"لحظة" شنو "شابكننا" بدعة بدعة بدعة "قرب تعال ما تبتعد"

وداعــــــــــاً ياظلام الهم على أبوابنا ما تعتب
ومرحب ياصباح الحب تعال ما تبتعد
قرب تعال ما تبتعد

البشير قال مالك عقار كان عبء عليهو
أريتو كان سكت عند هذا الحد
كالعادة هاج وماج وزاد وقال "عقار بقى زي الدبرة في الضهر"

دي ذاتا ذكرتني القصة عنوان هذا البوست الذي أتمنى أن يكون "سندة"
نقيف فيها شوية عشان نطلع الهواء الساخن
في كل المواقع السودانية بتمحور الكلام عن "المخرج"
نسمهيو "الدبارة"
وللناس الما كوامر "بصارة"
ولدينا زخيرة كتيرة من طرق الدبارة والبصارة
ولا يخلو مجتمع من مجتمعاتنا من "بصير" متخصص في تتطيب الجروح وجبر الكسور
نشوف القصة "عنوان البوست" ونرجع تاني للبصارة والدبارة

شيخ متصوف ورقيق
قدر ما يعمل ليهو حاجة ولدو يشب ليهو "دي بدعة"
دي بدعة
ودي كمان بدعة
ودي برضو بدعة
سأل الشيخ "ياولدي شنو شابكني بدعة بدعة بدعة البدعة دي شنو كمان ؟؟"
الولد قال ليهو "أي حاجة ما كانت موجودة في عهد النبي فهي اليوم بدعة"
الشيخ قال ليهو "طيب ياولدي إنت حضرت عهد النبي يعني كنت موجود في العهد داك"
الولد في غفلة قال "لا أبداً أنا ماحضرت زمن النبي وما كنت موجود "
الشيخ قال ليهو "طيب أكان كدي إنت ذاتك بدعة"

البشيل فوق الدبر وما بميل
قدل شيخي لي رباعتو مهيل ..
من موروثات هذا الشعب المعجون بالإرث الجم وأكيد كلكم سمعتوها عند فناننا الكبير عبد الكريم الكابلي

لاح لي بريق بالليل
طراني الخليفة التلب
اللزوم لي الشيل
الطيب سمح بالحيل
أي بدورك تضاير
لي ديل فوق ديل

ساقية ابوي طنت
دراويشا الطرابا
أي كيرا بتقنت
أنا بشرح بقول
و الطنابرة تتصنت

بلد الأُندرا
يا سيدي شقيتا
والجُرح المغوّر
لحقت بريتا

سيد الساقية والساويه
بي رحيبا
سيد العجل الرباعه
البتتاتي بي قيدا

لاح لي بريق بالليل
طراني الخليفة التلب
اللزوم لي الشيل
الطيب سمح بالحيل
أي بدورك تضاير
لي ديل فوق ديل

شوف مدلول ووقع إستخدام المفردة "الدبر"
في الحالة الإستخدما بيها الكابلي كناية عن قوة التحمل وعدم الإكتراث للجراح في موضع الحمل "ضهر الحمار"
فالدبر معروف بانو "الله يكرم السامعين" العوار البقوم في ضهر الحمير من كثرة إحتكاكات الأحمال بجسم الحمير
وشوف المفردة لمن إستخدما البشير في خصومتو غير المبررة مع مالك عقار
فإذا عقار "دبرة" في ضهرك يالبشير فالبشيل فوق الدبر ما بميل
إنت الميلك شنو ؟؟

