الاستديو التحليلي لمشوار المريخ نحو البطوله...

تبقت للمريخ ثلاثه مباريات واستعاده لقب الكونفدراليه بعد طول غياب...وفي المساحه التاليه نلقي الضوء علي ما تبقي من المباريات....

المباراه القادمه مع ليو بار الكنغولي في استاد المريخ وستنتهي انشاء الله 3/1لصالح المريخ ...

في حال تاهل الهلال ...ستكون حظوظ المريخ كبيره ...المباراه الاولي في استاد الهلال وستنتهي باذن الله بالتعادل 1/1او صفر/ صفر....

مباراه الكاس في الرد كاسل ستنتهي 1/صفر لصالح المريخ...انشاء الله زمبروك الكاس يا صفوه.....

اما في حاله تاهل تاهل جوليبا للمباراه النهائيه سيخسر المريخ 1/صفر ...ويعود وينتصر في الرد كاسل 2/صفر...وفي كل الاحوال ظهرت ملامح البطل القادم مريخ الجميع حامل الكؤوس ورافع اللاؤوس مريخ السودان....

اخر خبر مبروك يا صفوه الكاس...

دمتم في امان الله...السنجك

الاستوديو التحليلى لمباريات الهلال الافريقية

سيواجه الهلال يوم الاحد دجوليبا المالى وسوف تخرج المباراة تعادل وسوف يصعد الفريق للنهائى

وفى حاله صعود الوصيف ستكون المباراة الاولى بالمغبرة وسوف ننتصر 4\صفروالمباراة الثانية باستاد الحكومة وسوف ننتصر 6\صفر

وفى حالة مواجهة بطل الكنغو تعادل فى الكنغو وانتصار 2\صفر بامدرمان ونشيل الكاس مبروك يا اسياد الكاس

اخر خبر هو الكلام بقروش

دا كله من كمال الجمل قعد يشبكنا وين السنجك وين السنجك عشان يحلل لينا دور الاربعة خلاص ارتاح يا كمال ايمن جاده حلل ليك وبالزيادة كمان

اولا يا صديقي العزيز ود جعفر كمال الجمل ما جاب الكلام من فراغ...فهو اداري ونجم معرف
وسبق ان كتبت بوست بعنوان قراءه فنيه...وانا (اعوذ بالله من كلمه انا) لا اتحدث من فراغ انما هي توقعات وقراءه فاحصه لمجري الاحداث واتحدث حسب امكانات فريقي التي اعرفها واعيها جيدا.....
اما بالنسبه لي كلامك المكتوب اعلاه فهو بعيد كل البعد من واقع الحال....
لك مني كل التقدير صديقي وجاري محمد جعفر ...الرياضي المطبوع...

اخر خبر...سلامات ياصحبي ..لنا لقاء..

بالتوييييييييق لزعيم البلد يوم السبت
والوصول للنهائي انشاالله
ي سنجك ي صفوة الصفرابي دا خليهو اشطح واحلم زي ما عايز اصلو قرب افارقنا

انت ما بتحلل بمنطق اى منطق البتكلم عنه منطق فريقك طوالى غالب وطوالى فوق وطوالى بشيل الكاس والغريبة انت طوالى وصيف وحظل وصيف

مبروك يا سنجك مقدمآ الكأس كأسك وبشبهك

التحيه للاخوان مهند ومحمد المنصوري ...والكاس قادم باذن الله.....لكن البقنع صاحبنا محمد جعفر ده شنو ...الا يشوف الكاس داخل القلعه الحمراء ممكن بعد داك يقتنع .....

دمتم في امان الله...

معتصم السنجك كتب:: التحيه للاخوان مهند ومحمد المنصوري ...والكاس قادم باذن الله.....لكن البقنع صاحبنا محمد جعفر ده شنو ...الا يشوف الكاس داخل القلعه الحمراء ممكن بعد داك يقتنع .....

دمتم في امان الله...

صدقت الكاس ممكن يكون في القلعة الحمراء معروض اثناء المباراة..
لكن بعد صافرة النهاية ......يا ربي {بقطع} شارع العرضة....كداري.. طواااااااالي

لا والف لا ياكج لصعود المريخ للنهائى ماديرنهم يشوفه الكاس احسن يطلعه من بدري بدري عشان ما يعمله لينا وجع راس ويحسبه علينا انجاز

التوقعات ليس لها علاقة بالخبرة والسيرة الذاتية الكروية.. فلا أدل على بيلية أعظم لاعب في التاريخ.. وهو بنفس القدر أفشل متوقعاتي في التاريخ.. ولم تنجح توقعاته طيلة عمر كأس العالم.. بل أن بعض الفرق ومنها البرازيل صارت تتشائم من توقعات بيلية.. والتوقعات ما بقروش.. عشان كدا أنا مع محمد جعفر.. بل أزيد سينتصر الهلال في جميع مبارياته برقم واحد هو 2/ 1 ويحمل الكأس من أستاد المريخ.. حمرة عين كدا.. وما جديد عليك يا هلال.. إنت يا مهند الكي بورد بتاعك ما فيهو حرف ألف.. شابكنا ي سنجك ي سنجك.. ياخ خت عليها ألف وكان ما بتعرف عربي تلقاها مع زر الإتش.. تفهمو لمتين؟؟.

