موضوع: حكاية الفنان الراحل وردي مع سارة الجاك ابوشمة الخميس 23 فبراير 2012 - 22:45
كان ذلك في منتصف الثمانينات من القرن الماضي حضر الي بمكتبي بشارع المك نمر صديقي الاستاذ بابكر محمد الحسن ( والد هياش ) الذي عمل بمدارس الحصاحيصا قبل ان ينقل الي ام درمان وكنا مشغولين في تحضير لزواج كريمته ( تماضر ) غير صلتي فهي تعمل معي بالمكتب فرغنا من كل تجهيزات الزواج في ظروف ندرة للمواد الاساسية .. جاءني بابكر مبسوط وقال لي تصور من الصباح جاني وردي ( زميل وزميل في مهنة التدريس ) اسع خليتو بالبيت معاه محجوب شريف قال فرغ نفسو من اي ارتباطات وتوفقنا عبر صديق حجز لينا حديقة الموردة (مجانا ) وفي ليلة العرس كانت مهمتي استقبال ضيوف الحصاحيصا ومنهم الاخ الاكبر محمد الجاك ابوشمة الذي جاء برققة صغيرته سارة التي كانت نجمة الحفل اغرت الفنان وردي لينضم الينا في تربيزتنا عند الفاصل وبدأ ( يشاغل ) في سارة الجاك سألها قائلا بصوته الجهور :
يا سرورة يا بنتي بتعرفيني انا منو ردت عليهو : ايوا انت عمو الفنان محمد وردي ياللا ياسرورة غني لي كانت اول اغنية غنتها سارة الجاك ( اصبح الصبح ولا السجن ولا السجان باقي) ضحك وردي مقاطعا سرورة قائلا (( يعرفوكي كيف انتي بت محمد الجاك ابوشمة لو ما غنيتي اصبح الصبح؟)) وبعدها غنت يا بلدي يا حبوب!! فقام وردي بحضن سرورة ونفحها 50 قرش ما تزال تحتفظ بها حتي الآن وهي ال 50 قرش الوحيدة التي زادت قيمتها الا رحم الله المطرب الراحل المبدع محمد عثمان وردي.
عدل سابقا من قبل حسن وراق حسن في الجمعة 24 فبراير 2012 - 7:56 عدل 1 مرات
مهدي بكش
موضوع: رد: حكاية الفنان الراحل وردي مع سارة الجاك ابوشمة الخميس 23 فبراير 2012 - 22:54
موضوع: حكاية الفنان الراحل وردي مع سارة الجاك ابوشمة 
الخميس 23 فبراير 2012 - 22:45