من الآخر إنت ذاتك "بدعة"
لكن الشعب ما مال ولا بميل
وحا يظل الكابلي يغني ويغني

صلاح ربيع من جماعة "الهواء الأخضر" قاعد في أمان الله وسيجارتو قصبة
جاهو صاحباً ليهو إسمو "عبدو كُمش" مشهور بتجارة الأدوات المنزلية وكدا
عبدو جرا ليهو بنبر وقعد مع صلاح ربيع وإكراماً لعبدو صلاح ناولو نفسين بس
عبدو جرا النفسين العيون بقن زي الشرار وطوالي طلع برنامجو الانتخابي وقال:
"والله أنا دائر أفجر الكباري" ومن الدهشة بادره صلاح "ياتو كباري ياعبدو ياخوي ؟؟"
عندها وبي رواقة قال ليهو "والله ياصلاح حا أفجرها كلـها كبري كبري وحا تشوف التفجيرات"
صلاح قال ليهو "ورينا ياتو كباري ؟؟" عندها عبدو قال ليهو :
"كبري شمبات والنيل الأزرق والنيل الأبيض وكبري الجيش وكبري الفتيحاب الجديد وكبري الحصاحيصا رفاعة"
وإستفسره صلاح عن سبب هذه التفجيرات فقال " والله داير أفجرا عشان أقلب الحكومة وأوقف الحرابة دي"
إبتسم صلاح وقال ليهو بعد ما جر ليهو نفس طويل
"طيب ياعبدو يعني حا تنادي سارة جاد الله تذيع ليك بيان الانقلاب مش كدا؟؟"

وفعلاً خذو الحكمة من أفواه "المساطيل"
فالإنقلاب بقتضي تدمير ولكن تدمير شنو ؟؟
عبدو كُمش ما شاف غير الكباري يفجرا ويقلب
في حالتنا الماثلة أها "البشيل بدون دبر وبميل" فجر شنو ؟؟

سُئل أحدهم عن الفرق بين النيل الأبيض والنيل الأزرق فأجاب
" النيل الأبيض فيهو أسماك وتماسيح والنيل الأزرق فيهو إسراء وتسابيح"

يعني مافي كباري تفجرا يا كُمش لأنو الخسائر حاتكون تقيلة وحا تشمل "البُدر" والروائح

ولو لاحظتو "البُدر" فيـها جرثومة "الدبر"
االدال والباء والراء مش ياها ذاتا حبيبتي ذاتا
طيب دا ما العناهو " البشيل فوق البُدر ويكيل قدل شيخي لي رباعتو مهيل .. "

مصعب ياخوي وقتين الله جابك ما تساعدني في الورطة دي
فتحت هذا البوست وراح علي "خيطو" شفت جنس المحن دي ؟؟
ياخي إشتقت ليك شوق السحابة مش الراحلة لا لا البكت شووووووووووووو

يا المحبوب مساء الخير :

إنتا يا خوي الجاتك في خيوطك هينة ، وخيط البوست ده لو ما إتلقي في غيرو !
بس القضية في الناس الرايحة خيوطهم كلها وهم ما عارفين !

اخى الحبوب
سلامات ومشتاقين ما بتكفى بس شوفتك وجلسة تحت شجرة نيم وفنجان قهوة صباحى بجنزبيل وحكاوى ما بتكمل بداية بتمبول ومخازن القطن وباب الحراسة الما اتسدة دى ممكن شوية تبل الشوق وملعون ابو الغربة الفرقتنا وذى ما قلنا فى اخر اتصال الواحد كل ماصح جاه اتصال امك ماتت وابوك مات ولا عيان دحين لمتين يالغالى ماتشوفوا لينا حل يا ورقة وبعدين حكاية خيطك دى دايرة ليها جلسة زار عصرية وهاك يا طلبات فستان احمر وديك حبشى وخروف اسود وخاتم دهب وعلبتين !!!!!!!! تم الباقى مع تحياتى الخاصة لأخى صداح وراق

