موضوع: رد: قصائد في المضمون الثلاثاء 31 يناير 2012 - 12:11
الف مرحب بالمشوكشين معنا شرفتي كتير نوسة واطربين واوجعينا اوكما يقول اهلنا بالخليخ عوري قلوبنا لك التحية وللاسرة صغيرة وكبيرة
اسامة بندي
موضوع: رد: قصائد في المضمون الثلاثاء 31 يناير 2012 - 12:13
هلا وغلا زعيمنا زعيم المشوكشين العائدين لك تحياتي واشواقي اخي الحبيب حسن دائما نرجو منك الروائع فلاتبخل
اسامة بندي
موضوع: رد: قصائد في المضمون الثلاثاء 31 يناير 2012 - 12:18
ياكوثر الظاهر الاقبال حيكون اكبر من بوست راياك شنو نطالب ادمن بمنتدى كامل لك التحياة اينما كنتى
اسامة بندي
موضوع: رد: قصائد في المضمون الثلاثاء 31 يناير 2012 - 13:11
اعذريني
أعذريني الدمعة ديّه حتبقى آخر دمعة ليّه تاني لو قربت منك يبقى ليك الحق عليّ
أعذريني محال أعاود تاني ريدتك وأمشي ليها ولا أرحل في عيونك. والطفولة الضاجّة فيها كيفك أريدك وانتي أصلك ريدتي ما حسيتي بيها بالبعاد ما تعذبيني أعذريني وأعذريني ما قدرت مرة واحدة بالغلط أغلط عليك وانتي عمرك كلو ظالمة والدليل غفراني ليك عارفو قلبك ما معاي برضي شاغل قلبي بيك بالحنان ما تعشميني أعذريني وأعذريني من زمان وأنا راجي منك كلمة بيها تفرحيني وانتي ما فرحت قلبي كنت ديمة تجرحيني قسمة الزول ما بتفوتو والبجيني معاك بجيني لو بكت منك عيوني سامحيها وأعذريني
كوثر يوسف عبدالصادق
موضوع: رد: قصائد في المضمون الأربعاء 1 فبراير 2012 - 10:11
لا شوفةً تبل الشوق ولا رداً يطمّن أريتك تبقى طيب إنت أنا البي كلو هين قليبا لي رهيّف عارفو ماب يحمل حنيّن إنت ماب يغباك حالو الفيهو كل البيهو بيّن بقيت مالي غير أشعاري أكتبه فيك وأدوّن أقول يمكن تزيل ما بي ولاّ قليل تهوّن ومالكن يا قماري بتشدن إيش لازمة تغنّن نغيماتكن تهيج أشواقي للعينين يبكّن بدّيكن وصية أمانة لي سيد روحي طيرن ترا الحال العلي شفتنو قولن ليهو أحكن قوليلو السحب في روضو ما عادن يكبّن وأضحى محل خراب ما فيهو غير زهراً مضبلن قولن ليهو ليلو طويل .. طويل.. طولاً يجنّن لا قمرًا ظهر في سماهو لا نجمات يضوّن وكل ماليهو يتصبّر يقول أيام يعدن يمنّي لنفسو بي لقياك ولاّ ترد لو يمكن
(؟ ؟ ؟ ؟ ؟ ؟ ؟ ؟ ؟ ؟ ؟ ؟) تحياتى
Enas Adawi
موضوع: رد: قصائد في المضمون الأربعاء 1 فبراير 2012 - 17:07
كلمات / طارق الامين
نمشي وين والدنيا عتمة يا حكومتنا العزيزة ؟ كل احاديث المدينة ... قصه اليخت اللذيذة .. والتعرفو من مصيرنا كلو تحت الطربيزة .. وكل صباح الامة تصبح بي مزاج ناس كونداليزا .. ونحن صلعنا وكبرنا وتاني ما بيدونا فيزا ..
