ﺍﻛﻠﺖ ﺍﻟﻜﺴﺮﺓ ﺑﺎﻟﻠﻮﺑﻪ؟؟
ﺑﺘﻌﺮﻑ ﺗﻘﻠﺐ ﺍﻟﻬﻮﺑﻪ ؟؟
ﻭﻋﻤﺮﻙ ﺷﻔﺘﻪ ﺭﺍﻛﻮﺑﻪ؟؟
ﻓﻲ ﻳﻮﻡ ﻓﻠﻘﻮﻙ ﺑﻲ ﻃﻮﺑﻪ ؟؟
ﻟﺒﺴﺘﻪ ﺍﻟﺠﺒﻪ ﻣﻘﻠﻮﺑﻪ ؟؟
ﺣﻀﺮﺕ ﺍﻟﻌﺮﺿﺔ ﻭﺍﻟﻨﻮﺑﻪ ؟؟
ﺑﺘﻌﺮﻑ ﻳﻤﻪ ﺣﺒﻮﺑﻪ
ﻭﻛﺖ ﺗﻤﺮﻕ ﺳﻌﻦ ﺭﻭﺑﻪ
ﻟﻌﺒﺖ ﺷﻠﻴﻞ.. ﺷﻠﻴﻞ ﻭﻳﻦ ﺭﺍﺡ ؟؟
ﻋﻀﻢ ﺑﺎﻟﻠﻴﻞ.. ﻋﻀﻢ ﻭﺿﺘـﺎﺡ
ﺟﻬﺎﻟﻪ ﻏﺒﺶ ﻧﻔﺘﺸﻮ ﺻﺎﺡ
ﻭﻧﻠﻌﺐ ﻳﻮﻣﻰ ﻣﺎ ﺑﻨﺮﺗﺎﺡ
ﺑﺘﻌﺮﻑ ﺗﻤﺸﻲ ﻛﺪﺍﺭﻱ؟
ﺗﺴﻮﻕ ﺍﻟﻌﺠﻠﻪ ﺳﺪﺍﺭﻱ
ﻭﺗﺮﻛﺐ ﻓﻲ ﺍﻟﺤﻤﺎﺭ ﺟﺎﺭﻱ
ﺗﺸﻮﺕ ﺍﻟﻜﻮﺭﺓ ﺿﻔﺎﺭﻱ
ﻫﻮﻱ ﻳﺎ ﺑﻨﻴﻪ ﻗﺸﻲ ﺍﻟﺤﻮﺵ
ﻭﻣﺸﻄﻲ ﺷﻌﺮﻙ ﺍﻟﻤﻨﻜﻮﺵ
ﻭﺧﻠﻲ ﺍﻟﺒﻴﺖ ﺩﻭﺍﻡ ﻣﺮﺷﻮﺵ
ﻭﻓﺮﺷﻲ ﻓﻲ ﺍﻟﺒﺮﻧﺪﻩ ﺑﺮﻭﺵ
ﻭﻛﺖ ﺣﻤﺎﺩ ﻗﻌﺪ ﺻﻨﻘﺮ
ﻭﺣﻠﺐ ﺍﻟﺒﻘﺮﻩ ﻭﺍﺗﺤﻜﺮ
ﻭﻣﺮﻕ ﺍﻟﻌﺠﻠﺔ ﻣﻦ ﺍﻟﻜﺮ
ﻭﻗﺎﻝ ﻟﻠﻜﻠﺒﻪ ﺍﺑﻌﺪﻱ ﺟﺮ
ﺍﺷﺮﺡ ﻟﻲ ﻗﻮﻟﺔ ( ﻋــﺮ )
ﻣﻌﺎﻫﺎ ﺍﻟﺪﻭﻛﻪ ﻭﺍﻟﻘﻨﻘﺮ
ﻭﻗﻨﺪﻭﻝ ﺍﻟﻔﺮﻳﻚ ﺍﺧﺪﺭ
ﻭﺍﻟﻔﺮﺓ ﺍﻟﺒﺘﺨﻠﻊ ﻓﺮ
ﺍﺩﻟﻴﺖ ﻋﻘﺮﺕ ﺧﺪﺍﺭ
ﻭﺩﺣﺸﻚ ﻓﺮ ﻣﻨﻚ ﻭﻋﺎﺍﺭ
