وداعا كمبو المحالج بالحصاحيصا مرحب حي الاملاك البديل !!

قامت سلطات الاراضي بمحلية الحصاحيصابتسليم عقودات المنازل التي منحت للعاملين بكامبو المحالج بيوت الطوب وعددها 264 منزل لا تشتمل علي بيوت الطين وقد قام العمال الذين ملكوا المنازل باستلام العقودات بعد دفع مبلغ 1800 جنيه منها 720 جنية لسلطات المحلية والمتبقي يخص النقابة واجراءت فتح وقفل السجل واتعاب المحامي . من ناحية اخري اطلق الملاك الجدد علي الكمبو مربع 129 ، بحي الاملاك .

[img]

وداعا كمبو المحالج بالحصاحيصا مرحب حي الاملاك البديل !! 20381905

[/img]
[img] وداعا كمبو المحالج بالحصاحيصا مرحب حي الاملاك البديل !! 31078918

[/img]
[img] وداعا كمبو المحالج بالحصاحيصا مرحب حي الاملاك البديل !! 73170666

[/img]

مبروك صديقي القديم ... أحمد ســـليمان

ياورقة ماهو مصير بنك هاوس

رائـــع ... رائع .. ترتـــورة

مشكور ياسركيس، وأنا بسأل عن بنك هاوس عشان عندي فيه ذكريات لا تنسى

بنك هاوس اعلن تفليسة

بنك هاوس وبيوت الطين مليانة ومافي طريقة اخلاء الساكنين قبل ايجاد البديل

الحمد لله والشكر لله

الأخ/ ترتورة
كيفنك في الغربة و(الترطيبة)
شايفك مصر وملح في السؤال عن (العزيز) بنك هاوس .... وكمان مع سبق الأصرار والترصد و كمان بتقول عندي فيه ذكريات جميلة ، واضح جداً انك (مغترب) جد ...
قايتو أحمد الله انك بتكتب وتعلق وانت بعيد .... والله اذا كنت في الحلة الجديدة وكتبت كلامك دأ ... حايقولوا ليك قول : آآآآآهه !!!! وبي أثر رجعي
مع خالص تحياتي لك ولكل أصحاب الذكريات الجميلة في بنك هاوس او في الربع[b]

الأخ / عثمان لك التحية
الحصاحيصا عامةً صارت ذكريات جميلة لي، وبعدين الرُبع دا بتاع الناس الفطاحلة و المحترفين، والدخول إليه يحتاج إلى تصريح من حتول الله يرحمه، و أتمنى من الله أن يعيد الزمن الجميل والناس الأجمل

امييييييييييين

هذا هو بنك هاوس للذين لا يعرفونه من ابناء المغتربين في الداخل والخارج:
[img] [/img]
[img] [/img]
وهذه هي بيوت الطين في الكمبو :
[img] [/img]
[img] [/img]
[img] [/img]

الأخ / ورقة لك التحية
أنا كنت متوقع أن تخرج بالكاميرا وتوثق لينا صور لبنك هاوس، بس زمان كان لكل مربع إمتداد من رواكيب الخيش، لكن الحين صارت الامتدادات عبارة عن بنايات من الطين، لك خالص التحايا

الأخوة المتحسرون علي الزمن الجميل
لكم جميعاً عاطر التحايا الجميلة ( بتاعة زمان)
وياترتورة ذكرتني نكتة وهسع خانقاني لو ماقلتها ما بقدر أنوم :
اتنين كانوا أصحاب (فرد) ايام الزمن الجميل حاجاتم كلها مع بعض البي تحت /تحت والبي فوق ... تفرقت بهم السبل بعد الزلزال الأنقاذي واحد اتجه نحو الجماعة وربي الدقن ورطب للأخر .. والتاني واصل في قوة راسو وحلاقة دقنوا .
اتلاقوا بعد فترة وبا التعبان فيهم يجتر في ذكريات الزمن الجميل (زيكم كدي) ولما تمادي في الأسترسال في وصف الأشياء الجميلة بالنسبة له ـــ و(الموبقات) حسب معتقد التاني حسم صاحبنا النقاش والكلام حتي لا يتسرب (لأخوانه في الله):
فعلاً زمن جميل الله لا عادو

مشكور عثمان فارس ودحين نادي الإصلاح دا مش كان نادي العامل والله دا نادي تاني في الكمبو ونادي العامل موجود للحين، لكن الشكل المابيغباني دا ياهو شكل نادي العامل "والله أيام يازمان" واللهم أصلح الحال يامن تدعون الإصلاح

» كمبو المحالج
» شباب كمبو المحالج
» الخطر الحقيقي لكشة كمبو المحالج وتأثيرها علي امن وسلامة مواطني المدينة
» وداعا باولو كامبوس مرحب بالعشري
» وداعا حمدنا الله الصافي شيخ السماكة بالحصاحيصا