[b]نصيحة والــي لرعيته ..[/b]

لـو مسـك العطـش حسـك ..

جوعـك خنـق حلقـوم ..

هـرد السـهر روحـك ..

ألمـك حماك النوم ..

أبعد بعيـد سيـبا ..

قـوم .. خـلـّها الخرطـوم ..

صـُم خشمـك أوع تكوريك ..

بـرّاحة أمـرُق فـوت ..

لو راسـك إتشابا ..

بنجيبوا تـحت الـبوت ..

نسـرق رويحتـك دي ..

خلـّيهو ســرق القوت ..

قـاعـد معانـا هنـا ..

تمـرض كمـان بتمـوت ..

هنـا العلاج لينـا ..

وليكـا بالشـلّوت ..

تشـرب عـرق جسمـك ..

شـرابنـا نحـن التـوت ..

نـرميك مع الشبكـة ..

عشــان نصيـد الحـوت ..

تقعـُد هنـا بتنـداس ..

خلـّيها أمـرُق فـوت ..

أحسـن قبـُل تصبـح .. ويجيبــك الحـُـرّاس ..

وتقـول أريـت لو كان .. شردتا من الفاس ..

قـُبـّال تقع في الراس ..

المدرسـة الخاصـّة ..

ما هـول ولادكم ديـل..

ولادنـا في الجنـّة ..

ليكـُم سموم الويـل ..

منو الببيع أكياس ..

وينظـّف العربة ..

تعليم شنوا الجاكـُم ..

تجيـكُم الغلبة ..

شايفين ولادكم ديل ..

البشبهوا الكربة ..

شيلوهم أمرقوا غـادي ..

سيبوها خرطومنا ..

عرقكم الطالع ..

أقلق كمان نومنا ..

عايزين كمان يبقي ..

كومكم مع كومنا ..

والله إنتوا غجر ..

كوشة وساخة حـُفر ..

إنتوا التجيبوا الشـر ..

أمشوا فارقونا ..

قلناها ليكم جــر ..

كمان بتعترضوا ..

بجيكـُم عـذاب في الحـر ..

والصخرة في راسكـُم ..

أحسـن تفارقونا ..

وألبســوا قياسكــُم ..

مغــــارب ::

خطير يا مغارب
لو سمحت لي اعادة نشرها
قصيدة معبرة
تسلمك يا مغارب

حسن وراق حسن كتب:: خطير يا مغارب
لو سمحت لي اعادة نشرها
قصيدة معبرة
تسلم يا مغارب

لا تستأذن منــّي .. أنـت أستاذي يا أبو علـي ..

أفـعل مـا تـريـد .. مـن أنـا حتـي أسمـح ولا أسمـح ..

أنـا زول معولـق ســاي .. أفعــل ما تــريـد ..

