كبري البراميل الخطرالمحدق بالحصاحيصا

والله يا جماعه الكبرى ده قطعنا بيهو انا وحسن وراق قبل فترة (شهر تقريبا ) ولاول مره لى انا شخصيا وكان خطر جدا وانا امشى فيهو عامل حسابى شديد
والظريف فى الموضوع انو اى زول بيقطع بيشلوا منو 200 جنية بالقديم وفى بوليس قاعد لو ما دفعت ما بخليك
السؤال البطرح نفسو 15 الف ديل يومى بمشوا السوق وبجو راجعين وبيدفع 200 جنية القروش ديه بتمشى وين
ولى ناس الحى ( الرحمانية والكمبو وغيرو ) ما يكونوا لجنه اهليه لمتابعه الامر واستلام القروش وتوظيفها لعمل الكبرى بدل الحوداث الكثيرة
عموما ان موضوع الكبرى احد القضايا الهامه فى الحصاحيصا ولابد من وجود حلول
مع حبى
عمار تلودى

.. يصدم المرؤ وهو يرى هذه الصور .. اقلها يتبادر الى الذهن انها فى اوئل العشرينات من هذا القرن ؟؟؟ هذا هو الظلم الاجتماعى والتهميش المنظم لقطاع كبير من مواطنى هذه المدينة .. لا ذنب لهم انهم ليسو من الاسياد او الاعيان ؟ اين ابناء هذه الاحياء الذين تلقو التعليم ؟ لان مفهوم السودان الان تاخد حقك عنوة ولا تنتظر ان يمن به عليك احد المسئولين ؟ بالله عليكم انشرو هذه الصور فى كل المنتديات وكل المواقع المفتوحة حتى تقشعر بها ابداننا ونعرف ان هنالك فئة قريبة منا طالها تهميش يفوق كل ما يتحدث به اهل الجنوب ودارفور مجتمعين ...

واااي اني
ابكر ياكا
هواء ( حواء ) ماتقطعي الكبري هسا ( هسع )
هليمة ( حليمة ) وين انتي
ادربي لي ( اضربي ) في تلفوني تلاتين اشرة ( عشرة )
لان ادم شال تلفوني ( آشقة ) عاشقة
ويا كبري البرميل زول كان بزوزي بيك يا حليلو
تعرف انو الكبري دة والعم ( سليمان بابوري ) عندهم عجائب
بس اخلص امور عرسي وبرجع ليك يا ورقة برواقة وللكبري

السؤال البطرح نفسو 15 الف ديل يومى بمشوا السوق وبجو راجعين وبيدفع 200 جنية القروش ديه بتمشى وين

زي ما سأل عمار القروش دي بتمشي وين يا ناس ؟؟؟
والكبري الصغير دا من أولويات المحلية أفتكر
يعني بمساعدة من الجهات المختصة وبالرسوم دي
لو إتوظفت ممكن تبني الكبري ودي من أقل الإحتياجات
حسبي الله ونعم الوكيل على مشاريع تنمية لا تبارح مكانها