ذروة الألم

حبوبة عزة جالسة في وسط العنقريب وفي برندة البيت وتشاهد التلفزيون، ومر أمامها حفيدها ابن ابنها البكر، وبادرته بالسؤال التالي، يا ولدي يا خليل انت توطين العلاج دا ياهو شنو ؟
يرد خليل يا حبوبة دا معناه يبنوا مستشفيات حديثة وفيها أجهزة متطورة ويجيبوا دكاترة سودانيين عايشين بره يشتغلوا في السودان، والناس يخلوا السفر للعلاج في الخارج.
وتنعدل حبوبة عزة في جلستها وتمصمص خشمها يمين ويسار وترد علي خليل
ياولدي الجماعة ديل بدل يوطنوا العلاج وطنولينا المرض
ويرد خليل : عجييييييييييب أمرك يا حبوبة وينصرف !!!

يا ابو التر تعال هنا!! انت كنتا وين ؟؟
قبل ما نقول ليك عام سعيد

الأخ / ورقة لك التحية
وكل عام وإنت بخير وأتمنى أن يكون هذا العام هو عام التغيير للأحسن إن شاء الله، لقد أخذت لي فترة إستجمام وراحة خلال شهر ديسمبر للتأمل " نوع من الفلفسة الزايدة" تحياتي للأخ الشيخ الكبير خالد ورقة وصحبه الأبرار

حبوبة عزة كعادتها جالسة في مواجهة التلفزيون، وتسأل خليل ياولدي إنت المهندس محمد حسن عالم دا قبضو ليه؟
خليل : منو القال ليك قبضو؟
حبوبة عزة : سمعت الخبر من تلفزيون CNN!!
خليل يرد يا حبوبة قالوا، قال كلام فيه تطاول على د. نافع علي نافع.
حبوبة عزة : هو قابل نافع دا وين ؟
خليل : طلبة المؤتمر الوطني عاملين ندوة في جامعة الخرطوم وهو حضر ضمن الحضور، وقام عمل مداخلة وقال الكلام الماعجب ناس المؤتمر الوطني.
حبوبة عزة : هو المهندس دا لمن قال كلاموا ختف المكرفون من مقدم الحفل بالقوة والله أعطوه ليه الناس المنظمين الحفل؟
خليل : أعطوه ليه الجماعة الفي المنصة
حبوبة عزة : يعني الجماعة ديل شغالين بالمثل المصري " أضرب السايب يخاف المربوط "
خليل : عجيييييييب أمرك يا حبوبة

ترتورة عارف حبوبة خليل اظنها حبوبة MTN حبوبة السرور والله .
اولا نقول ليك ساياو تانيهاو يهاو
العظيم خالد ورقة بغريك السلام وهو لا زال صامدا ومواصلا فى الدرب الابيض مع بعض من قطرات المطر لزوم الانزلاق .

الأخ / بدر لك التحية
لم تصف لنا شعورك وإنت نازل في مطار الخرطوم بعد رحلة الاستجمام وغسيل المعدة، وتحياتي لرفيق الدرب خالد ورقة، وهو من في الابتدائي ماسك الدرب الأبيض، ومتفوق على أخوه الكبير عادل، لكن ياريس حكاية الشموع دي ما أظنها تمشي لي قدام مع الورقتين

يا ابو التر
خليك في ورقتك
وصاحبك بدريتو زاتو لحق الصح
بقي ( نخرا ) ساكت!!
دا نحنا دافننو سوا وانت اقيض في الكويت دي قوي

كل يوم إنت جايب لينا خبر كارثة في البلد مش أحسن نقبض قوي في الكويت، وطبعاً أكيد الحصل لي بدر دا بسببك وسبب الشيخ ورقة و الدرب الأبيض البمشيهو الليث الأبيض

حبوبة عزة مدمنة على مشاهدة التلفزيون ولها ذاكرة تحفظ كل شيء، وأي عبارات تسمعها تتقال في التلفزيون وما تعرف معناها تنتظر ولد ولدا خليل عشان يشرح ليها الكلام السمعتو وما فهمته.
حبوبة عزة : الليلة ياولدي سمعت في التلفزيون يتكلموا عن الربيع العربي ، وتواصل في الكلام هو ياولدي الربيع العربي دا ياهو شنو
يرد خليل ويقول ليها الربيع العربي يا حبوبة هو عبارة عن الثورات القام بيها الشباب في بعض الدول العربية
وتقاطعه حبوبة عزة : هم الشباب ديل قاموا بالثورات دي ليه
ويرد خليل : لأن الحكام في هذه البلدان حكام ظلموا شعوبهم ومنعوهم الحرية والديمقراطية وأكلوا أموال الشعوب الفقيرة.
كالعادة تنعدل حبوبة عزة في جلستها وهذه المرة من غير مصمصة خشم وبصوت خافت تقول لخليل وإنتوا متين تسو الربيع عندنا؟
يرد خليل : نحن ما بنقدر نعمل ربيع
فتسأل حبوبة عزة : عشان شنو مابتقدروا؟
فيرد خليل عشان نحن في السودان ماعندنا فصل إسمه فصل الربيع .
تضحك حبوبة عزة وتقول عجيييييييييب أمركم يا شباب

» جذور 00 قمة الألم 00 قمة الإنحطاط
» النعناع يخلصك من الألم
» ركن الشوايقة
» تانى قام واحد جميل فى بلدنا ..... مات كان بغني للمساكين .. والمسولتين .. والحفاتْ وكان بغنى للمنافى .. والعصافير .. والرعاتْ وكان بغنى لى بلد في الحلم ... جاي .. أغنياتْ وكان بطنبر .. وكان بدوبي .. للحياةْ
» احذروا مسكنات الألم الموضعية