***** والقصة ما قصة يخوت .. القصة قصة شعب جايع دار يموت .. قصه البلد المكتح وباني فوقو العنكبوت .. قصة الايدز والملاريا القالو ازمة بنكنوت .. قصة الكلى لما تفشل من شراب موية البيوت .. قصة السيل البيطفح فات خلاص حد السكوت .. قصة الوطن المجرح وكل يوم خاشيهو بوت .. وايه الفرق بين فرح الوطن وفرح الحبيبة وبسمتا ؟ وايه الفرق بين الرفد وبين الضياع والشلهتة ؟ وايه الفرق بين الرسم في الامتحان والشخبتة ؟ وايه الفرق بين الرسوم وبين القلع والهمبتة ؟ وايه الفرق بين المقابر والضماير الميتة ؟ وايه الفرق بين موتة دايمة وللا موتة مؤقتة ؟ وايه الفرق بين العرس والقرمصيص والكبرتة ؟ وايه الفرق بين البري وبين الكلام العكلتة ؟ هل جينا في الزمن الخطأ ؟ هل جينا في زمن الضجيج والسلبطة ؟ هل جينا بالشعر الطوال خشينا عهد الزعمطة ؟ هل نحن عاجزين عن مواجهة المصايب والمحن ؟ هل نحن اكوام من هلافيت الزمن ؟ هل نحن كالابطال بندفع في الثمن ؟ أم نحن اذيال الحكاوى الانتهن ؟ هل نحن إنسان القرون الانتهن ؟ أم نحن اصحاب المباديء ويا أم ضفاير قودي الرسن ؟ هل نحن جادين في الوطن ؟ هل نحن اخوان في الوطن ؟ هل نحن سيان في الوطن ؟ هل نحن اخوان في المحن ؟ هل نحن انسان الوطن ؟ ام نحن من جان نمتحن ؟ من نحن.. يا هذا الزمن ؟ يا ام مصايب قودي الرسن ؟ واهتفي... يا سيدي الحسن ؟
كوثر يوسف عبدالصادق
موضوع: رد: قصائد في المضمون الأربعاء 1 فبراير 2012 - 18:58
يالملكه ماك متزعمه ياساريه فى الزمن النحل ياضل على البلدات رمى يالكادحه من أجل الوليد شان راسو إصبح فى السما ويالفوقا ماف غير الله شئ وحتى الله زاتو معظما والجنه أيه تصبح معاك أرخص وأقل من مقدما ودايساها بين كرعيك حبت فى قاع مدايسك مرغمه ويايمه شوق قطع حشاى واوجعة الدمع الهما إشتقتا لى مطر الخريف وكتين حفايرو إحزما وبهيمنا فر تال التبر أماتو واردات الضما كوعتا فوق العنقريب بتشرف العيش اللتيب والعفرا تتقاطا الرحل منظر دواخلى يأزما مرصوص متل عقد الكنار منضوم على جيد السما إتحكرتى فوق بنبر حطب قهوة ضحا وجلسة لما خيلانى وأعمامى الكبار خالاتى والجد العمى ونسه وصراحه وقرقراب متفائله بالضل الرما والتايا بت عوض الكريم المالكا قلبى مقسما منصره فى طرف الصعيف نادتنى هيي أصبحتو كيف ؟؟ بيناتنا شاشاق الحطب همساً دقاق مو همهمه قالولكن الليله أمى مكرمه طرزتا ماراعيت كبير عاد تايا كيف ؟؟ وإنشاالله خير قاتلى شديده وإلا عيب وسط الرجال بتناغما وتب قبلت ماشفتا غير كفلاً رطن كاجر الطريحه محشمه إلا إمى واضيعة رجاك من ولدك الطشطش عما أنداح تبع زخم المدن ضيّع بداوتو وحطما وسلام من البلد السجم سموها يمه العاصمه ويايمه ولدك ضاع خلاص تايه مبارى العولمه ماياهو ضرغام الرجال الكان قبيلتو معظما وياحليلو روبك والسمن ياحليل لذايذ الأطعمه ضوّق لسانى طعم جديد بيرغر .. وجامبو المفرمه ومعدتى ذاتا إطوطوت ما أظن عصيدتك تهضما خدعتنى كندشة الوهم حمام وريحه وهندمه راجيانى فوق النار أقع ؟؟ وأنا هالشمس مابلزما !! دايرانى فوق دلوكه أهز ؟؟ راجيانى أسل سيفى وأرز ؟؟ وألعب مع التوم ود حمد صقريه درقه محكمه !! وأنا داك بقيت سيد الرقيص مرات قرد ..مرات كتيفتى أبرما دايرانى بى سوط العنج أركز مع السر وادما؟؟ إنفره سروالى البجر أربط بتينتى وأحزما شبال من التايا وأهز طاقيتى شنقا وأقرما وفوق ضهرى داداب العنج وأصفاحى نازفات الدما أيمه ولدك ضاع زمان زمان وحكايتو بقيت مؤلمه باريت لؤى وقصى ومى وين تانى كاكوم وادما !! ضهرى الممسح بتلصف راقد لحايفو منعمه ما أظنو بتحمل لبع والخرشه ماأظن بلزما سروالى ماياهو القبيل سديريتى جكه مجضمه حاجات مجبصه كلها وطاقيتى كاوبوى وإنما والكاوى قلبى وشاوى شى كان شفتى واحدى مقرضمه لابسه البناطلين زينا والله ماتفرزيها تب كان فارده شنبه تبرما !!! لكنو مهما الزول بعد حكايتو القبيل مابهدما جاييك وشايل بقجتى جواها ورقه مختمه أياهو حلمك وجبتو ليك داك جمه ريقى من الظما بتمنى من الله الكريم إمد أيامك وإقدما وتحجى فى كل عام إهل وتعودى سالمه وغانمه يايمه وتعودى سالمه وغانمه
اسامة بندي
موضوع: رد: قصائد في المضمون الجمعة 3 فبراير 2012 - 8:33
الابيض ضميرك
إنت يا الأبيض ضميرك صافي زي قلب الربيع في كلامك وابتسامك أندي من زهر الربيع عشت متهيئ لحبك كل أيامي وحنانها ابتسامك عزيزة بحرق الآهات عشانا كنت شايلك في عيوني باني ليك ارفعة مكانة بس لقيتك إنت حائر تظلم الحب بالمهانة الدموع السايلة مني يا ما سالت حرقتني والظنون الحارقة قلبي بالماسي كم شقتني كنت بجني شقاك محنة وأعشق أوهامي الطوتني
اسامة بندي
موضوع: رد: قصائد في المضمون الجمعة 3 فبراير 2012 - 8:37
ليه حياتنا اخترت غيرها فيها أحلامنا وكلامنا فيها حاجتنا الصغيرة كيف تغطي الصورة صورة ريدنا داك يا سيدي كلو يبقى ماضيك بالضرورة
ايه لقيت فيهو الجديد ريدتو من حاجات بقولا او ليك قرب اماني بينا ما قادر تطولا هل قدر يكسر غرورك هل هو في الاحلام بزورك هل هو بالجد بيعرف لعبة الريد واصولا هل صحيح راقي ومهندم هل ببكي الريد عيونو هل عرفتو ما بتندم في الليالي القاسي طولا
الف مبروك يا مخير انت بتبيع المشاعر البصر دون البصائر والاصل ما ببقى صورة
كوثر يوسف عبدالصادق
موضوع: رد: قصائد في المضمون السبت 4 فبراير 2012 - 16:31
غلطان أنا خالد شقورى عبدالرحيم البركل عـاشـق عـيـونـك كـم سنه معليش خلاص غلطان أنا مـشـيـت عـلى دربـك سـنـيـن افـرش دريـبـك بـالمنى سـرحـت فـى واديـك زمـن نـاس الهموم ناس الضنى كـتـبـت فـيـك احـلـى الـكـلام نـظـمـتـا فيك اجمل غنا خـلـيـت يـمـيـن كـل الـبـلاد واخـتـرتـا دنـياك احضنا مـعـلـيـش خـلاص غـلـطـان أنا وكل الحصل بتحملو انـا لـى زمـن مـتـمـنى يوم آخر المطـاف بس اوصلو ويـقـولـو لـى مـبـروك عـلـيـك ونـبـدأ الـفرح من أولو نضحك كتير جنب الصحـاب فى يـوم سعيـد ما اجملو معليش خـلاص غلطان أنـا غلطـان عشان بغلط كتير غـلـطـان عشان قايـلـك هـنا إمكن معاى تبدى المسير غـلـطـان عشان مـن الـنسـيم لو مس لى جسمك اغير غـلـطـان عشان مـن دون جراح فى دنيتك داير اطير ماكـان زمـان بـتـقـولى لى غيرك محال اعشق حبيب مـهـمـا قـسـت كـل الـظـروف أنا ليك ما ممكن اسيب آيـه الـجـديـد فـى حـبـنـا آيـه الـحـصـل آيـه الـغـريب لـو مـا الـزمـان غير هواك ولقيتى لى جرحك طبيب قولى زى ما النـاس تقـول انو الزواج قسمه ونصيب معـلـيـش خلاص غلطان أنا ومن قلبى ليك كل المنى تـتـهـنـى بـى فـرح الـعـمـر ويــذدان قـليـبــك بـالمـنى ياهـو الـقـدر وانا راضى حتى لـو انكـتب لـى الضنى تـتـهـنـى انـت مـع الـنصـيـب وانا ليك بنظـم فى الغنااصلوا الـحـصـل ما منـك انتى بس صحيح غلطان أنا
الغلط وارد بس التوبه النصوحه ضروريه ؟ ؟ ؟
الدكر
موضوع: قصائد فى المضمون الأحد 5 فبراير 2012 - 13:26
