مريخ السعد

المريخ العظيم تجاوز عقبة اتراكو العنيد بتعادل بطعم الفوز = ويظهر اعضاء هذا المنتدي يتوشحون باللون المنيل وكانوا منتظرين فوز التكاسة ولكن خاب الظن واظهر لنا ياصداح وراق ياصفوي يا اصيل والهلالاب لايريدون الاعلان عن انفسهم ولهم بسببهم ونحن نلتمس لهم العذر (يوم 27/ 2 مريخ هلال )ماقلت لكم بسببهم وطبعا نحن انتظرنا كثيرا العشي وعمار تلودي تنزيل بوست يتحدث عن ملحمة المريخ العظيم مع التكاسة ولكن اعتقد اللون الازرق غلب== لكم التحايا والود

عاش المريخ مجسدا لانتصارات شعبنا الكروية ،وعاش الوصيف ليكون وصيفا،وعشت انت ياكمال الجمل.

الحبيب كمال حسن الجمل
مبروك ليكم صعودكم من دورى ال64 الى 32
والله مرحله جميله
والتعادل كده ما بنفع لى قدام
والاتحاد الليبى طريقو صعب
ولازم شد الحيل
عشان على الاقل تصلو مراحلنا
دورى الاربعه وكده
لكن اقول ليهو قصه دورى الاربعه صعبه
نخليها ليكم دورى التمانيه
ولا رايك شنو يا جاهورى
مع خالص التقدير
ونقول مبروك للسودان
وعلى فكره عشان نوريك اصاله الهلالاب
العشى اتصل على بعد الكوره وقال لى مبروك للسودان
عمار تلودى

والله يا كمال اللون الازرق يفرح ويشرح الصدر واحكى ليك حاجه طريفه خصلت لى يوم الاحد الماضى
صديقنا صلاح احمد على معلق رياضى بالاذاعة السودانية وعامل فيها مدرب عندو شهاده تدريب عليا
وبدرب نادى اسمو (نجوم امبده ) فى دورى التانيه واتصل على قال (انا لاعب مباراة الافتتاح مع نجوم ابوسعد فى دار الرياضة تعال هناك )
ومشيت ولقيت فريقو (نجوم امبده ) لابس (زى) (ازرق) وفرحت جدا وكمان لقيتو غالب (واحد) قلت ليهو واحد من الحاجات اللى ح تنصرك اللون الازرق وكان فى بالقرب منى (خالد ليمونه) مشجع المريخ المعروف رد على قائلا( من الله خلقنا ما شفنا نجوم بتلبس كحلى الا عند صاحبك ده )
وضحكنا جميعا

هوى ياصداح وياكمال الجمل ... هنا الموج الازرق كاسح كاسح وكمان جانا الجاهورى .. شدو الحزام ليوم النزال الاكبر ... والله يخلى اوتراكو .. خلى الصفوة يحسبو فى الدقايق والثوانى هنا وهناك ... حالتو رواندى ... يعنى بواقى مذابح وكدا ...

كمال الجمل فرحان بالصعود من دور الـ 64 لدور الـ 32 يأخي حرام وكمان من التكاسة وبتعادل وين وارغوا الحارقوا ... الغريق قدام

يا كمال مريخ السعد خبرو شنو
السته دقايق وحكم كسلا ولاعب الامل كباشى ادوكم نقطة سسسسسسسسسسسسسساى
انا ما عارف ح تعملوا شنو لو الامل ده كان لاعب فى عطبرة وسط جمهور
عموما مبروك والى لقاء يوم الجمعه

خلاص فرحتوا ياهلالاب بتعادل المريخ مع الامل ونسيتم بالامس القريب هزمتم فريق الشمالي القادم الجديد للممتاز 1/0 وبصعوبة شديدة- يعني هزمتم فريق 1/ 0 بالامس القريب لعيبته كانوا يتمنون مشاهدت فيصل العجب وهيثم مصطفي حتي لو في الشارع وبعدين نحن تعادلنا مع الامل ونثق تماما يوم 27/ 2 يوم حارقو ويوم تعويض== وياود الجاهوري وراشد وعمار ان تختفوا هذه الايام خيرا لكم
فلنا لقاء ولكم كل الود

كمال الجمل الجماعة اختفو مع كلتشي تاني ماظهرو

الصدمه كانت كبيرة..
لكن جايين...الله لابارك فى الولد العاق...كلتشى
بكرى