راس سمك بلطي لإخوتهم ناس الكابوريا والاستاكوزا وأم الروبيان في المصب
وبالمرة كمان تتبرع بخمسة آلاف طن ذرة "شامية" لإخوتهم في المنبع في الهضربة
أما بشأن السياسة الداخلية فتبدأ بتكوين فريق طبي تكون مهامه توفير حقن التتنس للأسماك المجرحة بسكاكين الزنكي
فلو طارت زنكية وركت فوق بلطية "لاقدر الله" وجرحتا تكون فرق الإنقاذ مجهزة "عربة عمليات متحركة" زي الأهدتا وزارة الصحة لدولة تشاد الشقيقة
وعلى باب نقابة الأسماك تعمل لافتة كبيرة مكتوب عليـها بالخبط الكبير "من أجل راحة أسماك المياه العكِرة في الزناكي الهكرة "

طاقوا طاقوا طاقيه ... وزنكي زنكي ... زنكية

حسبنا الله ونعم الوكيل ، يا أبو علي الناس دي ناسية انو في اخره ويوم قيامة وحساب ورب عادل ، وجنة ونار والله الحاصل شنو ؟

تعرف نفسي القي حسنة واحدة بس في المحلية دي وافتخر بيها لكن شكلي حاطول ،،،،،،،،،يارب بفضل هذا الشهر الكريم وعظمته يلطف بنا ويرحمنا من هؤلاء قوولوا يارب