حتى أنت يالفول

حكاية السودانيين مع الفول طويلة ومختلفة من شخص لأخر رغم أنها في الماضي لم تصل مرحلة التعقيد والشربكة الحالية، إلا أن حكاية الفول بدأت معي منذ مرحلة الدراسة في المدرسة " أ " الوسطى ، وطبعا لشباب الزمن دا " الركشات " هذه المرحلة قد تم صهرها مع الابتدائي وصارت مرحلة أساس "هش"، ولكي لا يعتقد البعض بأني قبل مرحلة المتوسط لم أذق طعم الفول ولكن ما أقصده هو المواظبة على أكل الفول في حصة الفطور.
أما في المرحلة الأولية فقد درستها في المدرسة الشرقية وفي حصة الفطور كنا نفطر في البيت لقرب المدرسة من الحلة الجديدة، وطبعاَ الغالب الأعم للأكل هو القراريص، وهي جمع قراصة
ونعود للفول في المرحلة الوسطى حيث كنا نأكل الفول عند العم محمد سليمان وهو من أشهر أصحاب مطاعم الفول في سوق الحصاحيصا، ولا ينافسه في ذلك إلا العم محي الدين، وكنا نفطر بالفول نحن ثلاثتنا ، المهندس عصام كحيل والدكتور بكري حسن، وكانت وجبة فطور الفول هذه تكلفنا مبلغ "ثلاثة قروش"والجنيه يساوي مائة قرش.
وفي المرحلة الثانوية أيضاً كان الفطور عبارة عن الفول نفسه وفي ذات مطعم العم محمد سليمان والشلة نفسها والذي اختلف هو السعر حيث صار المبلغ " ريال أبو عشرة " والجنيه مكون من عشرة ريالات.
وفي الجامعة اختلف الأمر وصار الفطور المكون من الفول والكبدة والسمك يكلف الواحد "طراده " ولعلمكم الجنيه يتكون من أربع طرادات.
وعندما تخرجت من الجامعة في العام.... " ما في داعي لذكر سنة التخرج" وصرت موظف كان المبلغ الذي يصرف على الفطور هو نفس المبلغ الذي كنا نصرفه في فترة الجامعة.
وجانا الزمن الحالي وسمعنا أن طلب الفول حاف يعني بليله لا تستطيع أن تحصل عليه قبل أن تدفع مبلغ واحد لحلوح بالتمام والكمال، وبهذه الطريقة يكون آخر أرخص طبق سوف يصبح بعيد المنال وربنا يعجل بالفرج برحيل الكوابيس.

[b]اخوى
عبدالمنعم
( وسمعنا أن طلب الفول حاف يعني بليله لا تستطيع أن تحصل عليه قبل
أن تدفع مبلغ واحد لحلوح بالتمام والكمال،)
الواحدلحلوح ده شنو ؟
ده كان زماااااان
سعر الفول استقر زمن طويل بقيمة (800ج )
ثم تصاعد بسرعة الصاروخ
ليرتفع 1000ج
ثم 1500 ج
ثم 2000ج
ثم 2500ج
ثم 3000 ج
ولقد سمعت بان هنالك مطعم فى السجانة بالعاصمة القومية
طلب الفول ب12000 ج فهو شنو الله اعلم
ده طلب الفول اخى عبدالمنعم
ودمت
المغربى[/b]

الأخ المغربي لك التحية
وأنا آسف لأني أظن لازلت عايش في الزمن الجميل، أو صرت عايش مع اصحاب الكهف وجيتكم شايل عملة قديمة غير متداولة، والحمد لله إن مسار تغيير العملة لم يخرج عن دينار وجنيه بالجديد والله بالقديم ، واللحلوح دا أنا بقصد بيه الكمشة الواحدة بتاعت قدرة الفول القدام الدكاكين مش الفول المصلح ، ودمتم سالمين

الاخ الغالي عبدالمنعم ......لك كل التحايا والاشواق انت والاسرة الكريمه اما بالنسبة للفول علي الاقل زمان كان الطلب يشبع ويفضل لكن الان الطلب يسوي الزهلله

