هلال مريخ ... أيام ليكم ... و ايام لينا .

كلها سويعات ...
وينفض السامر ...

لو غلبناكم ... لنملأن جدران هذا البوست بالأزرق ...
وإن هزمتونا ... لنضربن الزوغة عادي زي المافي حاجة ...
ونقعد نتاوق زي كل يوم .


الدرون ده مالو !!!!



بجيكم راحع .

راشد محمد الجاك كتب:

ياعلوب سلام ...
ياخوى ان خسرنا ... بنخسر نتيجة وبس
وان خسر بنو الاحمر ... فقد خسروا فرحة الكاس
الزوغة دى مارك مسجلة عندهم .... وعمك معتصم ردهم ردم صاح وقال ليهم تقعدو السنة الجاية فرااااجة بس فى كاسكم المحبب ...
شفتا كيف !!!!!!

معروف على مر التاريخ منو البزوغ
التاريخ مسجل لكم ياناس بني زرقان زوغاتكم
محليا وعربيا واريقيا
اسأل ابطال العرب
واسأل الممتاز
واسأل سيكافا
تنبئكم بالزائغين على مر السنين

مبروك للمريخاب ...كاس الممتاز ..
الكاس كاسكم ... وتستاهلوا بجدارة .

الدرون ده مالو !!!
مرضي للطرفين رغم ضربة الجزاء الضالمة التي إحتسبها الحكم ...

لكن سادومبا ده إنتوا ما عارفنوا ؟
زول بجيك مارق زي السهم ...
زول كان جيت بي جنبو ساي في خط 18 ... يدردق ليك لمن إنت ذاتك تتقول انا عملت ضربة الجزاء دي كيف !!!..

لكن والله تستاهلو الكاس ..
متصدرين منذ بدء الدوري ...
وبهزيمة واحدة بس ...

مبروك مجددا .

اديك العافيه ياعلوب ياارقى هلالابي قابلني
الله ابارك فيك
تعيشو وتاخدو غيرها ان شاء الله

سلامات علوب ...راشد... التنوبي ايناس
علوب : تغلبونا ولا نغلبكم مافي مشكلة بس ناس سادومبا ديل وين في البطولات الافريقية ؟
وشنو الدعاية البجيبوها دي هيثم وسفاري يضيعوا في ضربات الجزاء ويشربوا موية وبعدييين يحرزوا الاهداف ؟ فخلاص ما في مشكلة ناس المريخ يشتروا الموية دي كلها ويغلبوكم ؟؟؟ شو رايك

أنا طبعا هلاريخي علي المريخ

سلام للجميع ...

تعرف يا علاء ... سادومبا ده من أميز المحترفين المروا علي السودان مؤخرا ...
و فوزه بهداف كاس افريقيا هذا العام أكبر دليل ..

اما محليا فهو الهداف الثاني مباشرة بعد (سكوهت) ..

و العاجبني فيو ...
حراس المريخ وين ما كانوا مجربين أهدافوا ...
و الله حراس المريخ المشاطيب ما مريحهم ...
ياخي ده ما خلي ليك (أكرم) في فريق الخرطوم ..
ولا (بهاء الدين) في جزيرة الفيل ...
ولا (يسن) في المريخ ذاتو .
زول صعب خلاص .

سا سا سا .... ساكواها .

يوم لينا ...
الدورة الأولي موسم 1996 ..
الهلال 4
سانتو – أنس – مركز – ابو شامة
المريخ 1
زيكو

لبع شديد ..
يوم كان لينا بالكتير .. اربعة لمن غلط .

بمناسبة هدف زيكو الوحيد الفوق ده ..

ياخي الزول ده كان صعب شديد ..
في فترات كده .. ردمنا ردم جد ..
كل ما يعكسوها في خط تمانتاشر ...
تلقي الكورة تغازل في شبكتنا .

عندو راس (لمن غلط)...
زي الأربعة الفوق دي .

يوم لينا ...
الدورة الثانية 1996
الهلال 2
سانتو – والي الدين
المريخ 0

الملاحظ إنو أولاد الحصاحيصا هم المسيطرين علي التهديف في بداية مباريات هلال مريخ بالدوري العام ( سانتو – مركز ) .

تاني يوم لينا ...
الدورة الاولي 1997
الهلال 1
مركز
المريخ 0
( إنتو ناس المريخ ديل غلبوا متين !!!!)

يوم ليكم ...
الدورة التانية 1997
المريخ 1
نميري أحمد سعيد
الهلال 0

لاحظ أستمرار إحراز الاهداف بواسطة ابناء الحصاحيصا ( مركز – سانتو – نميري ) ..
قون نميري شبال جميل كان سبب في تسمية حارسنا السابق أحمد النور ب ( احمد هوبا ) .