الي متصفحي الحصاحيصا.كوم

الاخوة والاخوات الاعزاء
عاطر التحايا
وصلتني كثير من الرسائل (كثيرة منها حميدة وقليلة منها تحمل بعض الهواجس والظنون) متسائلة : أين انت من قبل رمضان ؟؟؟ ومااالك لابِد ؟؟؟
وما أسكت الله لك (كيبورد) ؟؟؟
أحب ان اطمن الجميع بانني بخير ... والكيبورد كمان !!!
وكنت عاكفاً كل هذه المدة في انجاز كتاب جديد بعنوان :
(محمد الحسن سالم حميد ـــ ســــلافة الثقافة السودانية)
والكتاب الان علي ابواب المطبعة سوف ينشر قريباً جداً ان شاء الله ...
وسوف اقوم بنشر مقتطفات منه في المنتدي الثقافي .....
ودمتم/دمتن

عفارم عليك ياعثمان
عفارم عفارم يا شعباً مسالم يا حر الإرادة جمال وقيادة

يا وقتين تصادم بروقك تضوي ورعودك تدوي ورياحك

تقصقص رقاب المظالم
************
علمني أغني .. الطين .. المخرطه .. والطورية
الناس الصابرة .. سنين بالحالة .. الما دغرية
القابضة الجمرة في إيدا .. والجمرة تلهلب حية
لا قادرة الجمرة تقيدا .. لا قادرة تولع هيّ

***************

ميلاد القصيدة مثل «شوكة طعنت»مزارع ومجاري الري تضايقه
*************************
وكتين يضيع
عرق الجباه الشُّم
شمار فى مرقة ..
آه .. يا نورة آه
*********************

شن دهانا دي كم سنين والحال وقف قطّ وحلف ما فيهو لو نقاط بسيط
كان بوشنا في حش التمور .. الليلي دوشنا مع اللقيط
أي لا حكت دي ولا بقت .. ما كنا قايلين في حياتنا يجينا أقسى من المضى
ساعة مروق الإنجليز قلنا الظلم فات وانقضى
تاريهو كمتر .. وقام دقون .. حلفا وعشر .. معيوقة نال
دمسيس ... ضريسا .... وشوك جمال
الله يا رب كربك كرب
*********************

سلام والغربة لافي مدر فكر تحراها لاب تنقاس
قدر والفيهو ما كسناهو وين بعد الوطن بنكاس
يا حاحاي مسور الغير مسورنا الطير عليها كباس
سمانا شتا وهجير مطِّير بحرنا يحيِّر الغتاس
إن قلت النخل في نوري جنة يقوقي فوقه دباس
وإن جيت للسهل باللوري تسري ليالي لا آخر كاس
خيرنا كتير وكان بيطير دي عين والله ما هو يباس
إحنا أسياده وإحنا بخير ،،، ولا تقولي الزمن عاكاس
تمرنا ولا حلاوة الغير فقرنا ولا غنا الإفلاس
دلقاً بالعرق ينبلَّى يلبك في الضهر والراس
**********************
ست الدار بت أحمد قالت :
ليك يا الزين ود حامد شوقنا
أما بعد ،
المبعوتة المنك .. وصلت
ورُح فكيت الطلب الفوقنا
باقي الدين يا الزين خلصتو
قدر الفاضل .. مصروف راشد والتومات
والجايات من جاي .. لا جاي
زي ما قت لك قبال ده
شهر إتنين حا نطهر راشد
شهر إتنين المدرسة تأجز
الله يبعد العارضي تجينا
وراشد حالف ما يطهر
إلا أبوهو وعمتو تحضر
وإلا يجيبو الغنايين
شان الشوق بت سرنا ترقص
قلنا نجيب المداحين
طنطن .. أنا جاي من الحج

بالتوفيق الرائع عثمان فارس وتاكد نحن فى انتظار ابداعاتك فى المنتدى الثقافى

تكتب ونقرأ،، لكن بالله عليك أكتب في مقدمته (لا يقرأه كل الناس) لأن حميد حق الصادقين وبس.

سنعود مرة اخرى لنسال عن غيابك ....
لتاتينا بالالق الرصين ...
مزيدا من التوهج فى زمن الظلام القهرى .... واغتيال المبدعين .....

» المرشح المستقل ابن الحصاحيصا مامون علي عطا المولي في حوار غير مسبوق مع الحصاحيصا دوت كوم ( توجد صور )
» مدرسة الحصاحيصا الصناعية صرخة في وجه المسئول وملامة لناس الحصاحيصا ( توجد صور)
» الحصاحيصا يا دمار (الهناء) يا فوضي و الوالي حاضنا..هؤلاء من يدمرون الحصاحيصا
» حيوا معنا ابناء الحصاحيصا اطباء وعاملين بمستشفي الحصاحيصا ( توجد صور )
» الى ادارة نادى النيل الحصاحيصا ودكتور معتصم جعفر ومعتمد الحصاحيصا