قالو نحنا بنلعب مع الكبار

انتو كبار فى السن ولاكبار فى الميدان
الهلال التعبان مالو زعلان
جمهوركم مسكين البدا يأمل
فريق مفلس ورصيد مافى
وماشى بجاز المصافى
هل يعقل يفوز ببطولة قارية
يا اعلام ياغش كفاية ضحك
بعتو جرائدكم وعملتو فلوس
وكمان فضائيات
قولو الحقيقة وريحو العباد
كرة القدم اصبحت علم يدرس
وانتو لسه بتعاينو للحظ
والحكم المفلس عشان تدفعو ليهو
فى بداية البطولة تأكلو الحمام الميت
وفى النهاية تبقو انتو الحمام الميت
ماعندكم ملعب جاهز مقابر واتملت شواهد
شهيد الزمالك شهيد وفاق سطيف
شهيد انيمبا شهيد مازمبى شهيد الترجى
رفضو كلام صلاح ادريس قلتو عايز يبيع
الاستاد ويشيل القروش
يا خوانا ود ادريس محتاج ليكم
الرجل الصالح عايز يبنى ليكم استاد في الصالحة
عشان تبقو بعيدين وتكونو ناس صالحين
رفضتو كلامو عملتو نايمين
نحنا نأيد صلاح ادريس
زريبة العيش ترجع زى ماكانت زمان
وانتو ىوزعوكم على السنترليق
كان رفضوكم نحنا بنقبل بيكم مشجعين
لانو نحنا فاقدين الناس البتضرب بونية
فريق ماقادر يدخل قون
بس فاتح شبكتو للاقوان
وبرضو عايز يفوز ببطولة
العجم يغلبوكم والفصاح يغلبوكم وانتو لسه مأملين
انتو بتقولو الهلال فريق كبير الغالطكم منو
عمركم خمسة وثمانين سنة القدركم مات زمان وشبع موت
حتعيشو لمتين نحنا ماعارفين
ياجمهور الهلال الصبر الصبرتو
على فريقكم عشان يجيب ليكم بطولة خارجية
ايوب لو فى كان اداكم تحية
لولا الغش ورشاوى الحكام كنتو دخلتو الجنة بالمجان
صبر لمتين انحنا ماعارفين
نحنا مامجدنا صبركم بقدر مامجدنا قبركم الجاهز دا
عايزين تدخلوه متين عشان ندفنكم ونرتاح من متاعبكم
برضو مأملين فى شنو نحنا ماعارفين
جمهوركم قال ليكم البطولة ماضحك وهزار
البطولة عايزة رجال جمهوركم صاحى وانتو نايمين
فى البداية تذبحو الذبائح وفى النهاية تدقوا الصفائح وتطلعوا الفضائح
برضو مأملين