يا بورداب الحصاحيصا..نلتقي اليوم بعد العشاء

الي جميع بورداب الداخل موعدنا اليوم في جلسة تعارف وتواصل بمناسبة تواجد مؤسس الموقع الاخ البوردابي الدكتور مهندس بكري عثمان حمد وذلك تحت كبري الحصاحيصا (دوار سلوي ) وذلك عقب صلاة العشاء ولمزيد من الاستفسار يرجي الاتصال ب 0911130739

والشغال مناوب في مدني يعمل شنو

يعمل شنو كيف يا ود عيسى ؟؟
يصلي العشاء جمع تقديم
ويمشي الكبري
وبعد ذلك فللي مدني
وممكن يكتب حضرنا في الزمان والمكان المحددين وما "لقيناكم"

قال شغال في مدني قال
طيب الشغالين في الواق الواق يعملو شنو ؟؟
ود عيسى كيفك
شفت الشماتة دي كيف ؟؟

قلوب معكوم احلى ما يكون

والله رغم انو معاى ضيوف . ودا ظرف واضح الا انو تلفونك مقفول بنا على اتصال سعديه بى والمطره دى ح تعمل فيها شنو

والله يا ودعيسي آمنت بي رتينزاتك.. جبت بيهم المطرة عشان تطرشق القعدة والتي ستكون يوم بكرة عشان تحضر
مغليش يا شباب وللشابات المارجعن من الكوفير نقول ليهم بكرا اجمل حضروا المشاعر والمساهمات بطريقة BYO كل واحد يجيب ما يروق له Bring Your Own شاي قهوة بارد كيك بلح تسالي اي حاجة وجعفرون والعشي متكفلين بالفرشات وانا علي الكبريت
نلتقي غدا يا شباب

ياسلام عليكم وكمان فيها مطر والله أيامكم عسل، وبي كدا إنتوا دخلتم في دائرتنا من غير إحم ولا دستور، لكن رغم ذلك مرحب بكم في مقاطعتنا وأنا من عندي ليكم كوارع ولسانات وبواسم ومع الببلعو بيهن

انا خايف كوثر تجيب ليكم الكشه

ابو سماح كتب:: انا خايف كوثر تجيب ليكم الكشه

والله يا بوسماح كوثر وقعت في شر اعمالها ،
سكنت في شقة في الحصاحيصا ،
بعد دا نحن البنجيب ليها الكشة
!!

مبروك السكن الجديد والدار ترحب بيكم
وبعد دا اصبحت مامونه الجانب ولا خوف منها

والله جنس كشه . وما تقولو جارى جنابو . وكتر خيرك ابوسماح . بس بينى وبينكم المسؤليه حااااااااااره

الله يجازى الكان السبب . وما تنسو المره دى غير . اقلو معاكم ناس فوق الشبهات ( الدكتور )

اها يا حسن تحليتي دي اوديها وين ؟؟؟؟؟؟؟؟؟

يا بورداب الحصاحيصا..نلتقي اليوم بعد العشاء 38740929767027694488510

وتاني الا اجيب ليكم دي

https://2img.net/r/ihimizer/img215/6360/37530910150411681325890.jpg

ودي زاااااااااااااتا الا تسالو ( كج ) عن احوال الطقس غدا

كوثر يوسف عبدالصادق كتب:: والله جنس كشه . وما تقولو جارى جنابو . وكتر خيرك ابوسماح . بس بينى وبينكم المسؤليه حااااااااااره

الله يجازى الكان السبب . وما تنسو المره دى غير . اقلو معاكم ناس فوق الشبهات ( الدكتور )

البركه في الدكتور
حمانا

سعدية احمد حاج التوم كتب:: اها يا حسن تحليتي دي اوديها وين ؟؟؟؟؟؟؟؟؟

وتاني الا اجيب ليكم دي

بدون تعليق ... والحمد لله الإجازة ما كملت ... إن شاء الله أنا بكرة من الساعة الخامسة تحت الكبري

https://2img.net/r/ihimizer/img215/6360/37530910150411681325890.jpg

ودي زاااااااااااااتا الا تسالو ( كج ) عن احوال الطقس غدا

كج حا يموت من المغصة ... الله يكون في عونو ...

يا كج سمك المربع أحلى ... سوق عديلك وأمشو شوفو ليكم هامور

يا للأسف ... كان حتشرفنا إخلاص سركيس

ياود عيسى أخذ إجازة بدون مرتب

[quote="أحمد سركيس"]ياود عيسى أخذ إجازة بدون مرتب ‏ ياسركسه اخوك طبعا مسكين والخيانة كانو عايذين يفطسوه لكن ربك الأقوي منهم قااااعدquote]

يا شباب كل تأخيرا فيها خيرا

نظرا لظروف الخريف والمكان وصعوبة الوصول للبعض لقد تقرر تغيير مكان لقاء البورداب وضيوفهم الي حديقة اكاديمية العلوم الصحية وذلك مساء اليوم وبعد صلاة المغرب باذن الله وكل الشكر لادارة الاكاديمية وللاستاذ العشي لحسن ضيافتهم ومبادراتهم ونهيب بالاخوة البورداب عدم جرجرة الزمن وللبعض ننوه بان ظروف الامطار لا تحتاج ل ميك اب تقيل حتي لا تسيل مشاعر الناس جداول والاهم من كدا المساهمات بالمبادرات الفردية ويمكن التنسيق مع بعض ولا تنسوا احضار الكاميرات وتوجد مواصلات بعد العرض

» اجتماع ابناء الحصاحيصا بالخرطوم مع صحيفة الحصاحيصا اليوم
» بورداب الحصاحيصا والفطور المحضور ( توجد صور )
» هام الي بورداب الحصاحيصا دوت كوم بالخرطوم فقط
» دعوة بورداب الحصاحيصا دوت كوم على نجيلة F M
» خاص بصحيفة الحصاحيصا و بورداب السعودية