ظاهرة الحشرات بدأت تأرق المواطنين ونحن كباقي الاحياء كان لنا نصيب الجنوب في البترول تهاجمنا الحشرات ليل نهار
في الصباح كأنك في سينما الحصاحيصا تدوس علي الحشرات وكأنها قشر تسالي
لايوجد أدني إهتمام لهذه الظاهره التي أصبحت مصدر إزعاج وكأن المواطن ناقص مايكدر عليه
حاولنا مكافحتها ببعض المبيدات ولم يفلح الامر ثم بدأنا ننظر تاره بالدخان وتاره نرشها بالجازولين وأخيرا لجأنا لمكتب الصحه وفي إنتظار ماذا تقدم لنا
علي حسب علمي المواطن في المحليه أرخص من ثمن المبيد لذلك لانتوقع أي تعاون
مامشكله دفعونا ثمن المبيد كما ندفع ثمن التعليم والصحه وغيرها من الحقوق المهضومه
لانتسول ولانتوسل لأي مسؤول فمن كان له ضمير من المسؤولين ودفعه ضميره لهذا الواجب فبها ونعمه وإلا فالحشرات خير من كثير من بني البشر
فهل هذا واجب اللجان الشعبيه أم البلديه أم المحليه أم نصبح كناقة صالح الكل شارك في ذبحهاhttp://www13.0zz0.com/2012/05/17/18/494710887.jpghttp://www13.0zz0.com/2012/05/17/18/155618031.jpg[img][/img][img][/img]
عدل سابقا من قبل إبن عفيف في الخميس 17 مايو 2012 - 18:39 عدل 7 مرات
الاخ حاتم كيف حالك والله مشتاقين ليك وذكراك مازلت طيبة. بالنسبة لموضوع الحشرات فى الصين فى مطاعم خاصة بالاكلات الحشرية محمر ومقمر وفتة حشرات لماذا لانفتتح مطاعم ونستفيد من الحشرات ربما ضارة نافعة ونحل المشكله والسلام . والله المستعان .
يا جماعة والله الحل بسيط وساهل وفيه فائدة لكل الاطراف وهو كالاتى : تفرض المحلية والوحدة الادارية رسوم طيران لكل حشرة فرض غرامات فورية على الحشرات التى تاتى من خارج الحصاحيصا الزام كل حشرة بالطيران فى المنطقة المصدق لها اى حشرة تخالف الاوامر تسحب اجنحتها وبعد فترة ممكن تباع فى الدلالة وتانى لو شفتو حشرة رااااكة لومونى ..... وما فيش حد احسن من حد
بس بكره بندخل في حرب ترسيم الحدود عشان الجنيد بينتج مزارع الحشر والحصاحيصا بتستورد
ديلك ليهم براعة الانتاج ولينا ولينا حقوق الاستهلاك
مدام فيها ضريبه حدودنا بتبدأ من تمبول والمغالطنا يسأل ناس التكاسي وزي مابردد وراق الماعندو ( صور كضاب ) شهود كضاب
وناس الوحده الاداريه ديل خلي ليهم فراشين السوق
وبنطالب بي لادار عشان تكون بالثابته
بس الغرامات الفوريه دي تابعه للحركه ماتلخبت الكوم وتجيبنا محاسب
وكان فيها جنيح ماطلعتنا إحنا الحشرات يا عشي
لأننا من زمااااااااااااااااان مجنحين
وماتدخلنا في مشاكل أكتر من كده
وليد العشي
موضوع: رد: الحشرات تهاجم الاحياء والمحليه تتفرج !!!!!!!!!!!!!!!!!! الجمعة 11 مايو 2012 - 4:31
قابلت احد منسوبى الصحة ووعدنى خيرا ونسال الله ان يوفق الجميع
عبدالمنعم ترتورة
موضوع: رد: الحشرات تهاجم الاحياء والمحليه تتفرج !!!!!!!!!!!!!!!!!! الجمعة 11 مايو 2012 - 6:06
يا ودعفيف أظن الحشرات التي هجمت عليكم جاتكم من الخرطوم ، تعرف ليه جات من الخرطوم، لأنها سمعت البشير يهدد في الحشرة الشعبية قامت خافت من تهديد الريس وفاكراه قاصدها هي فقامت خافت من الويل والثبور وعظائم الأمور ، فهاجرت نحو أقرب مدينة هاملة وما عندها والي فقصدتكم، معليش استحملوا وشدة وتزول، والكاروشة جاتكم
[b]له امس اتصلت علي العيال ام مصطفي قالت لي الشفع بكوركو النخرج بره في الحوش عشان اسمعك ولمن طلعت بره قالت جوه العيال وبره جنس حشر وكمان بنزل ماده سوداء وقالو جاي من قصب الجنيد بعد ما احرقوه وزمان نحنا صغار كنا بننتظر قصب الجنيد بقارق الصبر ولمن اجي الوسخ بتاعه الاسود كنا بنلعب بيه ومعناها العنكوليب جاي في السوق ومعناها الموسم بتاعي جاء لانه كنت بوفر من شقل تلقيط القطن في المحالج حق ربططين وكنت ابيعهم في الاجازه ولكن كنت تاجر فاشل لاني انسان حساس وعيني بيضاء والماعندو فلوس برضو بياكل عنكوليب ونظام شديدتكم عشان نطلع من السياسه التافه دي والاسعار كل يوم طالعه والانسان كما هو واقف براك والهم عصف.
