كلها سنه واحده يا جماعه والزول يتم سنة الخدمه الالزاميه ... وبعداك نشوف البحصل شنو!!!!
وتحققت نبوة صديقى العزيز الصادق الزبير .. زميل حنتوب والجامعه والعمل .. والذى كان فالقنا انو رائه هذا سوف يطبق فى يوم من الايام فى السودان .. خلاصة الفكرة .. الصادق كان ينادى بتعيين الخريج الجديد وزير طوالى او وكيل وزاره وان تعذر ذلك يعين فى الدرجه الاولى الممتازه ... وتفسيرة لهذه النظريه ان الخريج سيجد كل شئ متاح له .. العربيه والسكن والامتيازات .. والسفريات والنثريات .. واللفحات والكفحات .. دى ما لفحات وكفحات المحبوب!!! وبعد كل سنه خدمه تتم دحرجة الخريج الى الدرجة الاقل الى ان يصل الدرجه كيو (Q) وينزل على الماش معزز مكرم ملفح مكفح .. مكرش ... لزوم كرسى القماش والجلوس فى ضل العصريه خارج المنزل .. يرد التحيه بفرحه وانبساطه ...
موضوع: براحه على نجل الميرعنى .. دى الخدمه الالزامية 
الإثنين 5 ديسمبر 2011 - 3:35
