الحصاحييييييصا ............... وبس

انا بصراحة من المغجبين جدا والعاشقين جدا للحصاحيصا واذا لقيتو كتاباتي معظمها للحصاحيصا صدقوا وبالدارجي هاكم دي
اذا قلنا المدن ببساطة نقول الحصاحيصا ....... وبس
مليانه قبائل وعشائر مابنسميها ولا بيها مرات بنحس
والناس عشان تعرفك يقولوا ليك اسمك منو ود منو
انا أول الناس اسمي ود الريس
وانت ، انا ماود العيس
وانا ما أخو كندوره الحريف لكورتو مملس
وانا خالي هاشم كبير الفي كل الساحات مونس
واذا جئتوني انا ما أنا ولد عباس شيخ الدين المدرس
وانا صاحبو انا ولد دفع الله للبنطون ريس
وانا جدي عطا المولى المهندس
وأنت ياشاطر انا ما جاري مزمل المليس
اسمعوا انا عمي وليد العشي الماهو مفلس
وانا خالي حسن وراق الكاتب وفي مشاكل الحصاحيصا متمرس
اما انا أخوي الجانكي القريب حايعرس
وأنا ود الشين الفي مستشفى الاهل مترس
الاسماء كتيره وعظيمه صعب لعددها نحبس
ان شاء في يوم لفضائلها عشان نكتبا بمزاج نجلس
شوفو التعارف ببساطه أكيد يفتح النفس
فمن هنا وهناك مابنعاين لجنس
ضمتنا الحصاحيصا الحبها فينا منغرس
يسلم فمك يا عشي لما قلت الحصاحيصا وبس
مليون مرة نقولها........ وكمان في حبك ننغمس
والما عاجبو نقول ليه هسسسسسسسسس

الحصاحيصا وبس
ابداع والله يا خضر وكتر الف خيرك

لك الثحيه أبو عبد اللطيف وقول آآآمين

آمـــــــــــــــــــــــــــــــــــــــــــــــين

خضر والله ما ساهل .. وانا اقول خضر عايب وين اتاريك بتزاكر من ورانا

تسلم كلام جميل بالله حاول كمل عليها ....

شكرا عشي وكج شكرا قوليب انا موجود والحمد لله بس الحصاحيصا ومايحدث فيها
يجبرنا ان نشاطرها الا هتمام وندعوا الله لها بالحفظ من المصائب

امين

خضر احمد نمر كتب:
لاخوة اعضاء المنتدى السلام عليكم
هذه هي المشاركة الما آخيرة عن الحصاحيصا في هذا المنتدى وهي مشاركة عن مدينة الحب والجمال الحصاحيصا وهذا وصف بطريقة بسيطة اعتمدت فيه على القوافي الشعرية والكلام الدارجي وقد اميل قليلا للحلمنتيشيه صراحة الحصاحيصا موضوع دسم ان شاء الله الله يوفق لنال رضاكم
سافرت الى السودان ووصلت معشوقتي الحصاحيصا
حمتها شارع شارع وماهمتني التفليسا
لاقيت الناس بشوشه ناس جالسه في الضل وناس ضاربه التشميسا
واحدين ماشيين تسمع من بعيد هممهمتا وتهميسا
واذا وصلتهم تلقاهم يلعنوا المشاكل وابليسا
بس دي وجوه كتيره بالحيل صعب تشخيصا
دي ما ناس نفوسا عاليه ماهي رخيصا
الزمن ما غيرا والهموم ماقدرت عليها تصطادها كالفريسه
ماهمتهم قسوة الايام ولا خافوا من السنه الكبيسه
ديل ما قبائل اصيله ماملقطين كالهريسه
اذا سألأت عن فلان تلقى جدو حسن عيسى
وداك من عز البلد اسمو محمد ودنفيسا
وده ببو من الحي الشرقي وعبودمن الحلة الجديدة وحسن ساكن الدريسا
وناس ماشيين وجائيين مابتعرفهم تقول الماشي للبلد رئيسا
وفي العصير الميادين مليانا تستغرب من تكديسا
والبيوت تستعجب من بنيانا وابداع تلييسا
رمت وراءها الهموم ما اجتهدت في تفحيصا
وخلفهم ناس راجعا مبسوطه مليانا كيسا
ويوم الفرح داك يوم عريسا
اذا سمعت الزغاريد دي بت فلان زفوها لعريسا
وانت راقد في البيت تسمع الناس ورقيصا
ورغم نباح الكلاب ونباحا وعويصا
ارخي اذنك تسمع من بعيد رقيصا
وبعد داك تنام مابين نباح الكلاب والحفلة تقول دي حرب حامي وطيسا
باختصار دي بلدنا الماها تعيسا
واذا شبهناها بالمدن صعب علينا نقيسا
ماهي قصة جميلة طويلة محال نكمل تلخيصا
وحصة في المدارس علينا تدريسا
لأنها لكل المدن قصة ماهي أفضل عنوان وأفضل ترويسا