ياحلـــــــيل زمــــان وسنيــــــن زمــــان

[img] [/img][img] [/img][img] [/img][img] [/img][img] [/img][img] [/img][img] [/img]

المزرارع
زراع الحقل في البكور عيشك الدهر أخضر
أنت في هيكل الزهور فيلسوف مفكر
صاحب المنجل الحقير أنت للناس سيد
من ذراعيك للفقير حبة القمح تولد
ماؤك الطاهر الزلال من سواقيك يقطر
كل ما تقتني حلال باسمك الخير يذكر
أنت وجه مخلد للجدود المخلدين
مثلهم سوف تلحد طاهر العين والجبين
يا بعيدا عن البشر أنت لا تعرف الشرور
تعرف الماء والحجر والأعاصير والزهور







فى القولد التقيت بالصديـق
أنعم به من فاضل ، صديقى

خرجت أمشى معه للساقية
ويا لها من ذكريات باقيــة

فكم أكلت معــه الكابيدا
وكــم سمعت اورو والودا

***

ودعته والأهل والعشيرة
ثم قصدت من هناك ريره

نزلتها والقرشى مضيفى
وكان ذاك فى أوان الصيف

وجدته يسقى جموع الإبل
من ماء بئر جره بالعجـل




القطار
الصف السادس الأبتدائي

هيهات هيهات لا جن ولا سحره
بقادرين على أن يلحقوا اثره

هذي المنازل قد مرت على عجل
كانها ومضة للبرق مختصره

هذا قطيع من الأغنام ألمحه
وهذه دوحة في ظلها بقره

وهذه ترعة في إثرها ظهرت
وهضبة وحقول بعدها نضره

هذا سواد علا فوق القطار وقد
عم الفضاء دخان قاذف شرره

هذا القطار بطيئا بعد سرعته
وذا صفير يدوي منذرا خطره

هذي المحطة قد لاحت لأعيننا
أعلامها وفود السفر منتظره

يا حليل

الكوامر جوووووووووووكم

يا حليل زمان يا سعديه
ويا تيكو كومر جديد جاكم كلمي طارق السيمت

ما اجمل العوده للماضي البريء
يشدني الحنين لتلك السنين

ايام زمان مابتتنسي
بس نقول ياحليلا
لك التحية الاخت سعدية

عشي وعاطف ومي عوض وابو سماح شكرا لمروركم الجميل يدل علي ولاكم للخطة ( 6 -3 -3 ) وبكل المقايس افضل من خطة الانقاذ ( 8 -3 ) وياريت تقيف علي كدا قالو العام المقبل ( اما 9 - 3 أو 8 -4 )
المهم اي حاجة ل قدام سمحة وكلو عيالنا ما فاهمة ( chair يعني كرسي )
الله يستر ما يرجعونا للاولية والوسطي بتاعة الكوامر الجدااااد لنج زينا كدا
والكتااااااب بتاعه الكوامر درجة اولي تاس المحبوب ووراق

بلدتي بلدتي بهجة النظر
أي منظر فيك لا يسـر

"ما حافظ كملوا الباقي"

شـجري شجر السـدر
حلـــو الظل وقت الحـر

"برضو ما حافظ"

العزيزه سعديه
عليك الله
الكتب دى لقيتيها فى ياتو مخزن - .

سعديه حاج توم فى الاساس الكلام دا هس مافى نحنا ما شفناهو .

بس هى جميله[center]

رانيا ووراق سلامات
يارانيا انت يابتي الكلام دا بالنسبة ليك ذي الكُتاب بالنسبة لينا
وياورقة والله انت اقدم من التموت تخلي
اها دا الزول البعمل التموت تخلي [img] [/img]

ودا التموت تخلي زاااااااااتو عشان الما كوامر ما بعرفو[img] [/img]

احمد سركيس شكرا لمرورك
ياخي ما تجي نوثق لبلدتي بلداتي بهجة النظر ( ما اروعة حديث ) لكن ااااخوي شجر السدر دا ما لاقاني في فصل اكون فططوني فصل وللا شنو
بعدين دحين السدر دا ما اياهو النبق ,,....... والنبق دا فيهو الشوك
ظل شنو الفي شجر الشوك ؟؟؟؟

الابنة رزان و الاخت كوثر شاكرين مشاركتكم
ويا كوثر ان شاااااااااااااااااءالله عاوزة تقولي لي قريتي الاساس نان الوسطي ديك فتحوها لمنو ؟؟؟ ويا رانيا كلمي ود عيسي يسجل لينا التيكو والبولو بدل الكومر ( ومبرووووووووك يا كوثر التخريج لبتك وعقبال الشهادات العليا

اما يا رزان المخزن مليااااااان وهاك امسكي

[img] [/img][img] [/img][img] [/img][img] [/img]

العزيزه / سعديه
صالون حاج التوم - ملئ بالذكريات الاكاديميه - حينما كان للشهاده السودانيه شنه و رنه - كان كل الممتحنين فى الحى او فى العائله يتجمعوا فيه و هاك يا سهر و قرايه شديده - و قرب الصالون من المدرسه خلق طابع من الرهبه للامتحان و كل ما يدق جرس فى المدرسه - البيت كلو يقيف على حيلو و يقولوا الجلسه بدت - اما الحاجه طيبه تمساح - فكانت حافظه جدول الامتحانات عديييل كده و تقول ليك الجلسه الاولى كيمياء و الثانيه كذا ......

بس اتذكر - و ارجع تانى

صدقا لكلامك سنة 92 كنا ممتحنين وبكرة نازلين تربية اسلامية ودي اول سنة يقررو التجويد في القران الكريم
انا وتيسير صاحين لقايت الساعة 2 صباحا
باب الصالون ضرب صوت صلاح الجاك ( سعدية ... تيسير ) فتحنا الباب مالك ياصلاح ( شايل ليهو شيييت بتاع تجويد ) قال لينا قالو قرروا حاجة اسما التجويد ونازلا معانا بكرة عرفتو ) معقوووولة ياصلاح كيف ما عارفين قال انا عرفت هسي من راشيد عبد الفتاح قلت ليهو طيب انت من قبيل وين قال كنت بحضر في الكورة ( دوري الامم الافريقية اعتقد ) ونظام فرحان انو كوت إفوار شالت الكاس ( تيسير قعدت تشرح ليهو وهو ما فاهم حاجة الساعة اربعة قال نعس قلت ليهو طيب في داعي للكورة دي قال لي انتي وهم السنه بعيدا والمبارة دي الا بعد سنتين
صلاح الجاك مشتاقيييييين ياخي

رحلة فلادوفستك وارتستك[img] [/img]

[img] [/img]



[img] [/img]

والله يا ســـعدية زمان الزول الشاطر شديد ... يعني النابغــة كا بفططوهو ويوفروا ليهو الزمن ... وبدل ما البلد تستفيد منو مثلا عشرين سنة يمكن تستفيد من قولي 25 سنة ...