سلخانةأخري :- للبشــــــر :-

[center]وأنا في مروري الدائب كل يوم من أم درمان للخرطوم ،،
أري في طريقي مجموعة يشيدون مبني فخيم ،،
في الواحة أم درمان ،،
سألت المهندسة ما هذا المبني ،، ؟؟؟
أجابت مركز تأمين ،،
يعني شنوا ،، ؟؟
مركز شرطة يعني ،،
سألتها عايزين تعملوا في كل مربوع مركز شرطة ،، ؟؟؟
قالت لي يا شاب ما تجيب لينا مشاكل ساي ،،
طيب تأمين لي منو ،، ؟؟
إنسحبت وتركتني لهواجسي ،،
مبني فخيم من طابقين لا تقل تكلفته عن سبعمائة مليون ،،
للتأمين ،، تأمين لي منو ،،
بمالكم يا شعب السودان ،، يبنون لكم المسالخ ،، والمقاصل ،،
بمالكم تصادر حرياتكم ،، وإنسانيتكم ،، وما تبقي من روح ،،
لقد قال ذاك الرجل لعمر بن الخطاب ،،
( عدلت فنمت يا عمر ) ،،
ولم يقل إطلاقا ،، أكثرت من الشرطة فنمت يا عمر ،،
وشتان ما بين العمرين ،،
لله درك يا بلد ،،

ليت كانت معي كاميرا ،،
الكاميرا يا حسن وراق ،،
فايزة السيد متبرعة بي تمن التوب السويسري ،،
عشان كاميرتي ،، وحسن كيشوا قال ما عايز البدلة السويسرية ،،
جيب الكاميرا ،، ولا ما تجي ،،

ركابــــــي :-
وقـ المغارب ـت :-[/center]

الرائع امين
غايتو موضوع الكاميرا ده انا شايفو محلول
لو حسن جاب الكاميرا خير وبركة وزيادة خير
وكان لو جابلو كاميرا واحدة..ليواصل ابداعاته هاهنا
انا بوصيك..العب مان تو مان مع مبارك
وهو راجع لمقر عمله بالامارات..انت طوالى
ادرع كاميرته فى كتفك..
عشان تصور لينا المكاتب الوهمية دى
اها شن قولك ماخطه مدهشة.
فى امان المغربية..وكمان الصبحية
عارف زمان الصبحية..كانت اجمل من حفلة العرس
بتكون دائما بى برتل..ولا الشيخ..ولا حسين بندى
وروائع العود