ﻭﺣﺸﻴﺖ ﻓﻲ ﺍﻟﺠﻨﻴﻨﺔ ﻋﺪﺍﺭ
ﻭﻏﻨﻴﺖ ﻓﻲ ﺍﻟﻔﺠﺮ ﻣﺴﺪﺍﺭ
ﺍﻛﻴﺪ ﻣﺎ ﺑﺘﻌﺮﻑ ﺍﻟﺰﻏﺮﻭﺩ
ﻭﻣﺎ ﺟﺮﺑﺖ ﺿﺮﺏ ﺍﻟﺴﻮﻁ
ﻭﻻ ﻏﻨﻨﻠﻚ ﺍﻟﺒﻨﻮﺕ
ﻭﻻ ﻏﻨﻤﻚ ﺭﻋﻦ ﺣﻨﺜﻮﺕ
ﺍﻳﺎﺩﻳﻚ ﻧﺎﻋﻤﺔ ﻣﺎ ﺣﺸﻦ
ﻭﻻ ﺟﺮﺑﺖ ﻣﻮﻳﻪ ﺍﻟﺸﻦ
ﻭﻣﺎ ﻗﻔﻴﺖ ﻏﻨﻢ ﻃﺸﻦ
ﻟﻘﻴﺘﻦ ﻓﻲ ﺍﻟﺨﺪﺍﺭ ﺧﺸﻦ
ﻫﻞ ﺷﺮﻛﺖ ﻟﻲ ﻃﻴﺮﻩ؟
ﻭﺷﺮﻛﻚ ﻫﺒﺖ ﻓﻲ ﻏﻴﺮﺍ
ﻓﻲ ﺩﻳﻚ ﻋﻤﺘﻚ ﺧﻴﺮﻩ
ﻭﺗﺮﻗﺪ ﺻﻮﻑ ﻭﻓﺮﻳﺮﺓ
ﺑﺘﺤﻀﺮ ﻣﻮﻟﺪ ﺍﻟﻤﺨﺘﺎﺭ؟
ﻭﺗﺴﻤﻊ ﻟﻠﻤﺪﻳﺢ ﺑﺎﻟﻄﺎﺭ
ﻭﺍﻟﺪﺭﻭﻳﺶ ﻳﻠﻒ ﺩﻭﺍﺭ
ﻭﻧﻠﻒ ﺑﺮﺍ ﻧﺤﻦ ﺻﻐﺎﺭ
ﻓﻲ ﻳﻮﻡ ﻗﺮﻗﺮﺕ ﺯﻣﺒﺎﺭﻩ؟
ﺣﻀﺮﺕ ﺍﻟﺤﻔﻠﺔ ﻓﻲ ﺍﻟﺤﺎﺭﻩ؟
ﻭﺑﺎﺭﻳﺖ ﻟﻴﻚ ﻃﻤﺒﺎﺭﻩ
ﺳﻤﻌﺖ ﺍﻟﺪﻧﻴﺎ ﺯﻭﺍﺍﺭﻩ
ﺗﻌﺮﻑ ﺍﻟﻠﻴﻘﺔ ﻭﺍﻟﺘﺮﺑﺎﻝ؟
ﺷﺎﻝ ﻃﻮﺭﻳﺘﻮ ﺭﺍﺱ ﺍﻟﻤﺎﻝ
ﻭﺣﺮﻡ ﺍﻟﺘﻜﺔ ﻭﺍﻟﺴﺮﻭﺍﻝ
ﻭﻗﺎﻝ ﻟﻠﻮﺍﻃﻪ ﺟﻮﻛﻲ ﺭﺟﺎﻝ
ﺭﺟﺎﻝ ﺗﺴﻘﻲ ﺍﻟﺨﺪﺍﺭ ﺑﺎﻟﻠﻴﻞ
ﺍﻳﺎﺩﻳﻬﻦ ﺧﺸﻦ ﺑﺎﻟﺤﻴﻞ
ﺑﻴﺎﻛﻠﻮ ﺣﻼﻝ ﺣﻠﻴﻠﻦ ﺩﻳﻚ
ﻛﺮﺍﻡ ﻭﺍﻟﻠﻪ ﺯﻱ ﺍﻟﻨﻴﻞ
ﺧﺮﻭﻑ ﻣﻀﺒﻮﺡ ﻋﺸﺎﻥ ﺍﻟﻀﻴﻒ
ﻭﺟﻪ ﻣﻄﺮﻭﺡ ﺻﺪﻳﻖ ﻣﺎ ﺯﻳﻒ
