إفطار دوت كوم الرمضاني

يا سعدولة هوي ما تبسطي الشغلانة لامن نجي للجد تعملي فيها عرسي باقي ليهو اسبوعين وقالو لي اتحبسي من اسع أولا الموضوع داير التزام من البوردابيات وصديقات الموقع ولحدي الآن ممكن اكتب اسماء بوردابيات ملتزمات باحضار عامود بليلة وعصيدة وصنف اختياري فول مصلح طعمية :
ديل شباب حي العمدة انا واثق من التزامهن وانا المسئول
1) سعدية احمد حاج توم
2)سارة محمد الجاك ابوشمة
3) سارة عليش
4) اماني تلودي
5) كوثر يوسف (تيكو )
دي براها 5عمدان
اها قول من اركويت :
1) عواطف عمسيب
ومن حي الزهور :
1) رحاب قسم الباري
ومن الحلة الجديدة :
1) اماني قوليب (قارئة الفنجان)
اها اين البقية ديل كلهن 8 عمدان
دايرين التزام علي الاقل مفروض يكون هنالك علي الاقل 40 عامود او اكل يكفي 400 شخص
هل من اي التزام آخر؟؟ بسرعة اي شخص ينزل التزامه بخصوص الاكل وسوف نتفق علي عمل البارد والساخن داخل الاكاديمية بالمساهمات نحتاج 12 حافظة و3 انواع عصائر حلومر ليمون تانج او كما ترون وكل واحد يحضرسيرموس قهوة والشاي بالاكاديمية وهنالك اقتراح أن اي بوردابي يحضر عاموده نرجو ان نحدد بالاجماع هل يكون الافطار الجمعة 15 رمضان او الجمعة 22 رمضان قبل اسبوع من العيد ولحسن الحظ نحن موعودون بحفل يغني فيه فنان البورد مهدي بكش الذي هو بيننا الآن ومتوقع حضور المحبوب يوم الجمعة 15 رمضان ودايرين فنان تاني ياحبذا لو كان فواد القصاص من ابي عشر ومحتاجين لمال تسيير وفرقة كوميديا ويكون البرنامج اكتمل لازم الكوميديا لنجاح البرنامج شوفوا لينا تيراب او الهيلاهوب من بدري
التزامات بتوفير الساوند والترابيز والكراسي وتهيئة المكان والاضاءة يا عشي اتحرك الزمن ضاغط