كيف أبكى ؟..وبكاء عار ياملاكى ... انما ...حبك نار...! **** كيف صبرى وسكوت الليل أضحى يعصر القلب حنينا طال ليلى ... وأبى الاظلام صبحا واللظى أن يستكينا **** كلما لاح على الآفاق نجم لفه الليل بعيدا فاذا النجم خيالات ووهم تبهر القلب العميدا **** ان رأيت الدمع يجرى من عيونى فتسلى... بدمـــــــــوعـــى فاذا ما أصبح العذال دونى فاكتمى ســـــر الدمـــوع **** ياملاكى أى ذنب كان ذنبى هدنى الحـــــب وألــــــوى ليتنى ما كنت أو كان قلبى يعرف الحــــــب ويهــــــوى **** ضاعت آلامال آمالى الغوالى ومحى المقدور أمســــــــى وسقانى المر من كاس الليالى ليت شعرى أى كأس لم أعد أعرف للألحا نايا أو لقلبى مــن شفيع كل أحلامى تهاوت كالضحايا وفؤادى كالصـــــريـــــــع
كوثر يوسف عبدالصادق
موضوع: رد: قصائد في المضمون الإثنين 6 فبراير 2012 - 9:08
ما الريد ازا ملك الفؤاد وجرى في الشرايين والوريد اصبح وسم واداك اسم ورسم ملامحك من جديد رغم الجراحات والالم خلاك تحس انك سعيد الرجعه لي بلد الحبيب راح تبقي هي العشم الوحيد اعمل شنو اعمل شنو لو اصلها الدمعات تفيد زرفت دمع الدم عليك وبكيت فراقك بي القصيد اغدارنا باعدت الخطى كيفن من الاغدار نحيد وانا فارد التحنان حضن والبسمه ليك ممدوده ايد خايف مشاوير الاسى واللهفه والشجت الشديد يومي الاشد بكره الرحال واصبح من الاوطان بعيد اعمل شنو ... خليني اشوف كل البلاد واصبر علي زمني العنيد لامن الاقي خيوط عشم تغزل خيوط بيتنا السعيد ما انحنا بي كل الصدق والهمه والعزم الشديد رايدين بعض وان شاء الله بس ربك يريد زي ما نريد اعمل شنو..... لو في الكلام ما لقيت وصف زي ما اشتهيت ولغه العيون ما عبرت عن ريدي ليك زي ما هويت ما تبكي يا نور العيون لو قمت قدامك بكيت دموعي فيك كلمات غرام انا منها اصدق ما لقيت اعمل شنو...... لو ما بشوفك في المنام ما نمت مدة ما حييت ولو ما عشم لقياك صباح من نومي ابدا ما صحيت مهما تعاندنا الظروف ومهما زماني يقول ابيت يقصر بعادك او يطول لا بد من يجمعنا بيت اعمل شنو...... وانا لي جراح ما ليها غير لقياك دوا ومن غير سفر حرق الشجن قلبي وكواه في الحلوه ما لاقي الطعم وفي المويه ما لاقي الروى جبل الصبر جرفو الدمع وباقي الفضل شالو الهوى كل ما اطلل لي لقاك اقول تموت نار الجوى زي الاصابع في الرهان القاه مره سريع هوى زي خصلتينك في المشاط لو ما بقينا سوا سوا وزي الكتابه بلا نقاط وكل شي بيفقد محتواه
-
كوثر يوسف عبدالصادق
موضوع: رد: قصائد في المضمون الإثنين 6 فبراير 2012 - 9:10
انـا قلبى شـان يـنـسـاك دايرلو تانى زمن عـفــوا حـبـيــب قـلـبـى ما انت لى وطن انـا قـلـبــى ذنـبــه شنو عودته انت عليك عـلـمـته يبكى ينوح يوم ما يشوف عينيك وكـتـيـن مـلـكـتـه خلاص فريتها لجنحيك خاطبته بـاسـتـبـداد قـلـت لـيـه اختار ليك هو الصبار المسكين راجى الليالى تروق لا كــلا لا مـــلا لا عــــاتــــب المعشوق كل الـقـدر قـالـو يــانــــاس كتلنى الشوق والـضقته فى دنياى ما ضاقه قط مخلوق انـا يا خـلائـق اه ضـقـت العذاب اصناف شـلـت الـلـيــالـى سـقد تشهد تبارك وقاف جـربـت صبــر ايوب كانت نهايته جفاف والـصـابنى يالمريود بالعين محال ينشاف لـو دار تـعــرف الـبـى ارجوك مرة تعال اقـعـد وعـايــن بـس مـا تـســأل اى سؤال انـا يــا حـلـيـلى انـا اصـبـح يـمينى شمال جـوايـا عـشـرة اشـيـاء خلت حياتى محال حـظـى الـتـعـيـس الـشـوم الغيرة والعزال ليل الضياع والخـوف والحيــرة والاهمال انـك تـمــلـى مـعـاى و بـيـنـاتـنـا كم اميال احساسى انى بسيط واحـلامى واقفه جبال صبر اً صبرتو عليك ذكــرنى سيدنا بلال حتى ان سكــت انــــــــا تـتـكـلـم الاطلال وآخر المطاف بــالليل سـافـرت باستعجال لا طلـت بـلح الشام ولا ضقت راحة البال برضـك تقـول لـى اصبر اتحمل المكتوب واتـعـوض الله خـلاص انسانى يالمحبوب خـلـتـنـى ذى عـصفـور هبـت عليه هبوب فـنـتـلـه عشه شمال شالت صغـاره جنوب