إبن عفيف
موضوع: ياود الريح ده حشر ما روث غنم السبت 12 مايو 2012 - 19:53
يا ودعفيف أظن الحشرات التي هجمت عليكم جاتكم من الخرطوم ، تعرف ليه جات من الخرطوم، لأنها سمعت البشير يهدد في الحشرة الشعبية قامت خافت من تهديد الريس وفاكراه قاصدها هي فقامت خافت من الويل والثبور وعظائم الأمور ، فهاجرت نحو أقرب مدينة هاملة وما عندها والي فقصدتكم، معليش استحملوا وشدة وتزول، والكاروشة جاتكم
بس يارائع
البشير ده دعي للنفره الكبري والحشد ضدحكومة الجنوب لكن ناسنا ديل فهموها ضد مواطننا
بالله عليك زي الفهم ده طيش الفصل زمان كان بيفهمو
قالو زمان نميري أصدر قرار جمهوري يمنع فيه تعاطي المكيفات ( السجائر وغيرها ) أثناء ساعات العمل الرسميه في مكاتب الدوله تاني يوم
مافي مكيف راكب في الحيطه والعرق للركب
الله يرحم نميري..........................
عدل سابقا من قبل إبن عفيف في الثلاثاء 15 مايو 2012 - 20:04 عدل 1 مرات
ياودعفيف يعني الحشرات دي تصيب عيون الفتيات فقط، إنت في هذه الحالة تعرض نفسك إلى المسائلة القانونية لأنك تحرض إلى التفرقة بين الجنسين، بدعواك أن الحشرات تصيب النساء دون الرجال، وبعدين حشرات المؤتمر الوطني لا تفرق بين ذكر وأنثى، والكل سواسية في توزيع أنواع العذاب المرسل للمواطنيين، لذلك لا داعي من ترويج مثل هذه الدعايات المغرضة تجاه الحشرات، وهذا نوع من البلاء والإختبار لمعرفة مدى صبر الشعوب على البلاء، والصبر آخره فرج
ظاهرة الحشرات بدأت تأرق المواطنين ونحن كباقي الاحياء كان لنا نصيب الجنوب في البترول تهاجمنا الحشرات ليل نهار
في الصباح كأنك في سينما الحصاحيصا تدوس علي الحشرات وكأنها قشر تسالي
لايوجد أدني إهتمام لهذه الظاهره التي أصبحت مصدر إزعاج وكأن المواطن ناقص مايكدر عليه
حاولنا مكافحتها ببعض المبيدات ولم يفلح الامر ثم بدأنا ننظر تاره بالدخان وتاره نرشها بالجازولين وأخيرا لجأنا لمكتب الصحه وفي إنتظار ماذا تقدم لنا
علي حسب علمي المواطن في المحليه أرخص من ثمن المبيد لذلك لانتوقع أي تعاون
مامشكله دفعونا ثمن المبيد كما ندفع ثمن التعليم والصحه وغيرها من الحقوق المهضومه
لانتسول ولانتوسل لأي مسؤول فمن كان له ضمير من المسؤولين ودفعه ضميره لهذا الواجب فبها ونعمه وإلا فالحشرات خير من كثير من بني البشر
فهل هذا واجب اللجان الشعبيه أم البلديه أم المحليه أم نصبح كناقة صالح الكل شارك في ذبحهاhttp://www13.0zz0.com/2012/05/17/18/494710887.jpghttp://www13.0zz0.com/2012/05/17/18/155618031.jpg[img][/img][img][/img]
موضوع: الحشرات تهاجم الاحياء والمحليه تتفرج !!!!!!!!!!!!!!!!!! 
الأربعاء 9 مايو 2012 - 19:14
[/img][img]
