موضوع: هديتنا للسيد معتمد الحصاحيصا عشان ما يتلتل نفسو ساي ؟؟ نظارات يابانية غنية بالتكنولوجيا المعلوماتية وبأنظمة الواقع المعزز بغية خداع الحواس "صورة" الثلاثاء 5 يونيو 2012 - 6:32
نظارات يابانية تحول قطعة بسكويت عادية إلى شوكولاتة
وكالات (( طور باحثون يابانيون نظارات تحول قطعة بسكويت عادية إلى شوكولاتة شهية. وصمم الباحثون التابعون لجامعة طوكيو إطارات متنوعة أكبر حجما بكثير من إطارات النظارات التقليدية وغنية بالتكنولوجيا المعلوماتية وبأنظمة الواقع المعزز بغية خداع حواس المستخدم. ويرسل أحد الإطارات صورة الشيء الذي ينظر إليه المستخدم إلى جهاز كمبيوتر يعيد معالجة الصورة ويرسلها إلى واضع النظارات الذي لا يرى سوى الصورة المعدلة معلوماتيا. وبالتالي، فقد تبدو قطعة حلوى يمسكها المستخدم في يده أكبر أو أصغر بكثير مما هي في الواقع، وخلال الاختبارات، أكل الأشخاص الذين تطوعوا للمشاركة في الدراسة عدد بسكويت أقل بنسبة 10% من العدد المعتاد لأنها بدت أكبر مما هي في الواقع بنسبة 50% بفضل تلك النظارات. وأكلوا كعكات أكثر بـ 15% من المعتاد لأنها بدت أصغر مما هي في الواقع بمعدل الثلثين. وطور الباحثون أيضا نظاما يضم خوذة تغطي العينين وأنابيب موصولة بزجاجات عطر، ويهدف هذا الجهاز إلى خداع النظر من خلال الواقع المعزز، وأيضا الشم من خلال إرسال روائح إلى الأنف، ما يؤثر تلقائيا في حاسة الذوق. وبالتالي، قد يخيل للمستخدم أنه يأكل كعكة بالشوكولاتة أو الفراولة فيما هو يتناول في الواقع قطعة بسكويت لا طعم لها.)) الراكوبة
كل المتابعين للموقع في الأيام الفاتت صدمهم قندراني الصور المقلوب في سوق الحصاحيصا والله يجازي محنك ياوراق تبحت لينا في المحن "رشة" خفيفة معقول تعمل الفي الصور دا ؟؟ المهم كتيرين "حملوا" المعتمد مسئولية الإنقلاب على بيئة السوق ومرمطة شوارعه في وحل القاذورات والطمل بصراحة أنا من الناس المتعاطفين مع المعتمد بإعتبار أن الخريف "باغته" وجا المطر في كيس نايلون بدل "الباغة" من الله خلق الدنيا المطر بجي شهر "سبعة" في داعي للولادة المبكرة دي وكمان قبال شهرين من مواعيدا ؟؟ طيب ما لازم يجيكم المولود مبشتن ومعولق لأنو لو أكمل "المدة" كان المعتمد جهز "العدة" وأحرج مواعين الخريف كمان من الحاجات المخلياني متعاطف مع المعتمد الاهمال بتاعنا في "رمي" القمامة زي ما تجي تجي عندك قمامة ما عملوا ليكم شركة للأوساخ النظيفة وبتعمل على مدار 24 ساعة زي صيدلية سنهوري فيـها شنو لو إنتظرت قدام خشم دكانك ولا جزارتك أو ملجتك أو "فُرمك" وسلمت القمامة للشركة وإستلمت الايصال ؟؟ عموماً الحمد لله اليابانيون جابوا ليـهم إكتشاف يريح المعتمد والمحلية من "الإحراجات" والمواقف المطمبجة وما على المعتمد إلا أن "يطمبجا" زيادة ويرفع الدعم عن السوق والسلخانة والملجات والمجاري والشوارع أو لو لقى أي معارضة من أصحاب الكاميرات "كاشفة سوء الحال والمآل وبعزقة المال" فعليه بفرض أتاوات جديدة وبعد جمع المبالغ اللازمة "داخل الرحم" يسافر "براو" لليابان وينزل "كدي" في طوكيو "كيتاً على باقي المعتمدين" وينزل في "أجعص" فندق لا تقل نجومه عن نجوم الزول بتاع بـ"النظر" وبعد يرتاح من تعب السفر ينزل السوق ويبدأ بالسؤال عن النظارات القالوا "غنية بالتكنولوجيا المعلوماتية وبأنظمة الواقع المعزز بغية خداع حواس" دي ويشتري لينا منـها "كوتة" ويدفع "حقو" كاش ويشحنا بالبريد الجوي عشان تصل قبالو ويخلصا جمركياً بعداك يتم الاعلان لتوزيعها لأي زول جائي الحصاحيصا جديد وبدل صور وراق دي يقوم "الزائر" يشوف شعاع ومافي داعي يخصص أي كمية للمواطنين ولا الجائيين من القرى المجاورة لأنهم "حينها" بكونوا في عِداد الموتى واللهم صلي وسلم على حبيب الله "الناس في طريقهم للمقابر" أحي يا ولاد أمي... وكُر علينا من ناس معتمديتك يالمعتمد ... الدوام لله والدنيا مافيـها خير وكل من عليـها فان ونسدل الستار بعد المأتم
كسرة :
السيد المعتمد ياخوي ناس معتمديتك اللقو حتفهم ديل قالوا في وصيتـهم : "بأنـهم متمسكين بيك ليوم القيامة وإن شاء الله تلقى العافية وتعيش للوقت داك عشان لمن الناس يقومو "عندها" في يوم الحساب يلقوك راكب البرادو وحواريك "البالي بالك" في البكاسي "دبل قبين" حولك يتلاومون و"يفحطون" والناس من عامة سكان الأحياء وناس السوق "قرى وحضر" مجندلين ماقادرين يقيفوا على حيلن ما عدا ناس الخلاوي بسم الله ما شاء الله ولا هاميهم "القيامة قائمة والناس مزرزرة" وهم يجمعوا في قروش "إيجار الدكاكين"
عدل سابقا من قبل المحبوب أحمد الأمين في الثلاثاء 5 يونيو 2012 - 7:08 عدل 1 مرات
المحبوب أحمد الأمين
موضوع: رد: هديتنا للسيد معتمد الحصاحيصا عشان ما يتلتل نفسو ساي ؟؟ نظارات يابانية غنية بالتكنولوجيا المعلوماتية وبأنظمة الواقع المعزز بغية خداع الحواس "صورة" الثلاثاء 5 يونيو 2012 - 7:05
صورة بي "نظارة وراق" يعني قبل إستعمال النظارة اليابانية
نفس الصورة بإستعمال النظارة اليابانية "المكتشفة"
أكيد المعتمد بعدما يشوف بالنظارة دي حا يكون "مبسوط" مني عشان "بريد فني" بالله عليكم في المقابل مش حقو يديني قطعة ارض في السوق أعملا عمارة من "خمس" طوابق كل طابق "ستة" شقق وأجر الشقق الفي "الاربعة" طوابق التحت لمصلحتي الشخصية وأخصص "عائد" الطابق الخامس وأشتري بيهو عدس ياكلوهو طلاب العلم
المحبوب أحمد الأمين
موضوع: رد: هديتنا للسيد معتمد الحصاحيصا عشان ما يتلتل نفسو ساي ؟؟ نظارات يابانية غنية بالتكنولوجيا المعلوماتية وبأنظمة الواقع المعزز بغية خداع الحواس "صورة" الثلاثاء 5 يونيو 2012 - 7:29
إتصلت قبال كم يوم بصديقي الياباني "تفي شنو كيم " وسألتو عن فاعلية النظارة وقال لي "" شوف علي الطلاق بالتلاتة الناس بتبيت في الصفوف عشان تستلم الكوتات وأغلب طالبي الكوتات من عندكم الظاهر إنتو تعبانين شديد"" قلت ليهو تعب "عدوك المعاديك" وقام تاني يوم رسل لي واحدة عاينت بيها في "أمونة" ويشهد الله وما طالبني حليفة شفت "نيكول كدمان" غايتو حا أجتهد وأجيبا معاي وأجي بيها السوق وألاقي حسن وزيري وأعاين ليهو بالنظارة وأقول ليهو "وين يا مصعب الحاج "
