موضوع: سحب الثقة من لجنة حي العمدة الشعبية السبت 10 ديسمبر 2011 - 16:39
قامت مجموعة من شباب حي العمدة بالتحضير لجمع توقيعات لسحب الثقة من لحنة حي العمدة الشعبية والتي تم انتخابها في الاسبوع الماضي احتجاجا علي نقض اللجنة للاتفاق الذي بموجبه قام عيسي حسن عيسي ( منسقية الدفاع الشعبي ) و هشام محمد سليمان (النشاط الطلابي ) بوعد الشباب بمقاعد في اللجنة لتمثيل الشباب مقابل التصويت لقائمة المؤتمر الوطني والتي يمثلها عثمان الدحيش ومجموعة من المؤتمر الوطني وبعض عناصر الامن الشعبي بالحي في انتخابات غلب عليها الحشد السياسي لعناصر المؤتمر الوطني الذين تنكروا لوعودهم ولم يشركوا الشباب ومن ناحية أخري اثارت مجموعة الشباب بالحي قضايا من المسكوت عنها حول مخالفات اللجنة السابقة حول الموافقة علي اقامة برج الاتصالات بقلب الحي في الوقت الذي رفض في كل الاحياء وقد تردد ان هنالك مبلغ 17 مليون تقدمها شركات الاتصالات نظير الموافقة .
مهدي بكش
موضوع: رد: سحب الثقة من لجنة حي العمدة الشعبية السبت 10 ديسمبر 2011 - 20:11
انت عارف يا ورقه لجنتكم دي حاتكون اغني من المحليه
حسن وراق حسن
موضوع: رد: سحب الثقة من لجنة حي العمدة الشعبية السبت 10 ديسمبر 2011 - 22:21
يا ابومصطفي يا حليلك حي العمدة بقي عشوائي ارخص بيوت للاجار في الحصاحيصا هجره اهله وتغيرت تركيبته السكانية وصاروا من المجبورين بعض اعضاء اللجنة قصدك ح يكونوا اغني من المحلية دا كلام صحيح لانو اهل الحي ما شغالين بيهو ومعظم الساكنين بالاجار ماشين جنب الحيط خايفين من ضلهم وبرضو خايفين علي العدة من كلاب لهب
عبدالمنعم ترتورة
موضوع: رد: سحب الثقة من لجنة حي العمدة الشعبية الأحد 11 ديسمبر 2011 - 7:38
والله ياورقة صدقاً لي كلامك عندما عرضت الصور من ضمن خبر إجراء إنتخابات اللجنة الشعبية لحي العمدة قلت شنو هذا وين الجماعة المرطبين في حي العمدة كما عهدناهم في الزمن الزين، وبالمناسبة هم ركبوا ليهم تلفونات عشان يخافوا على العدة؟
سحر
موضوع: رد: سحب الثقة من لجنة حي العمدة الشعبية الأحد 11 ديسمبر 2011 - 9:33
والله يا حسن وراق كنا عايزنك انت فى رئاسة اللجنة لأنو الحالية ماشفنا منها أى جديد أو مفيد.. بعدين العدة فى الحفظ والصون ما تخافو عليها
موضوع: سحب الثقة من لجنة حي العمدة الشعبية 
السبت 10 ديسمبر 2011 - 16:39
