الي الغاليه .........ابنتي أسيل

سلام ابنتي الغاليه ست البنات ست الجيل
اسمك في البنات موجود واسمك عندي جميل
فارقتك قبل أن تولدي يا بنتي الغاليه يا أسيل
اعذرينيىى ظلمتك معاي سحبني الامل الطويل
رغم الحصل والله ووالله مشتاق ليك كتير بالحيل
ده ما حلال مبغوض والسبب صعب ماهو قليل
وتاني سامحيني للحصل ماكنت ليه في قلبي اميل
انتظر بلهفه زمن الرجوع اليك لاعوضك عناق وتقبيل
ما أنت املي المنتظر وسقف بيتي الآمن الظليل
اقبلي اعذاري فما تعبت في مرضك لانهار لاليل
ولاسعدت بحملك ما الغربة منعتني ليك اشيل
ملعون الغربة وسنينا زادتنا مع الاغتراب تهميل
بس صورتك امامي أشوفاالدموع بخجل تنزل تسيل
الله يجمعني بيك يا حلوة الطبع والأصل النبيل
ديل ما حبات عيونا اكيد للعيون أجمل تكحيل
وان شاء الله مايصيبكم الرمانا لبيت الهم والتنكيل

ربنا يجمعك باولادك ويخليهم ليك وبخليك لهم
وحفظك الله يا اسيل من كل شر ودفع عنك كل ضر

امين يا رب

ربنا يحفظة من كل شر
وربنا يجمعك بها علي خير

[b]ربنا اجمعكم مع بعض يارب وفراق الضناء حار
واسال معزب في الارض من الفراق

والله يا خضر فراقم بجد صعيب وربنا يجمعنا بيهم ونروي الشوق بضحكاتم

مين سمعك يا خضر والله الواحد مشتاق للاهل والاصدقاء.
لكن المانعو الشديد القوي زي ما بقولو ؟ وطبعا فراق الاسرة الصغيرة
والابناء بكون اشد مرارة وعزاب . ربنا يجمعك باسيل وكل افراد الاسرة
في القريب العاجل اميييييييييييييييييييييييييييييييييييييين
ودمت والاسرة ولاعدمناكم

الاخ عصام
لك التحيه ولكل آل قوليب وجميع الاخوة في المنتدى يعني مكان بيتنفس فيه الواحد لان المنتدى بيجمع اخوة صادقين واكبر فائده هذه الدعوات ربنا يستجيب

الله يحفظا ليك ويحفظك إنتا كمان ،،

ربنا يديم العافية والأمان ،،

مغارب :-

ربنا يجمعكم فى حضرة الزمن الجميل وهل من المستحيل ان يعانق خضر الاصيل ابنته اسيل غدا سوف تعود الى ديارها كما تعود المياه الى جداولها ومنها العزوبه تسيل وتشرب من نقائها اسيل

الله يديك الصحه والعافيه أخونا عبد اللطيف دائما ماتمعنا بأسلوبك الرافي وكلماتك الحلوه المعبرة ونسأل الله ان يستجيب