لاقيت أخوي في الفيس.. و حكيت ليهو الcase..!!

# و العاوزو يرضى عنك.. أديهو بوهيات المهندس..

# Never..Never.. Never .. عدس الوابل و بس..

# و أتاريك بتحنني بى حنة (.......)..؟؟، نسيتا و الله.. تلقى الولية و كل النساوين حافظنها عن ظهر قلب..!!

# لاقيت أخوي في الفيس.. و حكيت ليهو الCASE..

# أسمعنا مرة.. أسمعنا مرة ..MTN .. الدعاية دي ما بحجم السر قدور..؟

# البرنس بيشرب موية الوابل.. الوابل مياهـ المشاهير.. يا الرشيد بدوي دعايتك دي لما تبدى يكون في ناس بيمشوا بيشربوا (.......) بدل الموية..؟؟ لزوم السأم و كدهـ..!!

# و أبوي وصاني على شاي (الزرافتين)..

# في دعاية حقت (وش البامية) إختفت من زمن..!!

العاوز ينتقل لمشاهدة إحدى القنوات السودانية هذه الأيام، عليه أن يتهيأ لمشاهدة كمية من الدعايات الكتيييييرة زي ما بتعمل الMBC.. و كثير من هذه الدعايات مسيييييييخة.. لا حوار لافت و لا موسيقى تصويرية جاذبة.. لا مونتاج .. لا إخراج..!!
و هناك دعايات أخرى للأثاث خاصة بالناس المرطبين فقط و من يريد البوبار من متوسطي الدخل.. و كل ما أعاين لدعايات الشقق السكنية ذات الأقساط، أقوم أتذكر أرضاً لي نازعني فيها أحدهم و قال أنها ملكه و لم يحضر للمحكمة ما يثبت ملكيته للأرض سوى شهادة (الجنسية)..!! و طوالي أقوم أتذكر ليك المحامية المتابعة لي القضية.. وحاة الله أضرب ليها إسبوع ما ترد لي..!! و يوما الترفع السماعة تقول لي (و الله مشغولة.. و أساساً أنا ما قاعدة أرد على مكالمات بعد الخامسة مساء..!!) و أخوكم كان لقى فرصة في التلفزيون و الدعايات (البتعكِر الدم و البتذ كرو همومو) و كان خلوا لي الأولاد التلفزيون إلا بعد صلاة العشاء (وقت عشاء الأولاد و ليس نومهم)..!! و بى النهار أنا غلبااااان مع الشغل و هم المعيشة..
يعني أنا أتصل بى المحامية دي بعد صلاة الصُبح .. يا ناس ..؟؟ عشان تقوم المحامية تقول المزعج ده ما قاعد ينوم و لا شنو..!! و هُو النايمين ليها شنو.. ؟
هسع أنا الخلاني أكتب الكلام ده شنو..؟؟
و دمتم

يارشيد ياخوى ماتحرق دمك ع الفاضى .....
فى حاجة اسمها ريمووووت ....
اول مايجوا ناس بيت ابوى واخترقت الشباك ....
طواااالى تنازل للصغار وجيب اسبستووووون .....
البتشوفو دا مرآة عاكسة لواقع الحال ....
اختفى الابداع وحتى ابجدياته ....
انا الخلانى ارد ليك شو هسى ع الكيس دا ؟؟؟؟؟؟؟

فى حاجة نسيتا يااااااااااااااااااااااالرشيد،،
حرم النور يا الرز يا بيت ابوى،،،
اها رايك شنو!!!

الاخ/ الرشيد فعلا شريط الدعايات حاجة مملة وسخيفة جدا خصوصا في عندما تكون القناة تنقل
كرة قدم - واكثر مايحيرني هو الكلام السخيف الذي يكتب احدهم يرمز لنفسه بحرامي القلوب
وكمية الغلطات الاملائية التي تكتب بها الرسائل لايفرقون بين التاء المربوطة والها وغيرها
نتمنى ان تقوم القنوات بسحب هذه الرسائل السخيفة

استاذنا سلامات

ياخ يحلها الشربكها

مودتي

طبعا اخ الرشيد مواضيعك دائما تدفعنا نحو الكي بورت وتجدنا مسترسلين في الكتابة
اها شوف اليوم وبعد غيبة طويلة ظهر لنا الانيق محمد علي جبريل ودايرين موضوع اخر يجيب محمد كمال
ويا اخي انا في موضوعك دا المدخلني شنو يكون دعاية رز الوابل يا بيت ابوي والله بالغت يا حرم

" راجل المرة حلو.. حلى)..!!