نضال رضوان
موضوع: رد: هديتنا للسيد معتمد الحصاحيصا عشان ما يتلتل نفسو ساي ؟؟ نظارات يابانية غنية بالتكنولوجيا المعلوماتية وبأنظمة الواقع المعزز بغية خداع الحواس "صورة" الثلاثاء 5 يونيو 2012 - 10:15
ده كلو عرفناهو لكن تلاقي حسن وزيري تقول ليهو وين يامصعب الحاج دي عملتها كيف
المحبوب أحمد الأمين
موضوع: رد: هديتنا للسيد معتمد الحصاحيصا عشان ما يتلتل نفسو ساي ؟؟ نظارات يابانية غنية بالتكنولوجيا المعلوماتية وبأنظمة الواقع المعزز بغية خداع الحواس "صورة" الثلاثاء 5 يونيو 2012 - 11:02
نضال يا ممسوخ إنت يعني حا أكون عملتها كيف ؟؟ ما بالنظارة وإنت في دا ولا العجب كان مشيت وألقيت بيها نظرة على مطعم فول ما طوالي بجيك مطعم عمنا ميرغني محمد عثمان عليه رحمة الله ياخوي اليابانيين ديل جنس شدتهم مافي أمال الفوق في الصورة إنت قايلا شكولاتة تصور انها بسكويت ؟؟ يعني بالمختصر الاكتشاف حا يعمل نقلة نوعية في "لوي عنق الواقع المذري - تكنولوجياً" ولو أي حاجة عائز تشوفا في أبهى صورها بس تركب النظارة والله السلخانة تلقاها زي شركة باتا بتذكرا ؟؟
مغارب
موضوع: رد: هديتنا للسيد معتمد الحصاحيصا عشان ما يتلتل نفسو ساي ؟؟ نظارات يابانية غنية بالتكنولوجيا المعلوماتية وبأنظمة الواقع المعزز بغية خداع الحواس "صورة" الثلاثاء 5 يونيو 2012 - 16:40
المحبوب أحمد الأمين كتب:
نضال يا ممسوخ إنت يعني حا أكون عملتها كيف ؟؟ ما بالنظارة وإنت في دا ولا العجب كان مشيت وألقيت بيها نظرة على مطعم فول ما طوالي بجيك مطعم عمنا ميرغني محمد عثمان عليه رحمة الله ياخوي اليابانيين ديل جنس شدتهم مافي أمال الفوق في الصورة إنت قايلا شكولاتة تصور انها بسكويت ؟؟ يعني بالمختصر الاكتشاف حا يعمل نقلة نوعية في "لوي عنق الواقع المذري - تكنولوجياً" ولو أي حاجة عائز تشوفا في أبهى صورها بس تركب النظارة والله السلخانة تلقاها زي شركة باتا بتذكرا ؟؟
طيب ،،
يعني دار فـــــــــول ،، بتاع بابكر محي الدين ،،
ببقي دار شيـــّة ،،
مغـــــارب :-
adil seedahmed
موضوع: رد: هديتنا للسيد معتمد الحصاحيصا عشان ما يتلتل نفسو ساي ؟؟ نظارات يابانية غنية بالتكنولوجيا المعلوماتية وبأنظمة الواقع المعزز بغية خداع الحواس "صورة" الجمعة 8 يونيو 2012 - 7:46
الاخ المحبوب المحبوب انا جاتنى نضاره وعاينت بيها لحوش فى الصداقه يفتح على الزلط بقدرة قادر الحوش بقى عماره وماشاء الله زى الشامه وسط الحله بس عندى طلب عندك عاوزين نضارات تخلى الجنيه الكحيان يساوى عشرة دولار بدل العكس عشان اخونا نضال رضوان يجى يغترب فى السودان واكون انا الكفيل بتاعو
موضوع: هديتنا للسيد معتمد الحصاحيصا عشان ما يتلتل نفسو ساي ؟؟ نظارات يابانية غنية بالتكنولوجيا المعلوماتية وبأنظمة الواقع المعزز بغية خداع الحواس "صورة" 
الثلاثاء 5 يونيو 2012 - 6:32