يامصعب والله مشتاقين
ولا أقول ليك حاجة ؟؟ عثمان مصطفى ذاتو وبجيك راجع
تتخيل ياصداح لقيت الخيط بعد طلعت من الحالة إياها
والسبب الدزاين الجديد "يفتح النفس"
وبهذه المناسبة أحكي ليك دي
واحد في لحظة من لحظات التجلي وهو قاعد مع المدام "المسكر والعسل من فمك"
يعني نظام "حبيبي أحكي لي وأنا أحكي ليك بالحاصل بي والحاصل بيك"
قام قال ليـها " والله يا صفاء انا بحب جالكسي"
قالت ليهو وهي تطقطق في أصابعيـها :
"والله يا معتصم مادام فتحت لي قلبك وبقيت واضح معاي أها انا بحب بكري"
قال ليها "يا صفاء جالكسي دي شوكلاته"
ردت سريع وقالت ليهو "لكن يا معتصم بكري دا ما عسل عديل كدا "

يا مصعب سلامات .. عليك الله ما تدور لينا المحبوب بالقديم ....شنو ... فستان احمر وديك حبشى وخروف اسود وخاتم دهب وعلبتين ....وعلامات تعجب كمان!!!
والله اول مره اعرف الزول ممكن يدور بالامنيات ....
هسع الزول ده بقى يكتب فى شنو ... جابت ليها شوكلاته وعسل ... وخيط فوزيه الحبشيه!!!
حالتها دى علبتين!!!
هوى يا المحبوب يا اخوى ده ما كلام علبتين .. ما تخمنا ساكت...!!!

سلامات اخى العزيز بكرى
والله انا شفت المحبوب مدور سياسة ونسى الرياضة قلنا نرجعه للرياضة قام جانا داخل بعد العشاء والحمد لله وقفت عند الشكولاته والعسل وخيط فوزية وانا متفق معاك يا بكرى دا ما كلام علبتين وبعدين العلبتين ديل ( احوقو وين ) والله من حلقومة ما تنزل مع تحياتى لكم ولأسرتكم الكريمة

كتر خيركم دكتور بكري وأخونا الحبوب مصعب
وفي حقيقة الأمر "بجدية شوية" يادابكم مسكتوني في طرف الخيط
وبعدين يا مصعب مافي داعي لتقليب المواجع أسي الجاب سيرة "علب الساردين" شنو ؟؟
والله شكلكم عايزين ليكم دستور إنتقالي "يعني متنقل من حتة لي حتة"
بدل دستور "عول" أحمد البشير الهدندوي التوبو توب حرير الهدندوي
وشوف يا مصعب بالله "خيط الرؤساء" تلقى الواحد يعرض في الدستور لمن يقول شكرن
ولمن يقولو ليهم "طلباتكم ياولاد الأبالسة" يقومو الجماعو يقولو أمنياتهم وطلباتهم للرئيس

اللهم خلي الزعيم
واديلو زي ما هو عايز
عايز منقة ياخد منقة
عايز فراولة ياخد فراولة
عايز فلوس ياخد
هو محتاج فلوس اللهم صلي على النبي

ده بيركب ببلاش
يارب خليهو لينا يارب
وكتر فيتاميناتو
اللهم كتر فيتامينات الرئيس
وأكلو كباب وكفتة طول عمرو
واديلو سلطات على اد نيتو
اللهم اديلو طحينة
اللهم اطحن الزعيم
واديلو طرشي
اللهم طرشو
واديلو جرجير
اللهم جرجر الزعيم

اللهم ابعد عنه الامراض المتوطنة
اللهم قلل من امساكو
واكثر من اسهالو
اللهم اخرب يبتنا احنا ياشيخ
اللهم موت الشعوب كلها في يوم واحد عشان الرؤساء يصحوا الصبح ميلقوش حد يحكموه
انما احنا احنا احنا ولاد ........................
احنا بنضايق الزعماء وبنعكنن عليهم
اللهم افقرنا واغنيهم
اللهم خد مننا واديهم
اللهم شلحنا وغطيهم "من مسرحية الزعيم/ عادل امام"

» اّخر طلقة ، أفتينا يا الصادق المغربي ، الإنتخابات بدعة ،
» بيزنس كارد .. العولمة الاسلامية لا داعي لمشاهدة هذا البوست (توجد بدعة مصورة )
» تعال اصرخ هنا ماشي وين
» لحظة ،، آخر لحظة
» موضة تعال شَطِفْنِي