في الحصاحيصاسرقة افطار رمضان ( عينك يا مجاهد )

كـــدي خـــلونا من الذين ســـرقوا إفطـــار الصـــائم

لكن أنــا بطرح ســـؤال ... هل أصبح ينصب في الســـودان خيم لإفطـار الصائم

طيب وين الصــواني الكانت بتطلع الشــارع عشان عابري الســـبيل والعزابــة والغرباء ... وغيرهم ... هـل تغيرت العادات والتقاليــد لهذا الحـــد ...

أول ما كان في حاجــة لأي مشروع بهـذا الشـــكل ... لانه كل بيت هـو مشروع إفطار صائم ... ولكن سبحان الله ... أرجو إفادتي !!!
أحمد ســـركيس

الأخ سركيس
تحية طيبة وبعد ورمضان كريم

سؤالك "مشروع"
والإجابة في "المشروع"
المشروعية الأولى مستمدة من حقك الأصيل في ان تتحصل على إجابات لأسئلة إمكن تكون "محيرة" ولكنها ملحة وإجابتـها في المشروعية الثانية.

أما المشروعية الثانية فهي من "الحضارة" حضارتنا المراد بعثها وقبر قيم إجتماعية وتمزيق عصبها وروابطها.

وخير مثال الفوضى العارمة في توزيع السكر بين المحاسيب وأهل الحظوات من دعاة البعث الحضاري "راجع بوستات وراق في هذا الشأن" ، ولمن يتوزع دم السكر بين هذه القبائل منو العندو مقدرة يشتري سكر ويطلع بيهو الشارع في صينية ؟؟

وعلى السكر قيس أخي سركيس
اللحوم والخضروات والخبز والغاز الخ

ياخي يخيل لي تاني جوة بيتك ما تقدر تسو ليك صينية !!
سندوتشات "كان إتلقت" تاكلها وتشرب ليك عليها حبة مويو وخلاص تصوم وتفطر على خير