ﺧﺼﺎﻟﻦ ﺗﺘﻌﺐ ﺍﻟﻮﺻﻴـــﻒ
ﻭﻛﺎﻥ ﻭﺍﺻﻠﺖ ﻣﺎ ﺣﺎﻗﻴﻒ
ﺳﻤﻌﺖ ﺍﻟﺴﺎﻗﻴﻪ ﻻﻓﺔ ﺗﺪﻭﺭ؟
ﻭﻧﻀﻢ ﺍﻟﺴﻠﻴﺎﻕ ﻟﻠﺘﻮﺭ
ﻭﺍﻟﺤﺎﺣﺎﻳﻪ ﻓﻴﻬﺎ ﺳﺮﻭﺭ
ﺯﻫﺠﺎﻥ ﻋﻠﺒﻮ ﺍﻟﺰﺭﺯﻭﺭ
ﺩﻳﻚ ﺣﺴﺒﺎﻥ ﻣﻊ ﺍﻟﻮﺍﺳﻮﻕ
ﻭﺍﺣﺪ ﻳﺸﺪ ﻭﻭﺍﺣﺪ ﻳﺴﻮﻕ
ﻭﺩﻳﻚ ﺣﻨﻴﺎﺕ ﻫﻨﺎﻙ ﺑﻲ ﻓﻮﻕ
ﻳﺸﺘﺘﻮ ﻓﻲ ﺍﻟﺨﺪﺍﺭﻣﺎﺩﻭﻕ
ﻫﺪﺍﻙ ﺍﻟﻠﻮﺭﻱ ﺷﺎﻳﻚ ﺍﻟﺴﻮﻕ
ﻭﺣﺲ ﺍﻟﺒﻮﺭﻱ ﺳﻮﺍ ﺍﻟﻘﻮﻕ
ﺳﻴﺪﻭ ﺍﻟﺤﺎﺝ ﺷﻬﺎﻣﺔ ﻭﺯﻭﻕ
ﻭﻣﺎ ﻓﺎﺕ ﻟﻴﻪ ﻗﻂ ﻣﺨﻠﻮﻕ
ﺟﺪﻭﺩﻙ ﻓﻲ ﺍﻟﺪﻭﺍﺱ ﻇﺎﻫﺮﻳﻦ
ﻭﺳﺎﻋﺔ ﺍﻟﺤﺎﺭﺓ ﻣﻌﺮﻭﻓﻴﻦ
ﺍﺳﻮﺩ ﺍﻟﺨﺸﻪ ﻧﺎﺑﺖ ﺷﻴﻦ
ﻳﻘﺼﻮ ﺍﻟﺰﻭﻝ ﻋﺪﻳﻞ ﻧﺼﻴﻦ
ﺍﻟﺴﻮﺩﺍﻥ ﻛﺮﻳﻢ ﻭﺣﺒﻴﺐ
ﺑﻠﺪ ﻣﻀﻴﺎﻥ ﻭﺳﻴﻊ ﻭﺣﻴﺐ
ﺍﺳﺎﻝ ﻋﻨﻪ ﺍﻱ ﻏﺮﻳﺐ
ﺑﻘﻮﻝ ﻟﻴﻚ ﺯﻳﻮ ﻣﺎﻓﻲ ﻗﺮﻳﻦ
ﺍﺧﻴﺮﺍ ﺑﺴﺎﻝ ﺍﻟﺮﺣﻤﻦ
ﻳﺴﻠﻢ ﺑﻠﺪﻙ ﺍﻟﺴﻮﺩﺍﻥ
ﻳﺮﻗﻴﻬﺎ ﻭﻳﻌﻠﻲ ﺍﻟﺸﺎﻥ
ﻭﺗﺼﺒﺢ ﻋﺎﻟﻴﻪ ﺍﻋﻠﻰ ﻣﻜﺎﻥ
منقووول ...
موضوع: خفيف الكلم ..... للكوامر فقط 
الثلاثاء 9 أكتوبر 2012 - 8:11
