الله فوقا القراصي جات

https://youtu.be/bPlzmdjtjVM

لا فرق بين القراصي والبيتزا

انت عارف الفرق بينهم انو نحنا غلبنا نسوق حاجتنا
اعلامنا ناقص خبرات

عارف يا مبارك معاي قطري بالمكتب وعندو راعي سوداني
وكان الراعي مظبط القراصه
اها جا القطري حضر واكل معاهو
تاني يوم قال لي امس اكلت بيتزا سودانيه مع الراعي

الاشتهاء يجعل للاكل طعم ومذاق

اها ملاحك شنو
والله لو لقيت باميه بكمونيه

كمونيه معاك

تركين
لا
ما زولك

جابوليها دمعه ولحيمات الله فوقا القراصي جات

ختوليها الشطه امقرينات الله فوقا القراصي جات

وبي حداها الفول اب شمارات الله فوقا القراصي جات

اكلنا لما ملينا الكليوات الله فوقا القراصي جات

يا بركـــة تعالي في الرياض .. والله أعمل ليك قراضـة أشطر شايقية ما تعملا ... وتمشي من الرياض لحد قطر رجل وما تجوع..... أحك ليك نكتة

طبعا الشايقية بحبـــو القراصـــة خمسـة بوصـة ... وكان جاك ضيف جبت ليهو قراصــة نحيفة ... ده دلالة على بخلك

وبعدين على الله عازم أصحابوا فطــور ... وبعد ما جــو من التحتانية .... فاطمة مرتو ولعت الصاج ورمت القراصـة ... لكن طلعت نص بوصــة وشالتها ودتا ليهم ... ومشت على صاجها ... على الله زعل زعل شديد وقاليها
- فاطني
- هـوي
- السـما ده هـول أبوك؟
-لا
-نان ما ترفعي القراصي دب.

والله قراصـة مهـــدي دي دايرليها تربال يـدو عريضة

اها اللقمه العصيده كيف؟؟؟؟؟؟؟؟؟؟

قراصة شنو يا بركة في السخانة دي
كدي جرب فطورنا دا وانبقي ما نفع معاك نجيبلك ( الصبة ) اللتكم

[img] [/img]

بالله شوف صحن اللقمه دا متحكر في نص الصينيه كيف

يا سعدية صينيتك دي أنا ماعرفت فيها غير الفول، والسلطة الخدرا واللقمة، والبيض المسلوق، والرغيف، وصحن الشطة

إنتــو صائمين ولا شـــنو؟؟؟

عبد المنعم لكن بالغت
ماشايف صحن اللقمه في السنتر وباقي الصحون طواف من حوله

سلامات كتيراااااات
يا منعم اكل البنعرفو بس والما خبرتو خليهو لناس بركة ( قال قراصة قال )
باقي الصحون شية جمر وفسيخ ودمعة مسبكة
وهاك دي عشانك واوعة تقول لي ما بتاكلا

[img][/img][img] [/img]