اين الصفوة؟؟؟؟؟؟؟؟؟؟؟؟؟؟

موجودين يا ود جعفر...المرحله القادمه اللفه الاخيره .....وحا تشوف انشاء الله المره دي لا حظ ولا يحزنون...ولكني اخشي ريكو اكثر من الخصوم...


دمتم في امان الله

شنو ياصفراب خلاص فرحتوا بالصدارة المؤقتة
خلوا الهضربة يوم 20 قريب وصدارة المجموعة ستاتي لنا طائعة
وطبعا انتوا عارفين ان الكاسات المحمولة جوا من نصيب اهل الصفوة وانتم محجوبين عنها بوجود الوارث الشرعي
لكم تحياتي

Enas Adawi كتب:

يكفينا فخراً بأن عشق السودان الذي بداخلنا مريخياً خالصاً

ويكفينا انه سودان المريخ
ونحن الصفوه نسمو فوق المهانه
وانه المريخ فخر الوطن العايش جوانا
انه وطن النجوم
وهو نجم السهى الصاحى
بياتلق زهوا مع النجيمات البعيده
وينير الدروب فى الفيافى والضواحى
والنجوم لامع بريقا
كالزهور الفايحه عطرت
كل الجزائر برحيقا
فيااخى حماده مدقشقر
ماتستعجل لقدرك
العبره بالخواتيم
المريخ ليس فريقا نشجعه
فهو وطن نعيش فيه

يا اختنا عائشه....الحظ خلاكم تفلتوا من الهزيمه امام المريخ مرات عديده....واكيد انتي عارفه كده...
اما بالنسبه للرقم 13...انشاء الله حايكون 14 كما تنباء اخونا كمال الجمل...
وعينكم يا هلالاب ما تشوف الكاس ولا اقول ليكم تشوفوهو بس لكن ما تشيلوهو
حالتكم ساااااااااااااااااااااااااااابه....


انا المريخ انا التاريخ....
انا الوسط البلد بهتف ..بحبك انته يا مريخ...
انا المفخره الصوره...انا الانجاز انا الكوره
انا الكاسات..انا الامجاد...


دمتم في امان الله

الله عليك يا مريخابي يا اصيل....كلمات رائعات كروعه المريخ واهله....اسه في هلالابي بكتب زي كلمات اخونا عبد اللطيف ده...؟؟


المريخ ليس فريقا نشجعه
فهو وطن نعيش فيه

معتصم السنجك كتب:

الله عليك يا مريخابي يا اصيل....كلمات رائعات كروعه المريخ واهله....اسه في هلالابي بكتب زي كلمات اخونا عبد اللطيف ده...؟؟


المريخ ليس فريقا نشجعه
فهو وطن نعيش فيه

لايك شديد لكل كلمه كتبتها اخونا السنجك . ودحين الحاله الفيها ود جعفر دى ما هضربه

الكأسات المحموله جوا دى الكلمه الوحيده الصاح فى الهضربه . والمريخ هو المريخ

ما بنقدر نشجع غيرو . لانو هو التاريخ

الفريق الذي يحتفل ببطولة الدورة الأولى.. والذي يحتفل بتصدر مجموعة لسة مبارياتها ما تمت.. لازم يكونو مشجعنو زي ناس عبد اللطيف والسنجك والجمل وكوثر وغيناس.. إنتو ما بتخجلوا نحن متساوين في عدد المباريات لكن غير متساوين في التصنيف.. فالفرق كبير بين الترلة والرأس.. ويوم 20 غير مهم فهو للفرق الكبيرة يوم عادي لأنه لا يفرق معنا نلاقي من؟.. ولكن يفرق معنا ماذا نريد في مرحلتنا هذه؟.. دور الأربعة مرحلة لغاية هي همنا.. وأنتم كل همكم صعدنا صعدنا صعدنا.. فليكن همكم الكأس.. فأنتمك تبحثون عن كأس حملتوه بالصدفة في الثمانينات.. ونحن نبحث عن كأس إستعصى كثيراُ كما أستعصت السماء وهي تبدو قريبة.. هو يعلم أنه لنا ملكنا يشبهنا.. ونحن نعلم أننا أكبر منه ولكن لعن الله لاراش المغربي ليدع عبد الالطيف يتحول لشاعر كما فريقه بالحظ تحول لبطل.. ورحم الله الأرباب الذي جعل مثل السنجك الأزرق يلبس الأحمر بل ويتشدق بالمحمولة جواً.. وغفر الله للنجم الساحلي الذي حرمنا من أن يتلون مهند ويهتف صفراب صفراب.. التاريخ الأطرش ترك إيناس عدوي تتكلم رياضياً وتترك( البوح جهراً ) ولو لدقائق لتفرس ناجي ومن قبله محمد جعفر والراقية عائشة.. التاريخ الخائن والمؤامرات تركت للجمل لسان يتفاصح به على رأسه وهو ترلة قديمة.. محمد جعفر تعال نترك هذه البلاد لخفاش أصبح ظاهراً.. ولبلبل لزم الصمت.


والله عاوز أنكت عليكم.. (كلام هزل ولكم مني العتبى.. بحبكم جميعا وأحترمكم).

كتر خيرك اختنا كوثر...

يا ناجي بعد نشيل الكاس ....شوف ليك بلد ....هههههههههههههههههههههه

ناسنا ديل كلهم شعراء واحسيسهم مرهفه يعني الكلام الجميل ده عادي

لكلام الجميل دا ما يقولوه في شيء جميل.. يقولوه في المريخ.. يعني لاقاك شاعر شكر البصلة وخلى التفاحة؟؟ أو واحد تغزل في القرد وخلى الغزال.. على ذكر الغزال أوريك أنو الغزال لاااعب يوم 20.. مالك بترجف يا سنجك؟؟

هههههههههههههههههههههه...والله الغزال ولدنا ده خطيييييييييييييييييييير الله يكفينا شرو...

الواحد ما يصلي يا السنجك؟؟ يلقاك تووش خشيت ورديت؟؟.. ما بتتبلى في خشمك فولة.. يومك قرب.. بس أصبر.