موضوع: رد: بلد ، أحسن ديار يا فايذة ماما الأربعاء 25 أبريل 2012 - 18:47
المحبــــــــــــــوب :-
بهـــــدي ليـك أجمــل حاجــة ،،
يهديهـــــا إنســــــان لـــــي إنســـــان ،،
ما عــــارف الحــــاجة دي شنـــــو ،،
المهــــم بهديـــها ليك ،،
وكـــــان وصلــــت قـــول وصلــــت ،،
( إمهار ) ،، تحت الهديـــّة ،، أمين ود صليحة ،،
مغارب
موضوع: رد: بلد ، أحسن ديار يا فايذة ماما السبت 28 أبريل 2012 - 15:01
نقول شعر شوية ،،
قبل ما أمشي البكان داك ،،
والله الحديقة الجمب الموردة دي حديقة جميلة ،،
مافي مشكلة مع النجيلة ،،
النـــــــــــــــــص :- نـــــص شنو ،، والله دة لانـــص ولا قزازة ،، غايتــــــو ،،
( ،،،، ،،،،، ،،،،، ،،،،،،
،،،،،،،،،،،،،،، ،،، ،،،،ن
شين غين كاف عين ،،
،،،،،،،،،،،،،،،،،،،،،،،،
ون ون تو ثري فور فايف ،،
كرن رن رن ،،
يا حسن موزون ،،
يا حليل المدرسة ،،
والإستبالية ،،
كرن رن والجو بتاعك كيف رطب ،،
كلوركين وكافلجين ،،
إتغط غـط ،،
ما تتكلم مع زول ،،
وكان سألوك ،،
إنتا قاعد تتاوق ،،
شـُفتا حاجة ،،
ما شـُفتا حاجة ،،
خلاص قضيـّة منتهية ،،
مـُش إستبالية ،،
كتير بجوها الناس ،،
حصل يوم إشتكا البرجل الكراس ،،
في يوم إشتكا التـُراب من المداس ،،
لا لا ما ممكن تنكـُر رئاتك الأنفاس ،،
وما ممكن يخونك الإحساس ،،
أبداً كضب يكون الكاس ،،
مـُترع ،،
وحديقة مليانة بالجـُلاس ،،
وريحة اّس ،،
والـدُنيا الوردُ ،،
وبعدين شعور بالذنب وترجع بإنتكاس ،،
مغــــــــــارب :-
يا عمك علي الطلاق ،، غايتو حاجة عجيبة ،، ما داير كلام مع زول ،، هـُس هـُس ،،
مغـــــــــــــــارب :-
مغارب
موضوع: رد: بلد ، أحسن ديار يا فايذة ماما السبت 28 أبريل 2012 - 16:01
[b]تسع وتسعين حبـّة ،، كـُل حبـّة ناقصة هبـّة ،، ناقصة ثوريـّة ومحبـّة ،، والختام ،، وشهادة أن ،، مافي الجـُبـّة غيرك يا حمام ،، مافي غير نشيدك والسلام ،، علي اليمين وعلي الشمال ،، بعدين القول بكون بـّرا الصلاة ببقي كلام ،،
مغـــــــــــارب :-[/b]
مغارب
موضوع: رد: بلد ، أحسن ديار يا فايذة ماما السبت 28 أبريل 2012 - 19:34
تطقطق بالعصاية ،، في قعر طيـّارة ،، دي ما جسارة ،، الجسارة إنو ،، كيف الوالدة والوالد يعيشوا بي طهارة ،، هناك البعيش مفجوع من هول الخسارة ،، بالأمارة ،، كم سرداق أقيم وكم زمبارة ،، وعويل تحت النيم ،، وكم محارة بكت ،، كم فلذة كبد ،، وكم أشلاء ،، وكم المات وخلاها حبلاء ،، تطقطق في قعر طيـّارة بي خـُيلاء ،، بالعصاية ،، ويهمس ليك زول ،، صاحبا قام هرب ،، في الميدان خليتوا كم ،، وفي بيوت الناس ألم ،، يا هوي يا سجم ،، مالكم بتهردوا في الشوارع دم ،، مالكم يا عدم ،، من جيتوا لا رضيع شايلة أموا ولا بهم ،، في زريبة ،، ولا نغـم ،، طبحتوا حتي وتـر ،، ملت بلادنا الشـر ،، غير حـر ،، وقولت كـر ،، من يابا لي شافعوا ،، من أخ لي أخوه ،، وفاتحة المدرسة وترجوه ،، ما يدخـُل فصل ،، سيبوهوا ،، أبكـم والبموت عاينوهوا ،، يا حـُكما ما تعالجوهوا ،، من يوم عرفناكم ،، عرفنا الشر ،، ومهرودين هرد ،، مسكتوها مليون موزة ،، خليتوها نـُص زي قرد ،، وجاي غربها ،، جاي شرقها ،، جايا الجزيرة ،، وجايا ،، جايا كـُرعينكم تصابق في الجـري ،، الهرجلة ،، السويتوها ،، يسألكم عليها ،، الله ،، والتاريخ ،، ومجري النيل ،، و ،، والتنزيل ،،
مغـــــــارب :-
مهدي بكش
موضوع: رد: بلد ، أحسن ديار يا فايذة ماما السبت 28 أبريل 2012 - 19:39
[b]تمام والله مستمتعين للاخر واصل يا استاذ
مغارب
موضوع: رد: بلد ، أحسن ديار يا فايذة ماما السبت 28 أبريل 2012 - 20:01
مهدي بكش كتب:
تمام والله مستمتعين للاخر واصل يا استاذ
[b]مهدي والله أنا موجوع ،، ومفجوع ،، أنا لو كايس سعادة ،، بقي الموضوع ،، لحســة كوع ،،
موضوع: رد: بلد ، أحسن ديار يا فايذة ماما 
الأربعاء 25 أبريل 2012 - 18:47