مغـــارب :-

يا صــابــر ،،

أناما بنوح ،،

لو جيتني متوشح ،،

ريحت دميك تفوح ،،

عطرك صعد لي فوق ،،

شايل معاهوا الروح ،،

بتنزل مطر من تاني ،،

يغسل وطن مجروح ،،

ترجع غناوي الشعب ،،

بلبـُل صرح في الدوح ،،

يا صــابـر ،،

بقوم فقير منسي ،،

جلبابوا ده المرقوع ،،

ضامر الحشا وصامد ،،

يهذم زمان الجوع ،،

فقه اللحس للكوع ،،

ورثوا البلد بي حالا ،،

ديل قسموها شيوع ،،

يا صـابـر ،،

قايلين دوام الحال ،،

ناسين بيبقي مـُحال ،،

كيفن بيحقر مسلم ،،

أخوه لو تربال ،،

طوريــّة فوق لي كتفوا ،،

في إيدوا بس شـوّال ،،

قام في البكاري مرق ،،

يفتح جداول موية ،،

سال من جبينوا عرق ،،

منـّوا الزرع بتـّق ،،

نـوّارو إتهادي ،،

عصفور هناك زقزق ،،

كان الزمان طيـّب ،،

الليلة صابوا محق ،،

يا صـابـر ،،

يا عشقي إتحـزّم ،،

سير في الدرب وألزم ،،

إنـّك تجيب الحق ،،

للتاهوا ما عادوا ،، أو ماتوا في منجم ،،

والفات وعندوا وليد ،، ما إتشابا ما إتكلم ،،

والقام في نـُص الليل ،، حزين وصابوا الغم ،،

مهرك يكون الدم ،،

يا عشقي ،، يا صـابـر ،،

مغــــارب :-

^{فـي الطـريق للملازميـن ، أم درمـان ،،
مــروراً بـمقابــر أحمــد شرفــي ،،
تمتمنا بالـدُعـاء ،، وقراءة الفاتحـة ،،
صديقـي المجنـون ،، فجـأة بـدأ حوار مـُستفهم ،،
:- يا حبيب الناس ديل كيف هســّة ،، ؟؟ مـُشيراً للقبور ،،
:- بخيــر ،، أظنـّهـُم كذلك ،،
:- يعني اللحمة عندهـُم ما زادت ،، ؟؟}

^{ماذا أصاب هذا البلد ،، وساكنيه ،،

خفــوق :- أول

كـو ،، كـو ،، كـو ،،

صـوت الباب الخارجي يـدُق ،،

تـم فتــح البـاب ،،

يبدوا علـي عتبته شـاب أربعينـي ،،

طويـل ،، عريـض ،، شــارب ،،

مرحـب إتفضـل ،،

شــُكرن ،، ماشـي طوالـي ،، عنـدي جولـة طويلـة ،، المهم بـُكرة سمايـة أخوي قال ليكـُم

أبـوي تعالـوا أفطروا معانـا الجـُمعة ،،

خفــوق تاني :-

كـو ،، كـو ،، كـو ،،

فـُتـح الباب ،،

طويـل ،، عريـض ،،

ينطح الحيطة ،، يعمل ليها إرتجاج في الطوب ،،

أهلاً ،،

أهلاً ،،

إتفضـّل ،،

شـُكرن ،،

بـُكرة زواج أمـي ،، العقـد في المسجد ،، بعد المغرب ،، تعالوا العشاء ،،

خفــوق تالـت :-

لمحـت فجـأة ،، غنمــاية ،،

جـوار مدرسة أســاس ،،

حواليها ،، لا أثـر لنبات ،،

أو ماسـورة معطوبـة ،، تركـت بركة ،، اّســنة ،،

خــُيــّل لـي ،، أنهــا ،، تبصــُق ،،

الغنمايــة ،،

نـظرت مـرة تانيــة ،، لعـلـّي أتوهـّم ،،

لا ،، إنها تبصـُق ،، وهذه المـرّة ،، بضجـر ملحوظ ،،

تعاطفت معها ،، وشاركتها الضجــر ،،

بصقت ،، وركلت وهماً أمامـي ،، وإنطلق منـّي سـُباباً بـذي ،،

ضـد ،، كــُل أحوال ،، ال ،، الخــفــوق ،،

""""""""""""""""""""""""""""""""""""""""""""""""""""""""
الخــفوق ،، لا هو إخفــاق ،، لا هـو نفـوق ،،

عــوانُ ُ بيــن ذلك ،،

""""""""""""""""""""""""""""""""""""""""""""""""""""""""

مغـــارب :-}

والله يا مغارب انت مبدع حقيقي

حسن وراق حسن كتب:: والله يا مغارب انت مبدع حقيقي

^{بســأل يا حســن :-

فبــل الـولـوج :- للمدينــة القديـمة :-

الحصــــاحيصـــــــــــا :-

ـــــــــــــــــــــــــــــــــــــ

عـلي أعتـاب ديــار ،،

قبـل الـدخـول ،،

سألـت الطيـن ،،

هل ما زالـت ،،

تلك الديار هـي الديار ،،

والساكنيـن ،،

هل ما زال النهـار يطـلع ،،

والعابريـن ،،

أكتـاف أحلام الطريـق ،،

نفـس الحنيـن ،،

هل ما زال كالأمس مرفوع الجبيـن ،،

المقاهـي الحالمـة ،، والنغـم القـديـم ،،

ورشـف الشـاي ،،

أم ضاقـت الكـُبـّاية زرعـاً ،، بالسنيـن ،،

وضـاعـت بوصـلـة ،، مـن فـم ،،

مـن طـول مكـوث الهــم ،،

والكيــف الخـرابـة ،،

ـــــــــــــــــــــــــــــــــــــــــــــــــ

بسـأل بـس يا حسـن :-

مغــارب :-}

» نصيحة غالية قبل ذبج الخروف
» نصيحة إلى مغترب (ماااااااااااتجي)
» نصيحة لكل المرشحين ..
» نصيحة رمضانية
» نصيحة مفيدة