حسن وراق حسن
 |  موضوع: يوميات صائم ( اليوم 25) -توجد سخرية-  الخميس 25 أغسطس 2011 - 8:10 | |
| كل صباح الناس تصطبح علي الورود والرياحين والزهور
وقدري ان اصطبح بقدوم صديقي الجعلي/
عبدالكريم محمد علي عثمان ( الدامرابي )
ويجدمعي الصديق المعتق/
محمد الجاك ابوشمة
وتبدأ الونسة الليبرالية وسخرية من الواقع بلغة
لا يوجد فيها تحفظ وتشاء الصدفة انني اجد نفسي
بين ذاكرتين فوتوغرافيتين يتمتعان بها
ادرت الريموت علي قناة الشروق فكانت اعادة برنامج
اعز الناس ليطلقوا عنان التعليقات ولكنها كلها حول الاستاذة سلمي سيد
مقدمة البرنامج مؤكدين انها ضلت الطريق الي هذه القناة ولكن لطف الله علينا
عوض علي الشعب السوداني انعدام السكر ليشاهده عيانا بيانا
كمية من السخرية بين عبدالكريم وأبوشمة وظروف المعيشة حديث كل الشعب
قال عبدالكريم لابوشمة .. والله نحنا ما قصرنا ندابر في الحياة ومطلعين رزقنا ورزق اولادنا
لكن بعد ما نموت ونمشي الآخرة اولادنا ديل الا يقعوا البحر !!
رد عليه ابوشمة بسخريته المعروفة .. البحرذاتو بتملي وما بلقوا مكان يقعوا فيهو | |
|
