حسن وراق الى سويسرا بالاحد

[color=cyan]اليوم اكتملت كافة الاجراءات المتعلقة بسفر عضو منتدى دوت كوم المميز حسن وراق للسفر الى سويسرا وذلك بدعوة من منظمة التجارة الدولية هناك وسوف يقضى الاستاذ حسن فى (جنيف ) فترة 30يوما تقريبا يقوم خلالها بمتابعه عدد من السمنارات والكورسات المقامة فى المنظمة
وهذا وسوف يغادر الاستاذ حسن الخرطوم فجر الاحد القادم
وذلك نهيب بكافة اعضاء دوت كوم بالخرطوم بضروة التجمع مساء السبت بحدائق مركز عفراء للتسوق وجلسة على النجيلة هناك بدعوة من عضوة دوت كوم بت النيل ومع شاى فائزة وحسن كيشو
وكيك رحمة وكل بورداب دوت كوم بالخرطوم[/color]

يسافر اخونا حسن و يرجع مظفر بالسلامة إن شاء الله. يا أخوانا و الله شهيتونا في اللّمة الطيبة دي و لكن ... دي ليكم كلكم:
إليك تعتنق الخطي
و خطاي موثقة بقيدٍ لا يبين
وددت ان ألقاك
لقيا العاشق الظمآن
يرشف جرعة الشعر الحزين
لكنما تأبي القيود تحطما
و يشدّها ألم دفين

لكم الوّد جميعاً

خالد
http://www.ezine-act-politics-business-and-love.com/love.html
http://www.hoa-politicalscene.com/horn-africas-friends.html

يا عمار يوم السبت الساعة كم؟

رحلة موفقة ابو على وترجع لينا بالف خير واعمل حسابك من انفلونزا الخنازير ...

**تمشي وتجي بالسلامه هيثم مع السلامه**

الاخ ورقه باسلامه .وعوده مظفره
ابوعبيده

لانملك الا ان نقول حا توحشنا ونوصى swissAir بأرجاعه بالسلامة ونقول ليها انت شلتو جيبو يا الطيار لا اقصد الطيار الاستاذ رحمه الله حيا اوميتا ورحلة موفقة يا ورقة بس كنا دايرنها ليك مع العروووووس

يا صلاح ابوشمه .. ياخى وصى الخنازير من انفلونزا حسن وراق .. هسع عليك الله خنازير جنيف دى مش يتخاف عليها من حسن وراق ... !!!

تمشي وتجي بالسلامة يا حسن مع السلامة
(من اغاني البنات)

Badr Abbas كتب:

لانملك الا ان نقول حا توحشنا ونوصى swissAir بأرجاعه بالسلامة ونقول ليها انت شلتو جيبو يا الطيار لا اقصد الطيار الاستاذ رحمه الله حيا اوميتا ورحلة موفقة يا ورقة بس كنا دايرنها ليك مع العروووووس

يا بتاع التاء المربوطة
عروس شنو
فى زول يكون عمر بكرى عثمان حمد وضياء عدوى ويعرس

بالسلامة الاستاذ حسن وراق
ياعمار حسن وراق لو قال بسم الله كل شى بتم

تمشي وتجي بالسلامة
اخاف عليك من حسناوات سويسرا وتكبر اللفة
وتعمل منتدي زيورخ دوت كوم

مع الاولاد ,ولا براهو

يا عمار تلودى بكرى عثمان حمد دفعة لحسن وراق ماش بالمناسبة حسن وراق جابوهوا تربال كبير ودفعته عمر وزيرى والتوم الدغور اما انه دفعة ضياء عدوى العارفو عمك عدوى رحمه الله كان متعاقد مع وراق على العشاء وبحر الشجرة شاهد على ذلك

بالتوفيق سيد حسن

بلد جميلة سوف تسعد فيها كثيرا ( الخضرة والماء والوجه الحسن )

لك الود والتحية وتمشي وترجع بالسلامة ....

نستودعك الله الذي لا تضيع ودائعه...

أبو را ئد

الجار الحنون والاخ الاكبر حسن وراق حسن حا تفقدك كل حى العمدة وشجرة تلودى
وكل الاهل وما تطول الغيبة ونحن فى انتظارك وكل الدعوات الصادقات والامانى الطيبة بان يرعاك البيرعى وان يردك لنا سالم غانم ونلتقى يوم الجمعة فى الفطور بتاع الشجرة

سافر تصحبك السلامة

ده شنو يابدر انتظر لمن الاقيك .. عشان سكتنا عايزين تمشوها فينا .. اسال اخوك طارق ابونوره!!
والله حسن ده دفعته اصحاب الكهف بس!!!

تمشي وتجي بالسلامة ماتنس حاجات حي العمدة من التياب والرجال ساعات وساعاتي لمها لي لغاية ما اجي

وبالمناسبه دى اللمه بكره الساعه ثمانيه فى حديقه العفراء

و يارحمه ووهاد وتماضر وانعام وبت الحصاحيصا وغاده ضرورى تجوا عشان نضمن الثياب
والدعوه لكل من بالخرطوم ياركابى

بالسلامه انشاءالله
ومصحوبا بالتوفيق

..بالف سلامة ورحلة موفقة ... وتجينا وتورينا ناس التجارة العالمية ديل فهمن شنو ...
الفردة يبلغك التحايا وشغال حفظ كويس ...

اخونا بكرى اولا الشوق مطر والتحية لك وللاسرة نحن لمن كتبنا ماش سبقناها بأن عمنا حسن جاكم تربال قح بشنبو وهو قدام صلاح عثمان حمد بس ما تنسى العم حسن فى السوق عشان كده خليناهو دفعتك والله يستر عليه منكسر المخروقة فى الالب