حــــتي لا يتحمـــــــل الخـــــريف المســــــؤلـيــــــــــة

منذ دخول الكهرباء حي العمدة وحتي تاريخة .... ما عملتو يا ناس الكهرباء مراجعة للاسلاك ..
وصيانة للاعمدة ...
اكتر من عمود في شارعنا ( شارع مدرسة الرحمة ) عرياااااااااان من تحت !!!!!!! ( اتحتت الخرصانة والاسمنت لنهاية عمرها الافتراضي ) وبقت الاعمدة واقفة علي السيخ الاربعة لينيا
فرجاءً مراجعة صيانة الاعمدة حتي نطمئن علي ارواحنا اولا

( وبعد دااااك النقول قضاء وقدر !!!!!!!!!! )

اطمنك سوف تجتمع لجنه وتنبثق منها لجنه
وفي النهايه حا يكون الخريف فاجأنا

والله كلامك في محلو اختي سعدية
ولكن لا حياة لمن تنادي

(( خايفة علي روحك قدر ده
قولي خافين علي الاطفال الما جابين للدنيا
خبر ))

سعيد ( ابو سماح )
سارة عليش
حبابكم وشكرا ل مروركم
وياسعيد لو مشكلتنا دي اتحلت في الخريف زاااااتو ما مشكلة المصيبة يموت فيها واحد وللا اتنين ذي ما حصل الخريف الفات في المزاد وراح ضحية الاهمال اتنين ....

ويا استازة انا عندي اهم من رويحتي دي ؟؟؟؟؟؟؟؟
( مااااااااالي ومااااااال اطفال الحلة عندي معاهم ( تفل )
اطفالهم ( فلذات اكبادنا )
الله يستر علي الجميع

لابد يعني من ضحايا والله شنو

والله يا أختي العواميد الخربانة دي مسئولية الحكومة وعشان تنتظري الحكومة حقتنا دي حتكون واطتكم أصبحت والعواميد حتكون راحت في حق الله، عشان كدي لازم كل مواطن ياخد ليه قدح مليان اسمنتي ويستروا العمدان العريانة في الشارع، ودا بعد مايجلدوا العمدان ، كل عامود مائة جلدة بتهمة اللبس الفاضح في مكان عام

وبالمناسبة دي العمود كان وقع سلوك الكهرباء حاتسندوا مايقع على الأرض مباشرة لكن المصيبة تنقطع سلوك الكهرباء وتصيب المارة بالموت من الكهرباء، ومعنا دا أنو الكهرباء بقت مابتقطع وعال العال، طيب إنتوا ليه عايزين النظام يتغير؟

مبارك ومنعم حبابكم
قلنا الكلام قبل الخريف حتي لا يقع الفاس في الراس ونبقي نادمين
وناس الكهرباء ديل بقطعوا شجرنا بطريقة وحشية وعشوائية ظنا منهم انو العيب في الشجر رغم شعار اوعك تقطع صفقة شجرة
وتاكد يا منعم اخوي لو ناس الكهرباء ما عالجوها ايااااانا الباقين علي وصيتك دي واي زول جنبو عامود يجيب ليهو صاج اسمنت وخرصانة ( انا وانت والعواميد التي تمتد في الاسفلت )
والله لا يضيع اجر من عمل حسنا