كل عام والجميع بخير وكل سنه لامين تامين
وربنا يحقق احلامكم ودعواتكم وينقى قلوبنا بقدر نقاء السماء
ومكامن الصفاء و روعة الاحبه والاخلاء وبقدر حروف الدهشه وخيوط الالفه
المطرزه فى وشاح العرفان والوفاء
كل عام نرسلها تهانينا وتصافينا وتلاقينا
كل عام وانتم تكحلون كل المقل المسافره فى الحنايا كل عام وانتم ترسمون
للعناق وللاشواق اجمل الحروف المتناثرة من الاعماق
كل عام مفردة وضيئه وعبارت بريئه منظورة من الاحداق
كل عام كما تشتهى الارواح النقيه المذدهيه فى بستان افراحنا وارواحنا
وكل عام وانتم احبه على ذات الدروب واخوه فى عمق القلوب ولن تنفصل اواصرنا
كما انفصل الشمال عن الجنوب
كل عام وانتم مبتسمون فى وطن الدفء والحب والحريه كل عام وانتم اقوياء
فى وطن النفوس الابيه فليكن اجمل اعياد نا عيد ميلاد الحروف
بعيدا عن سطوة الزمن وقسوة الظروف وغلاء الخروف
اجعلوا من مفرداتكم وحروفكم كبش فداء لوطن الانقياء
انتم اغلى بهذه الحروف من اكبر خروف
فجملوا احرف الزمن والبسوها قلادة الشرف والمعانى صبروا كل زول بيعانى
باجمل المعانى و لحن الامانى وزعوا التهانى
وقلوا للبضحى قسم من حروفك لجارك الفلانى لوكان بيعانى
وارسل ليه طبق الابتسامه مع الشيه والكرامه
وبكل بشاره وقيم السماحه والمرؤة والجساره وزعوا المحبه مع صحن المراره
لكل جاره لاقرب حبيب او فى اخر الحاره
رتبوا البيوت ياعائشه وكوثر وخيركم بكره يكتر
ومن ذات الحروف من بيت الكلاوى كلموا امانى
لتضع النقاط فوق حروف المعايده لكل الاحبه سوسن وعايده ا
ووزعوا التهانى ودواموا فى الابتسامه
واحضنوا اليتامى من قسوةدياجينا وظلامه
و اكتبو من ذات الحروف للوطن السلامه
ولانقول مع السلامه ياالق روحنا وهياما
موضوع: تهانى العيد - تهانى العيد 
الأربعاء 24 أكتوبر 2012 - 9:16