هل هذه أغنية هابطة أم (دعاية) لراجل المرة الذي يجد رواجاً عند بعض من حواء السودانية في زماننا الحاضر..؟؟

يا اهلنا هووووووووووووووووووى ما ياهو ده سودانا نخليهو ولا نجيب لينا سودان غيرو ولا نقطعو وندي الجيران منو حته حته ولا رايكم شنو ؟؟؟؟؟؟؟؟؟؟؟؟؟؟؟؟؟؟؟؟
واضح يا الرشيد ياخوي انت نسيت حبوبه وصاحباتها

يا الرشيد كلونيا وحجارة بطارية كيف !!!! وهاااااك يا عرضة

يالرشيد الهبوط مامرتبط بالدعايات وبس قيم كثيرة هابطه وباسبابها .

بعدين المحاميه ماود الاهليه متابعه وانت تضرب بالليل والساعة 4 ص ابتسام مافى؟

طبعا نحن مافاهمين حاجة من الكلام دة؟؟؟؟لانو اصلا القنوات السودانية وغيرها ماعندنا هنا ...الواحد اقول شنو ماعارف ....والله اشتقنا للهبالات دى....
ودمتم

الرشيد رايك شنو في دي :

سوداني وخليك سوداني

أحدهم لم يشفع له كونه جائي من الحصاحيصا

هدى احمد كتب:: يا اهلنا هووووووووووووووووووى ما ياهو ده سودانا نخليهو ولا نجيب لينا سودان غيرو ولا نقطعو وندي الجيران منو حته حته ولا رايكم شنو ؟؟؟؟؟؟؟؟؟؟؟؟؟؟؟؟؟؟؟؟
واضح يا الرشيد ياخوي انت نسيت حبوبه وصاحباتها

والله يا هدي حبوبة دي فلم تاني ... مي هاو ... هلو مر ... عذبت ليك الأي فون عذاب شديد

MTN قرايب وييييييييييييييييييييييين

لو سمحت وطى صوت التلفزيون واسمعنا من التلفون

هناك دعاية هذه الأيام لحفل غنائي بإمارة دبي يوم 5/يناير القادم، في الدعاية المعنية يتم الإعلان عن (حرم النور) و (شكر الله خلف الله) قبل الأستاذ (حمد الريح)..!!
و عليه، لدي فكرة بأن أقيم حفل غنائي سااااااهر أغني فيه أنا (شخصياً)بدولة عربية مجاورة و سأجتهد في أن تجد طريقها للإعلان عنها في قنواتنا الفضائية السودانية، و سأنتظر قبل من من (العمالقة) سوف يتم تقديم الإعلان عني كمطرب غنائي..!!
و حقاً (كل شئ جميل يلوح بالوداع)..!!
و دمتم

قنان الشباب
الرشيد 2012
توجد صور

برافو.. يا عشي..

و قد يسميني غيرك المطرب (رشا منتديات)..!!

و برضو أحسن من (حمادة بت)..؟؟

و دمت

وين من 6 أقوم من نومي

4848

رقم خدمة الكهرباء لجميع السودانيين..

أو هكذا تقول دعاية جمال حسن سعيد للمؤسسة (القومية) أعلاهـ..

في بلادي، يبدو لي (و الله أعلم) أن من يوفر لنفسه حق الكهرباء و كيس (تمباك) كل يوم ذو حظٍ عظيم..؟

و دمتم

» إن كنت ريحا فقد لاقيت إعصارا
» أخوي ،، بكري ود عتمان ود حمد ،،
» ،، لعمر محمد عثمان ،، أخوي ،،
» حظر وحجب الفيس بوك قريبا في السودان
» هل الفيس بوك ..... في خدمة الموساد ؟؟؟؟؟