إعتذار عن حضور رحلة الشمعة ولو ظللكم الزيزفون "بدرتو أمسك عليك خشمك دا"

أيوة مقاطعة ومفاصلة كمان
والوسطاء يمتنعون
وتوقد شمعة وتصبح رماد

ما تقولو لي أشجار المحورية
والله لو ظلاكم الزيزفون برضو "مقاطع"

جعفرون إنت عارف معزتك عندنا
لكن برضو مقاطعين
التحكييييييييييييييييييييييييم فاشل

بدريتو أبعد بعيد
خلينا نقاطع بمزاج
نجي في المحورية في اليوم المحدد وحا نهتف
"الشعب يريد تسجيل النظام"

وهو في شنو ؟؟
فسوف نلجأ للمحكمة الادارية بـ "الباقير" لإبطال القرار
ومؤقتاً سنطالب بإيقاف إجراءآت الرحلة حتى يقوم جعفرون باللازم وتفصل المحكمة في الطعن

المحبوب.. واقف براك و ..........؟

تتاتي ذي رِمشاً حزين..!!

شفتا أخوك بيعرف ذي كلام (الجماعة)..؟

ثقيل.. و ..لا .. مثقف ، ما عارف..!!

النرجع للموضوع..

هسع ذي مقاطعتك دي لو كانت ضد الحكومة و ما جاء هتف و لا وقف معاك زول.. حا تعمل شنو..؟؟

و دمت

يالرشيد ياخي كتر خيرك
وانا والله خاتيك وداخرك للأكبر من دي
وطالما كنت معي فانا لست وحدي بأي حال من الأحوال
وكنت قائل يجو يسألوني من سبب مقاطعتي ولكن
ولو سألت عما أريد وأنوي فعله فلم يتبق لي سوى الخمسة في اللاتنين

والله يا المحبوب يا اخوى انا سمعت كلامك ووقفت بعيد لكن غلبنى وحرقنى تجاهل الجعفروون لغناءك وترديدى وراءك .
بالجد البودراب الكوامر بهتفوا الله والمحورية ورحاب وبس

عوووووك الشعب يريد.........

Badr Abbas كتب:: والله يا المحبوب يا اخوى انا سمعت كلامك ووقفت بعيد لكن غلبنى وحرقنى تجاهل الجعفروون لغناءك وترديدى وراءك .
بالجد البودراب الكوامر بهتفوا الله والمحورية ورحاب وبس

كيف يعني يا خال بدر ،،

أها ،، أكان رحاب ما جات ،،

أريت الرحلة تبقا حـُفر ،،

وتسلمي يا رحاب من شـر ،،

وأطلق في البخور ،،

بخور تيمان مع الجاولي ،،

والشب النضيف ،،

يا عين يا عنيـّة ،،

أبعدي من هذي البنيـّة ،،

الرايقة ونـدّية ،،

سيبيها الصبيـّة ،،

وأرحلي للجـُبال ،،

من عين البنات ،،

من عين الرجال ،،

حصنتك بي الله ،،

يا بت يا رحاب ،،

أها ،، لقيني كيف يا خال بدر ،،

بعدين إنتا يا المحبوب ،، المحبوب ،،

أكان جيت أو ما جيت ،،

أنا بهديك التلاتة سنوات ،،

وهن ،،

التلاتة شمعات ،،

وهن ،،

التلاتة وردات ،،

ليك ولي الشافعات ،،

والفارس المعاهن ،،

وكمان بزيد ،، ليكا في الغـُنيات ،،

ومعاكم بدر عباس ،،

يحفظكم كريم ،،

من شرور الناس ،،

تملاكم الصحـّة ،،

تلبسكم لباس ،،

أها ،، كيف معاك ،،

مغـــارب :-

بدريتو تصدق كنت دائر اعدل العنوان بعد ما سمعت أغنية "ما أحلى التجاهل في زمن التجافي
والكان بينا حاصل أسباب ليهو مافي" ...
وبعد تدخل الواسطات وتدخلك وتدخل أخونا مغارب وحبيبنا ودعيسى سنتراجع عن القرار
وسوف نأتي الرحلة مع المغارب وندور
زي السواقي النايحة نص الليل
حنين الدنيا ممزوج في بكــاها

زي طيورا في الفروع
محتارة بتفتش جنأها
المحورية والناس بتسأل عـــــن صبية
فارقت رحلتنا زي طيرا غريب
ما جا المحورية
يا سلام..
يا سلام ..
يا سلام
يا سلام لو كان جفا الطيف حسن نية
كنت نسيتنا الوصية

أوعي ليـــــــــــــل الغربة
ينسيك ريحة الطين في جروفنا

والتميرات البيهفن ديمة رازات في حروفنا
والشربوت والغيم رزازا في العصير

بالفرح بلل كتوفنا

نحنا راجعين مع المغارب
المغارب
المغارب
أها يا مغارب لقيتني ككيف ؟؟

المحبوب أحمد الأمين كتب:: بدريتو تصدق كنت دائر اعدل العنوان بعد ما سمعت أغنية "ما أحلى التجاهل في زمن التجافي
والكان بينا حاصل أسباب ليهو مافي" ...
وبعد تدخل الواسطات وتدخلك وتدخل أخونا مغارب وحبيبنا ودعيسى سنتراجع عن القرار
وسوف نأتي الرحلة مع المغارب وندور
زي السواقي النايحة نص الليل
حنين الدنيا ممزوج في بكــاها

زي طيورا في الفروع
محتارة بتفتش جنأها
المحورية والناس بتسأل عـــــن صبية
فارقت رحلتنا زي طيرا غريب
ما جا المحورية
يا سلام..
يا سلام ..
يا سلام
يا سلام لو كان جفا الطيف حسن نية
كنت نسيتنا الوصية

أوعي ليـــــــــــــل الغربة
ينسيك ريحة الطين في جروفنا

والتميرات البيهفن ديمة رازات في حروفنا
والشربوت والغيم رزازا في العصير

بالفرح بلل كتوفنا

نحنا راجعين مع المغارب
المغارب
المغارب
أها يا مغارب لقيتني ككيف ؟؟

كـــــلام زي الـدُرر ،،

بـدُور زي الكواكــب ،،

وإنتـــا أكيـــد قمـــر ،،

حوالينـك ثمــــر ،،

ليـك تنـزل غصــون ،،

تجيـب التحــّية من دُنيـا الشــجـر ،،

لقيتـك زي ما قـال فــؤادي ،،

أغــرق يا مغـارب حياتــك في البحــر ،،

لقيتـك ،،

أخــوي ،، فـي الجـانب الاّخــر ،،

مـن الـروح ،، الجـانب الأكثــر نــقاء ،،

و ،،

نلتقــي ،،

مغــــــــــــــــارب :-

المحورية حا تنور والزهور حا تفتح يا المحبوب
ويسقط الجعفرووون والجهاز الفنى

» أمسك ال ....اضافة قبح جديد
» اجتماع بخصوص رحلة الشمعة الخامسة وبرنامج (طلاب لا يفطرون)
» يا معتمد الحصاحيصا .. برافو عليك .. طلعتا تفتيحة لكن عليك بابجيقة و اعوانه الزبالعة حتي تدخل قلوب ناس الحصاحيصا!!!
» يمين بالله كان أبوها في إنتا خشمك ما كنت تقدر تفتحو ؟؟ خلي تسب ولا تلعن !!
» أمسك الشريعة فى جوبا(شرطة جوباتجلد فتيات لارتدائهن ملابس فاضحة