ظريف.. يا ود عيسى .. وهاك التخريييييمة ..دى..

شكرا على مرورك الرشيق ..ود عيسى.. وبمناسبة تداخل الاسماء.. حكى لى صديقى الخفيف الدم الفنان ترباس.. انو فى يوم من ايام .. مايو .. نميرى عين جماعة بتاعين امن. جدد.وجابو منهم واحدين مقفلين خالص فى استعلامات الاذاعة وادوهم تعليمات بعدم ادخال كائن من كان الا بعد التأكد من شخصيته.. فجاء ترباس واسحق الحلنقى وفنى الاذاعة الراحل النور موسى.. فأوقفهم صاحبنا .. وقاليهم ماشين وين.. قام النور قاليهو عرفناك جديد ما بتعرف نجوم الفن. كمان. انا يا اخوى النور موسى البشغل الاذاعة دى ..وده اسحق الحلنقى الشاعر الكبير ..وده الفنان كمال ترباس..فاهم .. صاحبنا عمرو ما سمع بالاسماء دى.. قام قال ليهم .. طيب عرفناكم .. انت النور الحلنقى ..وده كمال موس ودة اسحق ترباس .. طيب عندكم شنو جوه .. فرد عليهو .. ترباس بضيق وسخرية .. قائلا .. يا اخوى عندنا ( دق شلوفة ) رايك شنو ...

الاجمل برقاوي كل تحاياي وامتناني الكبير
تخريمتك عجيبة جدا
وانا متأكد يوجد بداخلك الكثير من التخريمات الجميلة
بس ما تبخل علينا بيها خاصة حسب علمي بان القامة ترباس صاحب قفشات
تشق الواحد من الضحك
كن بالف خير

لك التحية يا برقاوى ويا ود عيسى
وزيدونا ما عندنا مانع

لك كل الود الاخ برقاوق علي هذه المساحة الجميلة وتقبل مروري بهذه الصور

[ندعوك للتسجيل في المنتدى أو التعريف بنفسك لمعاينة هذه الصورة]

وترباس بدون عمه

[ندعوك للتسجيل في المنتدى أو التعريف بنفسك لمعاينة هذه الصورة]