كشة علي بيت العزابة

تفاصيل اوفي انظر منتدي الاستراحة عزابة دوتنتكوم

يرجى تعريف مصطلح "العزابــــة" وما علاقتها بـ "العذابة" والعذب" و"العذاب"

العزابة يا بوحميد في تعريف عازبون بلا حدود هم مجموعة من الشباب عزبوا مجموعة من الشبات لم يدخلوا في علاقات معهم ولكنهم من بعيد لبعيد اصبحوا حلم عدد من البنات كل واحدة تنظر الي الشخص فيهم بانه معذبها ( لا داير يتكلم معاها ولا داير ينظر ليها يحضر وا للحفلة تلقاها مسمرة عيونها فيهو وتتشابا وتتلفت زي بتاع الفلسكة الخائف من ناس الكشة وهو كمان عارف شلهتتا يراها من حيث لا تراهو يعزبا الحفلة كلها وفي نهاية الحفلة عارفا تكون صاحيا يجو شلة وما أن يقترب من منزلها يبدا يتحدث بصوت عالي قائلا ( قون بشة دا بوظ علينا الحفلة ما خلانا نستمتع بيها ) ..ولسان حالها يقول ( بشة يا سغيل) دا ياهو العزاب ذاتو الخلا العزابة في السودان حالة تغيظ امات البنات .. والله اعلم !!

هههههههههههههههههههههههههههههههههأ

يعني في علاقــة بين العزوبيـة و "العـــذاب" والعـــذاب".

بمعني أن العزوبيــة تغذب طرف ويستعذبها طرف آخر.

لكن يا حسن يا أخوي بيقولوا البنات هن البيعذبن الشباب.

العذابة البعذبنهم البنات ديل قصتهم قصة الواحد فيهم يصدق طوالي بعض البنات دايرات يقضن وقت وبعضهن دايرات يتعلمن الحب في واحد وديل ما بسكنوا في بيوت العزابة لانو الواحد داير يوفر ويعرس وتلقاهو طول الوقت في الحمام ومع دا ( عبدالجبار المبارك ) لا يشارك في ميز ولا يتبرع و يضرب الصنف مع العزابة ودايما يجي بالليل زول نوم تلقي خاتي سريروا بعيد وجنهم صلاة وادعية دا ما ياهو العزاب اوع تكون من الجماعة ديل .. بعدين العينة دي الجكس ما بريدعا لانها جادة ومملة والجكس بحب الفرح والمرح وعزبني و تفرنن في الوان عذابي

أقـــول ليك ســـر ... لما كنا طلبــة في الجامعـــة أنا كنت أكتر واحد بياكل قروش البنات

وفي رواية العالم العلامة الحبر الفهامة صاحب الباع الطويل والعلم الغزير في الفتاوي العصرية الشيخ الذي ينقذ الأمة من عذاب الآخرة وفي فتواه رقم ثلاثة اصفار على 18 صفر على الصفر الكبير
أن كلمة عذابة وردت في عدة أسفار وسبب التسمية هي الفوضى والعذاب الذي يخلقونة للجيران بالنهار من سيلان موية البلاعة التي تغرق الشارع، ويخلي الشيوخ يبعدوا من أثر الموية خوف الإنزلاق في براثن العذابة، والنساء يطولن اللفة عند بيت العذابة خوف مما لا يحمد عقباه، أما الأطفال تضيق عليهم الحارة خوفاً من اللعب أمام بيت العذابة.
وفي الضهرية كل شوية الباب يخبط دا داخل ودا مارق وإذا قعدت عشان تحصي عدد الناس الداخلين تتحير من كترتم، ياربي ديل عندهم كم سرير في البيت دا المكون من غرفتين ومطبخ وحمام بابو خيشة، والصابونة دايماً تلقاها قاعده تحت الموس، والأدبخانة " الله يكرم القراء" بابها أحم أحم ، ولمن يسمع صوت الكرعين مصره على الدخول تطول النحنحة، وتظهر بعض الأطراف مثل اليد خارج نطاق بيت الراحة كإنذار أخير .
أما في الليل مع الناس البدوها ضهرها تبدأ هوي ياليلة هوي من المغرب ويعلن الجيران حالة الحبس الإجباري لجميع أفراد الأسرة وخاصة البنات والأولاد في سن المراهقة خوفاً عليهم والبعد عن الفضايح.
ولكل هذه الأسباب صاروا عذابة لعذابهم ونجاضهم لخلق الله، وفوق دا كلوا كمان ما بيدفعوا إيجار البيت، وسب وشتيمة لصاحب البيت عند المطالبة بالإيجار آخر كل شهر أفرنجي

أوفيت

انتو قاصدين منو

عذابة السودان مش العذابة العايشين خارج السودان

ديل عزابة العصر الحجري
العزابة انواع
يا ابو التر العزابة علي حسب البيئة القادمين منها زي الانداية عند الطيب محمد الطيب ..
اولاد الجزيرة
اولاد الشرق
اولاد الحصاحيصا
اولاد كوستي
اولاد تقلي..الخ
حقو يا ابوالتر تبدأ بعزابة الحصاحيصا

ياورقة أنا عايز أبدأ بي عذابة أولاد بحري، عشان نقفز من عذابة العصر الحجري للعذابة الراحات

[b]وعزابة جده ديل كيف ما افتيت لينا فيهم يا ترتوره نسيتهم ولا شنو

يا بكش عذابة جدة زمان غير، الحين عذابة جدة قالوا جنهم وجن ناس صفر والسفر

» يا ترتورة !! التسويهو تيكو في بيت العزابة تلقاهو في سجن التابا (شاهد الصورة )
» يا محبوب نادي معاك ترتورة واغشو معاكم سركيس تعالو عدل علي بيت العزابة (اوع موسي وهارون يقطروكم )