عاجل جدا... فضيحة استخراج الرقم الوطني بعشرة جنيهات بالمجلس التشريعي !!

بعد أن اصدر السيد معتمد الحصاحيصا قراره بمنع تحصيل اي مبلغ مقابل استخراج الرقم الوطني والذي كانت منظمة تتبع لبعض ابناء الحلاوين تقوم بتحصيل المبلغ مقابل استخراج الاورنيك ، تم تحويل مقر استخراج الرقم الوطني من امانة المؤتمر الوطني الي المجلس التشريعي وهذه المرة قامت ادارة السجل التي تقوم باستخراج السجل بفرض مبلغ 10 جنيه عبارة عن رسم فصيلة دم يتم تحصيلها باورنيك دبلوكيت غير قانوني صادر من وزارة الداخلية في تحدي صريح وواضح لوزير المالية ورئيس الجمهورية الذي طالب المواطنين عدم توريد اي مبالغ مالية الا في اورنيك 15 صادر من وزارة المالية ومن ناحية أخري رصدت كاميرا دوت كوم اعداد كبيرة من الطلاب والطالبات اتو من الصباح الباكر اصطفوا في صفوف من الساعة السادسة اشتكوا من بطئ الاجراءات وقيام بعض رجال الشرطة باصطحاب ذويهم دون التقيد بالوقوف في الصفِ

القرارات بقت تتآكل زى البسكويت يعنى مافى كبير يتسمع كلامه وفصيلة الدم دى حاجه بسيطه للبيحصل .

كان بقت على الواسطة ما مشكلة الكلام الحاجات التحت الطربيزة وعلى عينك يا تاجر ....... الناس فى بلدى يصنعون الفساد

الما عاجبو يلحس كوعو

ولاينتظر المجان

بعدتكوين لجان

وشراب فنجان

وطولةلسان

ودا يجيب حرقان

في بلدي واسوي علي مزاجي والماعاجبو يلحس ضنبو هاهاهاهاها حلوه دي مش كدا ياود جعفر؟

انت ياحسن وراق
ماعاجبك المجلس التشريعي ولا امانة المؤتمر
ولا عاجبك دفع العشرة جنيات البسيطة دي
لا في امانة الموتمر ولا في المجلس التشريعي
طيب يا ورقة الناس ديل اشتغلوا شنو ؟؟؟؟
هم شغلهم زيادة اي تكلفة لاي حاجة
والرقم الوطني هو - حاجة - وبتكلفة
يعني هم لازم يشتغلوا
وزي ماقلت ليك شغلهم زيادة التكلفة
رايك شنو ؟
اخلوا ليك البلد ويفوتوا ؟
ودمت
المغربى

» عاجل الي لجنة أمن المحلية!! استخراج الرقم الوطني اولي من ازالة السياجات
» انتخابات التشريعي الولائي .. المؤتمر الوطني بالحصاحيصا قاعد في السهلة
» Breaking Newsانتخابات المجلس التشريعي الولائي بالحصاحيصا تقدم الاخيدر علي مرشح المؤتمر الوطني
» [size=24]سؤال عاجل جدا اذا اردنا اسقاط مرشح المؤتمر الوطني ( استطلاع رأي )[/size]
» عاجل جدا.. فضيحة بدرجة جريمة في اراضي الحصاحيصا ( توجد احتجاجات)