رايكم شنو نلقى الضو على المبدعين من ابناء الحصاحيصا

تعالوا معاى..

نلقى الضو على المبدعين من ابناء الحصاحيصا وابداعاتهم فى كل المجالاتالفن بانواعه.....

[size=18]غناء..شعر..ادب..رسم..فن تشكيل/
اى حد ترى انه مبدع حتى فى مجال الهندسه..اوالحداده او الخراطه
قد نتعلم فكره..اونحس نغم..اونستمتع بقصه..اونعتبر بعبره..او تعجبنا لمسات

يلا نبدا بابو الابداع بل الابداع ذات نفسو
وهو فوق مستوى الكلام..

واكيد ما محتاج لاننا نلقى الضو عليهبس كبدايه جميله او فاتحة نفس
الراحل المقيم مصطفى سيداحمد

size=18]مبدع من منطقة ود سلفاب ريفي الحصاحيصا ولاية الجزيرة برز في نهاية السبعينات عبر مهرجان الثقافة ،عرف عنه لونية خاصة من الكلمات المعبرة ومساسه المباشر لقضايا البسطاء والمحرومين ، في قالب لحنى مميز يجمع بين الاغنية الشبابية والوقار في نفس الوقت . لذا كان مفضلا من قبل النخبة والمثقفين وشباب الجامعات ، وبسطاء الناس .اصيب بمرض الفشل الكلوي وسافر الي روسيا وقطر للعلاج توفي الي رحمة مولاه بالدوحة في يناير 1996 مخلفا ارثا كبيرا من الاغنيات . وكان استقبال جثمانه في مطار الخرطوم حدثا مؤثرا [/size]

.


والله أيام يا زمان

ببكى واتحسر عليك
وما بقول العشنا كان

وأرمى حبة لوم يجيك

*******
لسه راجيك يازمان

بحبه الذكرى المعاى
عايشة فى وجدانى جوة

ولسه بتدغدغ حشاى
يمكن الحبيتو مرة

يلقى فى كلمات غناى
فاصلة بتصحى المشاعر ..

ويمكن الطول سهادو
تغشى ليلاتو البشائر ..

ويمكن الفرح الزمان ..
لسه أجراسو بترن .

غنوة حاضناها الضفاير

********
جايز الأيام.. الأيام تحن
وتصحى فيك نبل المشاعر

ويمكن المجروح يئن
وتشفى ليلاتو البشائر
ويمكن الفرح الزمان

لسه أصداهو بترن

غنوة حاضناها الضفاير
والله أيام زمان ببكى
واتحسر عليك

الاخت رهاز احييك على فتح نافذة للوفاء لاهل العطاء فى بلدى ...
استفتحى خيرا كثيرا .. بمصطفى سيداحمد
ساعود لك لننثر بعض الوفاء ...

<BLOCKQUOTE style="BACKGROUND-COLOR: white; COLOR: black">

طوريك فى الطين مرمية
وكوريتك يابسة ومجدوعة
لا غيبتك كانت مرضية
ولا فوتك كانت مبلوعة
***********
اللهب الضوى الليل قناديل
فى عيون النجمة القطبية
والتعب المد ضراع النيل
سجادة فقرا مزاورية
سائلين عنك ويوماتى رحيل
لموانى المدن النفطية
شقيش ما تقبل يا ابو الحيل
فى قلوبنا مواجعك متكية
****************
وابعتلك شال الحب مرسال
تايهين فى بحرو مراكبية
بكتب على صدر الموج امال
اطفال عمال ومزارعية
كيف حال يا ابوى
كيف حال يا خال
بتمسى بيوتنا الكاكية
حزنانة بتبكى مال الحال
والزمن السابكم ايدية

</BLOCKQUOTE>

الاخت ريهاز لك التحية
نرجو ان تتحفينا بالمذيد من روائع الراحل المقيم مصطفى سيد احمد

الاخوان رهاز,الاستا ذ راشدالجاك,علي سركيس...صفحة (مكتبة)التوثيق موجودة بالمنتدى وقد خصصت لنشر اعمال المبدعين من ابناء الحصاحيصا اومن ينتسب لها فلاتبخلو عليها بماعندكم ,ويمكن ان يكون هناك موضوع باسم الاستاذ مصطفى سيداحمد,ولكم احترامي

ازهرى محمد على....
مبدع اخر من مبدعى الحصاحيصا......
عاش فيها ....
عرف فيها صديقه مصطفى سيد احمد.....
وعاشوا معا فيها اجمل ايام عمرهما....
عمل فى الحصاحيصا فى مصنع الصداقة للغزل والنسيج.....لفترة طويلة.
......
ازهرى محمد على،ما ان تذكر الحصاحيصا الاوذكر اسمه،
وما ان يذكر مصطفى سيد احمد دون التطرق لهذا العملاق.
حقيقة نفتخر به وبفنه،ونتشرف بانتمائة لهذه المدينة الفاضلة،
وهو فعلا من مبدعى الحصاحيصا.


وضاحه


الصباح الباهى لُونِكْ

وضّاحه يافجر المشَارِقْ

غابة الأبنوس عيونِك

يَابْنَيّه من خُبز الفنادقْ

شيدتي في جواىْ صوامع

للفَرحْ

وفتحتِ في دُنياي مَسَارِح

للمَرحْ

وبقيتي ليْ

سِكّه وعيون

لا قِدرْتَ أطولكْ

شان أجيكْ

لا قِدرْتَ من غيرِكْ أكونْ

وانا بيك مالينى الكلام

حرّكت بيك عصب السكونْ

جَلبتَ ليكْ الغيم رَحَطْ

طرّزتَ ليكْ النيل زَفاف

حَرَقْت ليكْ

الشوق بخور

وفرشتَ ليك

الريد لِحَافْ

لا السِكَّه بيكِ بِتِنْتهي

ولا معاك ملّيت الطواف

يا ريتني لو أقْدَر أكونِك

الصباح الباهى لونك

يَابْنَيّه من خُبز الفنادقْ

غابة الأبنوس عيونك

وضّاحه

لو طال الطريق

بيناتْنا واترامي المدى

وصنَّت مَسَامْعِكْ من نِداي

شِرْبَتْ فيافيِك الصدى

ما تحنِْى هامات النخيل

ما ترمي دَمَعات الندى

ما تْشنِّفى الزمن الجميل

دا العُمرِ يا دابو اْبتدا

! والعُمْرِ إيه حيكون بدونِك

وضّاحهَ يا فجر المشارِق

الصباح الباهى لونِك

يا بنيه من خبز الفنادقْ

غابة الأبنوس عيونك