السيد مدير اراضي الحصاحيصا

السيد مدير اراضي الحصاحيصا السلام عليكم لقد ذكرتم انكم سوف تعملون على المقدمين 2003 الي2005 فما بال من تقدموا من92 وهم مستحقين ولم يمنحوا اراضي هل خلاص ضاع حقهم ارجو التوضيح ولكم جزيل الشكر والتقدير علما بانني تقدمت من حوالي 1992 ومستحق ولم امنح وانا مستوفي الشروط من ضرائب وخلافه وانا في المملكة العربية السعودية وكل مرة القي الاراضي اتقسمت ولم اتوفق ارجو منكم النظر في امري علما بانني من مواطني الحصاحيصا ومواليدها ولم امتلك اي ارض ولكم الشكر مقدمه عصام الدين علي احمد غالب

أخـــوي عصـــام

أســعد الله صباجك أو مساءك

تعـرف يا عصــام أنا كنت مقــدم برضو في عام 1992م ولكن قدرت وبقـــدرة قادر أتحصل على قطعة ... يمكن قبل أربعة سنوات على ما اعتقـــد ... في مكان الكسارة الوقاعة شـرق الضقالة ... المهم في إجازة من إجازاتي ... وأنا أتجول كالعادة بين دهاليز وممرات وجحور المحلية ... عرفت أن هنالك اراضي توزع ... لكن ما لقيت ملفي ... المهم تكلمت مع الموظفة ... وحصل الحصل ... وأضافت اسمي بشرط أن تكون الرسوم جاهزة في جيبي ... وفعلا جيت يوم السحب ... وكانت الحاجة المؤسفة ... الما عندو الرسوم - على ما اعتقد كانت 3.4000 جنية بالقديم ... وفعلا سحبت ودفعت الرسوم فورا وحصلت على قطعة ارض ... ولكن كنت زعلان لأنو في ناس مستحقين لكن ما عندهم المبلغ ... وأنا ذاتي لو ما كنت مغترب ما كنت لقيت لي قطعة شمامة خلي قطعة ارض.

هسع يا عصـام إنت أول حاجة تعملها ... وكل واحد في السودان بتوكيل رسمي .... يشمل المتابعة والسحب ودفع الرسوم واستخراج جميع الأوراق والمستندات... ولازم الوكيل ده كل يوم والتاني يشمي الأراضي ويتابع الأخبار ... عشان يا عصام الحاجات دي الناس ديل بيعملوها تحت تحت عاوزة متابعة شديدة

تاني يا عصام يا أخوي ... لو قدرت عرفت مواعيد التقسيم حاول أنزل السودان بنفسك ... وما تقعد في البيت كل يوم أعمل ليهم وجع وش ... كل يوم أمشي المحلية ...

تعرف أنا لما أنزل إجازة ... شغلة بلا شغلة بمشي كل يوم المحلية واتدخل الدهاليز والجحور.

ربنا يوفقك ...

شكرا عزيز ي واخي احمد سركيس على المعلومات القيمة وسوف اكلمك تلفونيا ان شاء الله