من جراب العميد نصرالدين عوض الله .. هل تعرف من هؤلاء ..؟؟؟؟

انا قايتو عرفت الزعيم الازهري
والموسيقار محمدية




يا دكتور ديل هم زاااااااتن ما بعرفو روحم
والله صورة جميلة جدا
في زمن جميل مرتيييييين

كن بخير

الي الابنه سعديه في الصف الثاني وقوف من نمره اتنين اليمين ابن عمك صلاح سالم

اول حاجه يا حسن صغر الصوره شويه انا غلبتنى ..
ثانيا عيب السواد .. عرفنا سعديه صغيرة وجاهله ما عرفت ود عمها او عمها ...
انت البخليك ما تعرف ناس حيّكم شنو!!!! اخجل ديل كلهم اصغر منك وفى روايه اخرى .. انت ما عرفوا يوقفوك وين .. اكبر من الطلبه واصغر من الاساتذة...عشان كده استبعدوك من الكاميره!!!

دحين الشافع القاعد قدام ده ما جعفر قوليب ؟؟؟

يادكتور والله صورتك مبااااااااااااااااالغة وجميلة جدا ...

شفت والله ياعشي عينك ماشاء الله عليها

كل يوم طالع نازل علي فاروق كرومة ما تعرفوا ؟؟؟

طبعا حسن وراق هو المصور وبمرور الزمن ما اتذكر باقي الكوامر الاصغر منوا ؟؟؟

للجميع الصحه والعافية ومن رحل عنا لة الرحمه والمغفرة

لك التحية يادكتور وللاخ العميد نصر الدين وبكل صراحة وامانة الصورة جميلة ولفته بارعة منكم لنشر مثل هذه الزكريات الجميلة

بصراحة عرفت من هولاء الفتية قرابة ثلاثة عشر فردا ومعهم الاساتذة الاجلاء والذين تركوا بصماتهم فى هذا المجتمع الجميل لابناء الحصاحيصا

ارجو من سعادة العميد ذكر هولاء الكوامر حتى يتعرف الشباب عليهم

شكرا لكم

حضرة العميد

لو ما اخاف الكذب الصورة دى فى المدرسة الاهلية الوسطى ( ج ) وانت فى بداية تألقكم كلاعب دفاع محترم فى اشبال الاهلى

نصرالدين عوض الله كتب:

الي الابنه سعديه في الصف الثاني وقوف من نمره اتنين اليمين ابن عمك صلاح سالم

والله صلاح سالم اتاريهو ما هييين
كووووووومر قديييييييم
شكرا ليك اخونا نصر الدين ما كنا لنشوف هذا الصلاح في ذاك الزمن الجميل
ملحوظة

نسخت الصورة واحتفظت بيها في صفحة الكوامر لدي في الكمبيوتر مع صور ورقة واخرون حتي نرجع لذاك الزمن الجميل الماااااااااابعود لاسفي

شكرا ليكم جميعا

يا ناس ...اولا حسن وراق والعيون والنظاره والذاكره كلها بقت malfunctioning
تانيا انا الناس دى الدفعه القدامى كتير لكن الحمدلله الذاكره حديد ..
ود قيلى التانى من اليمين اعلى الصوره .. الجالس من الشمال فى الاول الاستاذ عازف الكمنجه الماهر ود الضقاله الشيخ صالح ... والبين المرحوم عبدالحكم ومحمود عبدالحفيظ هو منصور عبدالرحيم المنصورى .. ويمين صلاح عثمان هو مصطفى محمد ابكر ...
الاستاذ شمال على قنديل هو استاذ عبدالرحمن من اربجى ..
شمال عبدالحكم من ناس الاشلاق اخوه كان نجار فى محل محمد احمد العربى عليه رحمة الله ...
اها قصرت معاكم .. الباقى على الاخ نصرالدين صاحب الجراب والذى امتعنا بهذه الصوره ..
له الشكر الجزيل ونطمع فى المزيد من كنوز الجراب ..

ياخي اولاد توتا الحلب ديل كانوا قدامنا في الشرقية الاولية وبعدين الفي النص دا اسمه محمد نور عوض الكريم من اولاد المعسكر بتاع البوليس اخوهو نجار في السوق

صورة جميلة وذكريات تعيد الشباب
الصورة عرفت عدد لا باس به واعتقد انها صورت في الاهلية التي كان مديرها الاستاذ ابو القاسم
مع العلم هذه الدفعة امامنا قليلا واعجبت بها والتحية للعميد/ نصر الدين عوض الله والدكتور بكري

والله ايام يازمان ببكى واتحسر عليك وارمى حبة لوم عليك

الدفعة دى كانو فى السنة الرابعة ونحن كنا فى السنة اولى فى المدرسة ج على ما اعتقد

ياحضرة العميد نصر الدين وين اخونا اللاعب الخلوق طارق الوسيلة لاعب قلب الجزيرة

الرابع فى الصف الثانى منصور حمدالنيل

ربنا يرحمو ويحسن اليه،وامر محزن ان ينتقل الى الرفيق الأعلى احد اعضاء هذا المنتدى،ارجو تثبيت الموضوع وان كان من الممكن ان يكتسى المنتدى بلون حزين وان تترحم عليه الإدارة فى الشريط المتحرك اعلى المنتدى.
الفقد كبير وجلل ولا نقول الا مايرضى الله وانا لله وانا اليه راجعون