صعب الفراق بعد الولف
الدكر
موضوع: قصائد فى المضمون الإثنين 6 فبراير 2012 - 13:15
أمل وألم
ياكوكب الشرق غنينا بذكرهم قصائدالشرق عل الروح تبتسم كم سامرت طيفهم فى البعد والهة وخامر الجد جنبيها وما رحموا كم باعدوها وكم بهم كلفا وما جنت فى الهوى اثما وقد أثموا دارتهموا لم تكن الامسيرة وأسترسلت ندما لو ينفع الندم يا مالكين الهوى ياضاربين على قلبى خيام الأسى لله بينكم مذودعتمونى وطرفى ساهر أرق ماذاق طعم الكرى والراح بعدكم بحق ربى وحق الود أسالكم من حال فى الحب ما بينى وبينكم أبعد ما ملكت روحى صبابتكم هواكم فى فؤادى وحى مقتدر ما قاله ملك ماخطه قلم ناشدتكم زورة يسلو بها سقمى ياكوكب الشرق فى مغناك لى أمل لكنه بعد فض الملتقى .... ألم
اسامة بندي
موضوع: رد: قصائد في المضمون الثلاثاء 14 فبراير 2012 - 4:32
امرك ياقدر
مشي امرك ياقدر انت احكامك مطاعه لوحصل نحن افترقنا والليالي الهم اضاعا همسة الذكرى المعاي تبقى زاد روحي ومتاعا
الزمن كان مبتسم والليالي جميله حالمه كانت الايام بتمضي حلوه ريانه ومسالمه لا اشتكينا من الزمن لا لا التقينا في لحظه ظالمه بي حنانا الدنيا كانت ياحبيب العمر عالمه
فجأه من غير نحن نشعر يافراق طليت علينا واصبحت كل الليالي الطيبه والايام حزينه وارتيم ظل في جبين ايامنا ظل آهات سجينه كان طريق مكتوب نسيرو نحن سرناهو ومشينا
عدت من بعدك رجعت عشت متغرب وحيد وابتديت اشعر بزهر العمر يتساقط بعيد ياحليلك انت والايام ربيع اخضر سعيد كنت ببكي عليك بعمري والدموع بس ما بتفيد
اسامة بندي
موضوع: رد: قصائد في المضمون الثلاثاء 14 فبراير 2012 - 4:40
علليك الله سافرعليك الله شيل الأمانى معاك وشوف البيبكى عليك أو حتى يترجاك أنا تعبتا خلاص من جورك انت على تزعل بدون اسباب ومن تانى ترجع لى خليك معاى واضح لا يبقى قولك نى يا انت ابقى معاى يا انتى ماليك بى
رغم الحصل والكان ياما صبرتا عليك كان العشم جواى تصدق معاى عينيك لكن غرورك فاض كتل البراءة الفيك خلاك تقول مجبور أنا بكره برجع ليك
اوعك تظن فى يوم أنا قلبى برض الذل او يستكين هيمان ويرجاك عند الضل انت الفتحت الباب وقت للخصام ادخل وانت الزرعتا الشوك وقلعت شجر الفل
أنا فى النهاية إنسان مرهف رقيق حساس وداير اعيش فى امان واصافى كل الناس لكن إذا جاء الريد فوق الكرامه وداس مجبور اقول القول القالوا (بوفراس)
فى شعروا قالوا كلام مدهش جميل يسبى لا تملك الحسناء مهما تكون قلبى
أنا برضى زيو كمان أعلنت لى حربى وعايش قليبى بقول يا اخوانا آيه ذنبى
والله يا المريود خليتنى فيك محتار مرات بشوفك نور مرات بحسك نار مرسالى وكتين جاك قابلتو باستهتار وما تنسي أى حريق دائماً بدايتو شرار
يا قلبى اصبر اصلو الظروف قاصداك معليش إذا جاء الليل وخيم على دنياك عذراً إذا الأحلام اكبر من الإدراك وعفواً اذا حبيت زول ماعرف معناك
اسامة بندي
موضوع: رد: قصائد في المضمون الثلاثاء 14 فبراير 2012 - 18:45
ياراحل بدون إنذار
يا راحل بدون انذار سليتني وأبيتني ولا مالك ولا دي الأقدار...
***** مشينا وليهو ما غشينا وعارفين حبو ما لينا..
ده سادة وقلبو مابينا نسانا ونحنا ما نسينا...
***** مساهر الليل وما نايم خيالك ديمة لي حايم..
وبي نار الغرام هايم ياريت السادة لي دايم...
***** لطيف لكن نفور جافي وظلوم لي حبي ما وافي..
أحبك من ضمير صافي عليك تعذيبي ما خافي...
