عماد كج.. جمال كج..

إنت يا عماد لا كج ولا الله قال.. كج كيف يعني.. إنت قايل كج دي بدوها ساااي كدا.. مثلاً يعني إنت كج بي ياتو مؤهلات.. عملت ليك طابق تاني؟؟.. بنيت ليك رد كاسل؟؟.. جبت ليك حتة وارغو؟؟.. جبت ليك حتيتة حضري؟؟.. طيب كج كيف؟؟.. الكج الجد جمال الوالي.. جمال كج.. عمل الحاجات دي كلها.. 11 سنة يكج في المريخ والحصيلة صفر كبيييييير.. لا والله جاب كاس السودان كم مرة.. والممتاز كمان.. لكن في الأحراش هو ما حراشي.. جمال كج كجة المريخ.. إنت عارف يا كج تقليد مرة المريخ لاعب مع أهلي مدني في مدني في الممتاز.. جمال كج قاعد في المقصورة.. الأهلي جاب قون.. جمال كج من الزعل مرق من الإستاد وركب عربيتو.. السواق ما كلموا.. صاحبك راج الخرطوم عامل زعلان.. والكورة ما إنتهت.. لما وصل فداسي المريخ جاب الخامس.. مرقة جمال كج كدا المريخ غلب.. أسألو مزمل يعقوب بعرف الكج الحقيقي منو؟؟ تقول لي أنا كج.. يا كج إنت تايواني.. ما أصلي.. المريخ المحمولة جواً طول ما جمال كج قاعد تكون محمولة أرضاً كبري وااااحد بس البقطعو الكاس.. من الإتحاد العام في نمرة إتنين.. لنادي المريخ في العرضة جنوب.. أوع تقول تاني كج.. الكج الله عارفو.

محمد جعفر مشيت البكا العند ناس مهند(واي)؟؟.. أغشاني نمشي سوا.

أغنيتك المفضلة؟؟..
طيري يا طيارة..
بيت شعر أعجبك:
ما طار طائر وارتفع*** إلا كما طار وقع وقع وقع وقع
دل دل دل دل دل دل دل دل دل.

أجمل ما يعجبك في عربيتك..
طارة الكلتش.
أجمل وسيلة سفر..
الطيران الأفريقي الكنجولي..
أجمل عصفور تحبه..
طير الرهو..
أسوأ إساءة..
الطرطور..
أجمل آلة موسيقية..
الطار..
أجمل قناة فضائية..
طيور الجنة..
أجمل مسلسل عربي..
أحلام الفتى (الطائر)..

فالتعلموا يا هلالاب المريخ شوكه حوت لا بتنبلع لا بتفوت...وانحنا قاعدين ليكم
بس انتوا اركزوا ما تفروا.....

الله يجازي الكان السبب...بعدين نقتكم دي ما بتقدمكم...الله اكبر عليكم...

شوكة الحوت فااااتت.. القال منو ما بتفوت.. والله خالد آدم دا جراح شوكات بس.. وسيدا جراح تفوت بس أها فاتت ولا ما فاتت.. مرحباً بالمريخ العام القادم.. السنة دي ملووووص لا ممتاز لا كونسحلية ولا سيكافا.. لا لا محمد جعفر قال ح تنظموا سيكافا تااااني.. برضو ملوص.. عام الحزن.

إنت يا السنجك ما بتخاف من (الإقتباس ) أكتب حاجة ما تخلينا ننسخ ونقتبس.. أركز إنت.