ام رونق كتب:: الاخ الغالي عبدالمنعم ......لك كل التحايا والاشواق انت والاسرة الكريمه اما بالنسبة للفول علي الاقل زمان كان الطلب يشبع ويفضل لكن الان الطلب يسوي الزهلله

الأخت ام رونق لك التحية
وفوق أن الطلب زمان كان يشبع وإذا لم تشبع وهناك بقية من الخبز وهذا أكيد هنالك حاجة إسمها وصلة يعني زيادة فول مجاني لتخلص على باقي الخبز " والله زمان "

والله وقع علينا قول اتعزز الليمون عشان بالغنا فى ريدو.نحن فى مدنى الواحد فول بى اتنين نحنوح ونص يتكون من فول بى ملح وحبة زيت وعيشتىن التقول عاملين ليهو رجيم.والله المستعان.

حان الفرج إنشاء الله وسوف يعود السودان سيرته الأولى رخاء وعز و إنشاء الله تأكل كل طبقات الشعب السوداني ما تشتهي الأنفس ويتعالجوا أحسن العلاج بالمجان ويتعلم أولادنا وبناتنا أحسن تعليم في جو صحي معافى، والرجاء ألا يكون هذا حلم صعب المنال " متين يايمه ينحل قيدي "

الاجمل ياعبد المنعم من الصباح تدخل المنتدى وتلقى ليك زول متفائل وبقول ليك بكرة احلى.يارب كل الامانى تتحق.

الأخ / دهب لك التحية
سوف تتحقق كل الأماني إنشاء الله لان ليل الظلم قصير مهما طال، وسوف ياتي الفرج وناكل فول بتعريفة بدل البهدلة دي للشعب السوداني الكريم وحيكون كلامنا دهب

بالمناسبة انا انثى .اسمى عوضية لكن لقبى دهباية واختصرة بى دهب.المشكلة الحاجة لوسعرة ذاد ماتبنزل .الله كريم.

الأخت / دهب لك التحية
وأنا آسف لنعتك بصفة الأخ فلك التجلة والاحترام ونتمنى أن تنزل قيمة كل شيئ إلا الشعب السوداني

إيه رايكم نقاطع الفول زي المقاطعة الفاشلة للحم وفي هذه الحالة يصاب جميع الشعب السوداني بأنيميا حادة وينقرضوا عن بكرة أبيهم ، وبذلك يحكم جماعة المؤتمر نفسهم فقط

[quote="عبدالمنعم ترتورة"][b][font=Arial Black][color=green][size=24]إيه رايكم نقاطع الفول زي المقاطعة الفاشلة للحم وفي هذه الحالة يصاب جميع الشعب السوداني بأنيميا حادة وينقرضوا عن بكرة أبيهم ، وبذلك يحكم جماعة المؤتمر نفسهم فقط
ترتورة الناس ديل ما عندهم مانع تب .
وهم هسع لموا الناس كلها فى الخرطوم قاعدين ليهم فوق راى الله استر .
ومن ابى وتمسك بارض الجدود فى الاقاليم فتردى الخدمات والملاريات والانتنوفات وغيرها كفيلة بالابادة لهم .
مع تحياتى

الأخ / بدر لك التحية
كل التغيير في الثورات العربية قاده شباب البلد وين شبابنا، يا بدر إذا شبابنا ناسي أو ماعندهم علم ذكروهم بثورة أكتوبر 1964 وانتفاضة ابريل 1985 يمكن يحسوا شوية، والله نعتمد على الدعاء فقط

زمان كان طلبة المدارس يفطرون بالفول الان اصبح الفول بعيدا عن متناول ايديهم واصبح الطلبة يفطرون الان
بسندوتشات الطمعية وما عارف بعد شوية الناس حتاكل حجارة ولا شنو - على العموم سوف اقوم
الايام القادمة بعمل تقرير مصور عن الطلبة وفطورهم بالطعمية لانها اصبحت الشيئ الوحيد الذي
في متناول ايديهم وربنا يجيب العواقب سليمة