***** ده هاجر ومن هواي نافر وسادة وفي الجمال نادر..
هويتك وتبقى لي جاير حليل يوم كنت لي زاير...
***** جميل يا فرحة أحلامي وديع يا بهجة أيامي..
جفيتنا وكترت آلامي وناسي للهوى السامي...
***** صفارك زاد لهيب ناري ودلالك حير أفكاري..
أحبك وانت ما داري يا ريت لو تفهم الجاري...
الدكر
موضوع: قصائد فى المضمون الأربعاء 15 فبراير 2012 - 15:35
لحظة وداع
فى فؤادى أم فؤاد الظاعنين يحرق الوجد ....وينساب الحنين فى عيونى أم عيون الراحلين أدمع البين وشكوى الحائرين ****** لست أدرى يافؤادى أوتدرى فأرحنى من شكوك ملء صدرى ****** أولتصمت ...ولأذب فى حر جمرى وليدع هاجرى يسلو بهجرى ****** أيها العمر الذى مر سريعآ وغدا قفرآ...وقد كان ربيعا أنت أغلى ما بايامى جميعآ لويسام الكون فيك ...لن أبيعا فليمت دون الهوى ولتروه أدمع الباكين ان عز الورود وليعز الحب فى فقدانه وليشيع دونه ... ناى ... وعود فنشيد الشوق فى أضلاعه لم يزل يحيا على وحى العهود ان يكن مات شهيدا للهوى فلكم عاش على البعد شهيد أيها النائى وما أدناك فى قلبى الجاثى على جمر الصدود ربما أرضاك أنى أتقى هجرك العاتى ... بانات القصيد وأنادى ... طالبآ منك الرضا فالهوى ماشئت ... لا ... لا ما أريد فلتعد لى ولتكن لى سيدآ يتمنى ... لا يبالى ... بالحدود أنت ... ماأنت ... سوى دنيا الهوى بالشباب الغض والحسن الفريد ما أرى سحرك الاأكؤسآ يستقى الصاحون منها والرقود فلتعد لى ياحبيبى ... آمرآ ناهيا ... عن حكمه ... لا لن أحيد
اسامة بندي
موضوع: رد: قصائد في المضمون الخميس 16 فبراير 2012 - 13:04
اكيد من بالنا ماحتغيب ودعناك الله الفي جوه القليب ياحبيـــــــــــــــــب اكيد حبل المحنه البينا واصل لي بعيد لي قريب عاد اتمد ما انشر تبدأ شمووووس فراقو تغيــــــب سراك العيون ياحبيبي حدا مايلاقي سبيــــــــب ان ضاقت علينا الدنيا يكفي انو قلبي رحيـــــــــب الا معاك الف سلامة وين ماتمشي ماك غريـــــــب طالما ياها الدنيا خالقا فوووق سماها رقيـــــــــــب يبقي دواء الغرام الذكري غير الذكري مافي طبيب كل الباقي من العشرة شوووق وشقا ودموع ونحيب كلو عزانا بعد الفرقه والبال البودي يجيــــــــــــــــــب العشم الزمان يجمعنا كان اللقيا فيها نصـــيـــــــــب وين يابالي من عزالي لامتين داير تودي تجيــــــب مسكين يحنن حالو مسكين الغرااااااام مابطيــــــــب
اسامة بندي
موضوع: رد: قصائد في المضمون الجمعة 17 فبراير 2012 - 6:01
مغرورة
انتي مغرورة بجمالك فاكر حب الدنيا لعبة وناسية انو الحب مقدس ليه محراب ليه كعبة وناسيه انو الزكرى باقية في الفؤاد نيران صعبة انتي مفتونة بعيونك فاكر كل السحر فيها وكلمتين من قلبي نابعة ارجو انك تسمعيها لانو بكرة كلمة واحدة من عيوني بتشتهيها انتي مفتونة بالرشاقة والرشاقة بكرة زايلة وبكرة تصحي من هيامك لهموم الدنيا شايلة ورايحة تلقي في عينيك دمعة سايلة ودمعة مايلة افني عمري لهواك لو هلاك الناس هوايتك شوفي غيري شوفي غيري يبغي من ابطال روايتك مغرورة مغرورة مغرورة
Enas Adawi
موضوع: رد: قصائد في المضمون الخميس 23 فبراير 2012 - 18:23
