محي الدين الحلفاوي الفوالي الشهير

محي الدين صادق موسي
من مواليد 1923
من اشهر فوالي الحصاحيصا
حضر الي الحصاحيصا عام1943
وفتح فيها اوائل المطاعم مكان دكان قاسم حسن الحالي
نواصل[ندعوك للتسجيل في المنتدى أو التعريف بنفسك لمعاينة هذه الصورة]
يحكي عمو محيو عن الحصاحيصا قائلا:
عندما حضرنا من وادي حلفا الحصاحيصا كانت عبارة عن السوق والجامع كان مركز البلد حيث كان يفصل بين العمل والسكن وكن نسكن بالقرب من الجامع والاحياء الكانت موجودة .. الحلة التحت (( الديم )) والحي الاوسط وفي الاطراف حي فور والكمبو.
كنت متزوج من البلد وعندما حضرت الحصاحيصا كانوا الحلفاويين شوية كان زعيمهم خليل اوسي وهو جد اولاد كحيل وكان هنالك محمد سليمان اول فوالي بالحصاحيصا والد السر وعليش والدكتور مصطفي وعباس ومحمود وله بنت واحدة زوجني اياها وولد منها نجيب وهو استاذ بالجامعات الليبية وخالد وبابكر وعمر وعندم توفيت علي رحمة مولاها تزوجت من آل نمر ولي عدد من الاولاد اكبرهم الصادق واخوانه.
عند حضوري من حلفا قمت بفتح دكان قاسم حسن اتلحالي مطعم الناصية الشمالية مني كان مطعم عثمان فضل السيد ومنه انتقلت الي القرب من الجزارة القديمة في مربوع ابراهيم علي محمد خير يفتح شمالا علي دكاكين ناس علي يوسف بتوعين الطوب في ابو فروع ومنها انتقلت الي الدكان الموجود بالقرب من ناس العطايا الحلاويين بتوعين الجلود والذي تركته لابني خالد والذي تركه هو الآخر والان انا في المعاش وازاول عمل اشرافي في مطعم ابني بابكر (( كابتن المريخ سابقا)) .
له العديد من الطرائف والمفارقات ..اكثر الذين يناكفونه محمد احمد حاج التوم البزقلي والشهير ب (( بظة )) دخل بزقلي المسجد متأخر والصلاة سبقته ووجد محي الدين في آخر الصف ووقف بجانبه وسأله : يا محي الدين دي الركعة الكم ؟؟
رد عليهو محيو .. دي الركعة الثانية
انتبه محي الدين لمقلب بظة وما كان منه الا ان يصيح باعلا صوته ناسيا انه في المسجد ووسط المصليين:
الله يهرب (( يخرب )) بيتك يابظة يا ملعوون .. ليعيد صلاته
التحية لهذا الرجل الدوغري وفرحان واتمني له دوام الصحة والعافية

ياسلام على عمنا محى الدين صادق
اشهر الفوالين فى الحصاحيصا
واذكر ونحن طلبه فى المتوسطة نذهب الى دكان عمك محى الدين الجنب ناس عطايا بتاعين الجلود والذى كان يشرف عليه ابنه خالد
هذا الرجل له علاقة خاصه مع شباب حى العمدة يداعبهم ويداعبونه والاحظ كثيرا ابن عمى مبارك حسن عبد الحفيظ يكون فى انتظارة لكى يداعبه

نسأل الله له الصحة والعا فية وهو رجل حبوب بكل معنى الكلمة تحياتى له وللاخ نجيب نسال الله ان يرده من الغربة ظافرا متوفقا كلنا له شوقا

ربنا يديه الصحه والعافيه وتحياتنا لابناءه اصدقاءنا

والان استلم المهمة ابنه بابكر محي الدين .....متعك الله بالصحة والعافية عمنا محي الدين

ربنا يحفظه ويديم عليه الصحة والعافية - فالعم محي الدين من ظرفاء المدينة واقطابها .............

ماعارف لكن زمن جميل ورغم انه كان بكورك فينا بس نحن كنا صغار واولاده لكن عنده فول علي الطلاق اسي لعابي سال
الله اديه العافية

ربنا يمتعه عمنا محي الدين بالصحه والعافيه

التحية لجارنا العزيز عمنا محي الدين متعه الله بالصحة والعافية
كلما وجدناه يجلس في كرسيه في الشارع والقينا عليه التحية يرد
(اهلن ياابني تفضل )

الاخ وراق السلام عليكم ورحمة الله وبركات اخوتى لاتنسون الفوال القديم الكبير ابونا محمد سليمان واسرته اخونا السر محمدسليمان واخوانه كذلك عمنا بابو الله يرحمهم جميعا وكانت مطاعمهم مشهورة طبعا

لى الشرف الكبيران يكون زوج خالتى والدت خالد وبابكر وعمر وزوج اختى ام الصادق وعثمان واخوانهم ربنا يعطيه الصحه والعافية

التحية والتجلة لعمنا محي الدين وابناءه خاصة الدفعة خالد
واتربينا بفول عمنا ايام المدارس الوسطى ويا اجمل ما اثرت من ايام خالدات لاتنسى .
نسال الله ان يمتعه بالصحة والعافية.
محمدالامين عبدالصمد