محمد سيد احمد شرفت حائل

اثناء زيارة المنتخب القومي السوداني للناشئين للمملكة العربية السعودية قام رئيس البعثة وأبن الحصاحيصا الأستاذ / محمد سيد أحمد سر الختم رئيس الأتحاد المحلي لكرة القدم بالحصاحيصا وعضو الأتحاد العام بزيارة لمدينة حائل بعد انتهاء الدورة التي شارك فيها منتخب صغار صقور الجديان وهي الدورة الأولى التي نظمها الاتحاد العربي لكرة القدم برئاسة صاحب السمو الملكي الأمير نواف بن فيصل بن فهد وبمشاركة ثمانية منتخبات احتضن تصفياتها ملعب استاد الأمير عبد الله الفيصل في جدة ، وقد حصل المنتخب السوداني على المركز الثالث بالدورة ، وعند زيارة الأخ محمد سيد أحمد لمدينة حائل التقى بكافة الرياضيين السودانيين ، وقد تم دعوة الرياضيين بمنزل الرياضي وابن الحصاحيصا الأستاذ / مصطفى محمد على ، هذا وقد لقيت زيارته الأخ محمد سيد أحمد لمدينة حائل صدى واسع من كافة الرياضيين .

[img] [/img]

الأستاذ / محمد سيد أحمد يلقي كلمة على الحضور وبجانبه الرياضي عوض بخيت من أبناء محافظة الحصاحيصا (الطالباب)

[img] [/img]

جانب من مأدبة العشاء

[img] [/img]

جمع من الرياضيين بمدينة حائل بكافة ألوان الطيف أسياد البلد وصفوة

[img] [/img]

من اليمين مصطفى محمد علي واحمد الفكي ومحمد سيد أحمد والجاهوري وعوض بخيت ومن الجهة الخلفية مصطفى مدثر ومحمد صالح

[img] [/img]

لفيف من الرياضيين يتوسطهم ابننا المريخابي مصطفى مدثر عثمان الجاهوري

والله يا الجاهوري لقيتكم متحيلين في حايل
انتو بتفطروا بيض بالبيض والله شنو
والله اخير تجو راجعين تصوموا عند اهلكم .. لا بليلة ولا عصيدة ولا حلومر ولا طعمية ولا حتي فووووووول ولا نشا دي حالة اخير منها الفطور انتو قايلين الجكومي دا جاييكم من كندا ؟؟ ضيعتو عليهو رمضان في حي العمدة والافطارات الجماعية لكن برضو ما قصرتو مع الجكومي تكريم واحتفاء يليق بكم اولا كابناء الحصاحيصا وبه كرمز من رموز الرياضة
لكن بالغتوا في فطوركم الدليفري دا

حسن وراق حسن كتب:: والله يا الجاهوري لقيتكم متحيلين في حايل
انتو بتفطروا بيض بالبيض والله شنو
والله اخير تجو راجعين تصوموا عند اهلكم .. لا بليلة ولا عصيدة ولا حلومر ولا طعمية ولا حتي فووووووول ولا نشا دي حالة اخير منها الفطور انتو قايلين الجكومي دا جاييكم من كندا ؟؟ ضيعتو عليهو رمضان في حي العمدة والافطارات الجماعية لكن برضو ما قصرتو مع الجكومي تكريم واحتفاء يليق بكم اولا كابناء الحصاحيصا وبه كرمز من رموز الرياضة
لكن بالغتوا في فطوركم الدليفري دا

الاخ وراق رمضان كريم وسلام وتحيات ...
للتوضيح التجمع ده كان قبل رمضان في شعبان ...
بعدين في رمضان عندنا الحلو مر والابري الابيض والبليله عدسي ولوبي وكبكبيه والرقاق والعصيده والقراصه وغيرها ...
ويكفي أن الجكومي اتى الينا من الحصاحيصا فهي اروع من أوتاوا وواشنطون وباريس ...
الجكومي قال صام اكثر من ثلاثين رمضان في حي العمده قال عايز يغير شويه ...
ناس حائل ما عملوا إلا الواجب ...

يا جاهوري لمة في الحرم إنشاء الله ، وماشاء الله أبو النسب شباب ورياضة .

صداح فاروق وراق كتب:: يا جاهوري لمة في الحرم إنشاء الله ، وماشاء الله أبو النسب شباب ورياضة .

مليون مراحب اخونا صداح وجمعاً ..
أبو النسب شباب ورياضة وكمان يشجع المريخ يعني من جماعتكم ..
ورئيس مجلس شوري رابطة المريخ بحائل ورئيس مجلس شورى الجالية السودانية بحائل ..

لمة في الحرم يا أستاذ ونحن مبسوطين لأن الصفوة طلعت بصيد

ثمين من حائل الخير مبروك علينا النسيب وكمان ولدنا مصطفي

ربنا احفظه وأغر به والديه والوطن .

شغل نضيف يا جاهورى

شرفت حائل يا الجاكومي

» ياسر محمد محمود وصل اخيرا ودقي يا ( مزيقة ) .. شرفت دوت كوم!!
» محمد سيد احمد وعاطف احمد السيد بمملكة البحرين
» اافراح المبشر محمد عثمان محمد السيد وال الرفاعى احمد عبدالحكم
» محمد احمد العربى فى ذمة الله
» حجا مبرورا محمد سيد احمد سر الختم