أنا ما بتخيَّل إنك منى تروحي وتسكني بين طيات الذكرى وشايلة معاك في روحِك روحي ما بتخيَّل أصبح باكر وألقاك مافي قُصاد عينيا وكيف إتحمل فقد الدنيا الفيها أحلامي إترسمت ليّا عُمرُو ما كان البعد مسافة وإلا الطيف كا ملَّ الجيَّه وما بتتخيلي هزت قلبي لحظة طيفكِ ماشي عليًّا ما بتخَّيل وينراح أمشي لمن ترحلي مني تروحي كيفن يصبح ذكرى البينّا وسيل أشواقنا ولحظة بوحي ما حأسيبكِ ترحلي وأبقى بين نيران أحزاني ونوحي ولو لا حت لنا فرقةبقوللها لأ يا فرقة أرجوك لا تلوحي أنا ما بتخيَّل إيه راح أبقى لما أعيش في الدنيا بِدونِك وكان خليتكِ وين راح ألقى الكت بلقاهو يشع فيعيونِك أبقي معايا مودّة ورحمة يا الفي قلبي هواك وسكونِك كوني في عوني أنابي تحنانك شان بي شوقي أكون في عونِك ولماالشوق كان جابك ليّا ما خيّبتَ أشواقِك فِيّا وإتشربت إحساسك شهقة دون ما أحس بكإنتي هدية ما صدقتِ أنا إني لقيتك أم وحبيبة وروح وأُخية هم الفُرقة أناكاتلني كيفن عاد بي هم الجيّة ما بتخيّل مابتخيل
اسامة بندي
موضوع: رد: قصائد في المضمون الجمعة 24 فبراير 2012 - 21:45
انت المهم كلمات الشاعر عبد العال السيد
انت المهم الناس جميع ما تهمني انت العزيز افرد شراعك ضمني خايف تفوت والسكه بيك ما تلمني انت الوداد نبض الفؤاد بستان نضير وصفا وعبير وجمال رهيب ودلال عجيب ريّح شقايا وجمّني جاييك شعاع نجمه وشراع نسيني يا عمري الضياع انا لسه تايه دلّني قول ليا قول يا احلى زول خلي الحزن يرحل يزول لو كنت جد بتعزّني انا ليك وبيك مداح عيونك ومشتهيك مهما تجور بنزف واجيك لا بقسى لا بزعل عليك لانك انت تهمني
اسامة بندي
موضوع: رد: قصائد في المضمون الجمعة 24 فبراير 2012 - 21:49
سارحة مالِك يا حبيبة ساهية أفكارك بعيدة بقرى في عيونك حياتي وإنت مشغولة بجريدة بتقري في إيه كلّميني ياسلام مهتمه عامله يعنى لازم تقرى هسا مقالْ بحاله، وقصّه كاملةْ كم شهور مرّت علينا وبينا فرقه شامله ***** العيون رويانا تبكي والقلوب مشتاقة امله ***** أي حاجة تمر بخاطركْ قصة أو أخبار جديدةْ عندي ليك خبر أهمْ جايبو بي أشواق شديدةْ أسمعي وطاوعيني مرّة أيوة، ما تخليك عنيدهْ عايز أقول لكْ ليه أقول لكْ ما بقولكْ مش مخير ساعة مرت ساعة واكتر والوقت روّح إتأخر زى عنادك عايز اعاند لكن يظهر ما حا اقدر امرى لله كنت عايز اقول بحبك يا وحيدة بقرى في عيونك حياتي وعاملة مشغولة بجريدة
خمسة سنين معاك يا زينة الأيام يا نوّارة الحلوين مرّت حِلوة زي أنسام وزي أحلام صبيّة نديّة، زي ياسمين وزي لهفة بعيد مشتاق يلاقي أحبّته الغايبن خمسة سنين ودرب الريد معاك أخضر خمسة سنين، بريدك كل يوم أكتر أحاول مرّة بس أنساك عشان يا غالية أتذّكر أجي وألقاك، ديمة معاي وألقى هواك ملك دنياي وفي أعماقي إتحكّّر
انتى مهما تغيبى عنى اصلو مابتفوتى منى عايشه فيا ساكنه جواى فى خواطرى فى مشاعرى فى تسابيحى وغناى زى فرح ماليهو اخر وشوق سنين لزول مسافر راجى الزمن فى يوم يجيبو لديارو ولحبيبو والفريق يفرح يغنى انتى مهما تغيبى عنى اصلو مابتفوتى منى فى عيونك شايله اكوان من براءة ومن محنه وعزه تشرب من معزه ومن تراثنا ومن اصلنا و وعد غرقان فى نداهو وزحمة اطفال جوه جنه وزول بيحلم بالعديله وفرحة الريد الطويله ناس تجيهو تغنى ليهو ناس تبارك وناس تهنئ انتى مهما تغيبى عنى اصلو مابتفوتى منى وتبقى ياحلم الاماسى شمعه ضاويه فى كل دار وزهره فى كل المواسم كل يوم بزيد نضار تهفو ليك الامنيات وتزهو بيك الامسيات وبيك تفرح وليك تغنى انتى مهما تغيبى عنى اصلو مابتفوتى منى