لو شلتو الكاس مننا وطبعا ده مستحيل ....برضو ما بتحسب كاس محمول جوا ببقي كاس محلي والصفر لسه .............

يااااااااااااارب ادينا الفى مرادنا عشان نسكت السنجك ومهند

محمد جعفر فضل كتب:: لا والف لا ياكج لصعود المريخ للنهائى ماديرنهم يشوفه الكاس احسن يطلعه من بدري بدري عشان ما يعمله لينا وجع راس ويحسبه علينا انجاز

اخي محمد جعفر طبعا نحن الكاسات دي شفناها كثير وموجودة الان في نادينا
وطالما السنجك قال الكاس حقنا يبقي الكاس حقنا لان له تحليلات لا تخيب (طبعا الكلام دا تعبك شديد) يا اخي ما تتعب نحن ثقتنا كبيرة في السنجك والثقة دي لكونه رياضي من طراز فريد وقراءته الجيدة للاحداث الرياضية التي يستند عليها من واقع نتائج الاندية السودانية في البطولات الخارجية يعني الكلام دا له ادوات تحليل موش زي كلامك وكلام الاخوان ناجي وكج نابع من عواطف وامنيات لاتخدم فريقكم 0 ونحن نعترف ان فريقكم فريق كبير وله سمعة طيبه في القارة الافريقية لكنه مافريق بطولات وسمعته جلبها من تواجده الدائم في منافسات الكاسات الافريقية وكفي

والله يااخواناالكونفدراليه دى مابطوله بتكاتلوفيهاهلال مريخ ...البطوله دى حقت الشبيبه الحصاحيصا هلال الدلنج النيل الثعالب لكن هلال مريخ لاوالف لا
وبعدين يارغوه انتو اكاسات شنو وانتو على مرالسنين فى التصنيف الدولى للفيفا انتو خلف ابوالهل وبفارق كبير ودى المعيار وشوف السنجك لوشلتوبرضومامحمول جواالمحمول جواالبنعرفااهداف مهندفى الخضرى المحمول جوا

السنجك دي مكنتك؟؟.. كدي النشيلو وبعد داك بنوريك محمول جوا كيف.. خلاص الفيك\ كملت قيت تحلل في الجو.. أرجى الراجيك.. يا الجمل روق المنقة.. المنقة لونها شنو؟؟.. ما أزرق؟؟.

هههههههههههه...التحيه لي اخونا كمال الجمل ولك كل التقدير ...اما اخونا محمد جعفر حا يقتنع بعد المريخ يشيل الكاس عندها سيتجه لتشجيع فريق النيل الحصا حيصا او تيمك الامتداد ولا تخلي حاجه اسمها كوره.....
يا جندي انته ليك يومين مختفي انشاء الله المانع خير ولا الرجفه حاصله...
اما اخونا راشد عبد الرحيم ده حا يلبد لبده ما يظهر الا في صفحه احزان الحصا حيصا.....

الكاس احمر....سامع يا جندي احمر ...يعني روق المنقه (اصفر) واشرب ليك كاسه شاي(احمر)

اخر خبر ...المريخ عالم جميل...

اللهم انصرنا اليوم واهزم الاعداء والصهاينة.....وانصر سيد البلد غدا

يا خوي محمد جعفر انت بتدرق مننا مالك شنو كابي الزوقة عديل من المريخ
يا اخي انت ما تلاقي المريخ في النهائي وشيل الكاس حمرة عين زي ما نحن بنتمني ملاقاتكم ونشيل منكم الكاس لعب وفراسة وعرق جبين

عشان ياكمال الكاس من عندكم ماعندواى طعم

فى اى مره شلت حاجة بعرق جبين وحمرة عين الله يخلى ليك الجلكسات واللابتوبات والزامبين

--------------------------------------------------------------------------------

معتصم السنجك كتب:
ههههههههههه مهند يا صفوه معقول...الناس ديل حدهم هنا خلاص ....

يا محمد جعفر شوف الممتاز احسن ليك ....صاحب بالين كضاب نحنا مركزين في الكونفدراليه ....

الهلالاب كلهم زاغو بقيت براك اقرها صاح يا شفت زوغ احسن ليك...

يا السنجك ثمة مقولة ....من يضحك اخيرا...........يضحك كثيرا
الجواد الاصيلة بتجي في اللفة الاخيرة......
لا تحسبهم زاغو....
انهم ينتظرون........الان فقط يتبســـــــــــــــــــمـــــــــــــــون....
سوف تراهم يضحكون....
كثيرا.....

» الاستديو التحليلي لمباراة الهلال ..ممنوع دخول المريخاب..
» نحن في المريخ (قفة)..
» عظمة يا المريخ وهيبة يا المريخ
» جمال السودان في جمال المريخ جمال المريخ في جمال الوالي
» المريخ ولا عجب