اربعه سنين عاشهم الحب الليله عيد ميلادهم ياقلب وجدنا الحار زينة الدار ابننا البار ابننا الحب صونو يارب اربعه سنين تجربه وزاد مهرجانات حب واعياد اشتياقات قلبى رياد انفعالات ليها ابعاد اربعه سنين عاشهم الحب الليله عيد ميلادهم ياقلب طفلنا الحب طفل من نار طفل بعيش اغرب اطوار يضحك الحان يبكى اشعار يامر الناس يمشو مشوار اربعه سنين اربعه سنين عاشهم الحب الليله عيد ميلادهم ياقلب
جانا الخبر شايلو النسيم فى الليل يوشوش فى الخمائل هش الزهر بكت الورود وسالت مشاعر الناس جداول رجع البلد بعد السنين المره يادوب العيون سهرن هجد ياحليلو مارجع البلد وعيونا ما سهرن هجد فى عيونو شوق انهد لحب للناس للوطن ماغيرت ريدتو السنين ومابدل احساسو الزمن شفنا المشاعر الحلوه فى ساحاتنا بى الامال مشن انت ما نسمه فى الهجير انت ما راحة ضمير انت ما بهجة مشاعر انت ما رحلة عبير انت ماياكا الامير كيف نسيبك تمشى تانى وانت نورة البلد العذاب فارق طريقنا والعيون سهرن هجد
سوف ياتى يا نديمى دعك من عثرات قول واترع الكاس تناجى الكون مثلى تظننى ابيد العمر لهوا لا لا كلا اذ انا جسم به البركان يغلى سوف ياتى باسم الثقر يلوح بالامانى ضي عينيه بريق وغموض ومعاني يحمل الروح اليا يزرع العطف نديا يسكب الاهات همسا فى ثنايا اذنيا وبها احيا وانسى ما ضنانى حينما يبدو حبيبى فوق افق القلب يحبو فوقه هالات نور بها الاضواء تخبو واغاريد الامانى فى حنايايا تشب مثل سريان الحقيقة فى مشاعرنا العميقة مثل حلم الدهر ياتيك سريعا فى دقيقة عندها أنسى كياني عهده بالحب ايام ستكثر وتطول ويح قلبى منك يا بدرى اذا حان الافول قبل ان نحصد زرعا ماؤه قد كان دمعا وتباريحا وشوقا وصدودا وامل انما قلبى عنيد لا يبالى لا يمل ينظم الحب اغانى لا لا لا تسلنى ضي عينيه بريق وغموض ومعاني
سوف ياتى يا نديمى دعك من عثرات قول واترع الكاس تناجى الكون مثلى تظننى ابيد العمر لهوا لا لا كلا اذ انا جسم به البركان يغلى سوف ياتى باسم الثقر يلوح بالامانى ضي عينيه بريق وغموض ومعاني يحمل الروح اليا يزرع العطف نديا يسكب الاهات همسا فى ثنايا اذنيا وبها احيا وانسى ما ضنانى حينما يبدو حبيبى فوق افق القلب يحبو فوقه هالات نور بها الاضواء تخبو واغاريد الامانى فى حنايايا تشب مثل سريان الحقيقة فى مشاعرنا العميقة مثل حلم الدهر ياتيك سريعا فى دقيقة عندها أنسى كياني عهده بالحب ايام ستكثر وتطول ويح قلبى منك يا بدرى اذا حان الافول قبل ان نحصد زرعا ماؤه قد كان دمعا وتباريحا وشوقا وصدودا وامل انما قلبى عنيد لا يبالى لا يمل ينظم الحب اغانى لا لا لا تسلنى ضي عينيه بريق وغموض ومعاني
اسامة بندي
موضوع: رد: قصائد في المضمون الجمعة 24 فبراير 2012 - 21:51
دايماً اطيب خاطرك الغالي وأسامحك لو نسيت
ودعت من يهواهو قلبك ويقربك مهما نأيت
كم مره حاول يفرق بينا حاسد او عزول
وكم مره قالو جنيت علي بدلت ضو ايامي ليل
لكني يانور العذارى انا ما بضيع حبي قول
تلقاني دايماً في رجاك وغناي في حبك رسول
اسأل عليك اليل وناجمه وحتى انوار الصباح
وكل طاير في سماهو في شريعتو الحب مباح
اسأل مشاعرك عن هوانا وليه حنانك لي راح
خليتني في غايت الالم اماني تذروها الرياح
حيران حيران
حيران اسائل نفسي ايه كان السبب اصل الخصام
يمكن اكون في حقك اتلومت في في ساعة ملام
لكن ما معقول يكون لكن مامنظور يكون
انا قلبي ليك حفظ الغرام
ما اظن من عرف الهوام يعرف عداوه بعد سلام
الدكر
موضوع: قصائد فى المضمون السبت 25 فبراير 2012 - 8:26
موضوع: رد: قصائد في المضمون 
الثلاثاء 31 يناير 2012 - 12:11
