مين دا القال : الإختشو ماتو؟؟.. والله لا ماتوا ولا حاجة.. ماتوا كيف هداهو مهند حي.. مهند بختشي.. شديييد .. هاهو حي.. ليهو 3 يوم مختشي.. ويقول ليك الإختشو ماتو.. كمال الجمل برضو حي.. وبرضو بختشي.. أسه عليكم الله غيب ليهو كم يوم؟؟.. زول بختشي.. آآي غايب.ز إنتو قايلين البكتب ليهو يومين باسم كمال دا ياهو هو كمال.. بالغتو.. كمال حي ما مات.. زول بختشي..البكتب دا ولدو باعتبار نائب الفاعل لما يغيب الفاعل..كمال بختشي وحي.. أنا ضربت تلفون للفاضل الجمل اخوهو.. وسألتو عن أخبار البيت.. قال لي كلو تمام.. أها كمال موش حي.. إطمئنيت أنو كمال كمال حي.. وكمال بختشي.. بالمناسبة الفاضل ذااااتو مريخابي وكمان كبير.. الفاضل الجمل كان معانا في النمنتدى الرياضي كان خلانا نقول يا ليتني كنت ترابا.. الفاضل ثقيل ثقالة.. زي كمال أخوهو.. لديح وفصيح وكللللام.. الفاضل الجمل زمان في البالوبة ما كان مريحنا.. بشيلنا شيل لما يغلبنا.. وبرضو هو حي.. الفاضل الجمل ما في المنتدى لكن في ود أخوه.. ذكي خلاص لكن دي على منو يا تفتيحة.. ما علي أنا.. بلقاك في الزقاق الضيق.. نحن ما بناكل بنقرمش.. أبقى قدر البتكتبو.. والله يا حسن كان ما عملت ليك قصيدة.. ما غزل هجاء بس أنا هجوواوي.. بحب الهجاء.. العجب هجاء الوصيفاب.. ياخ السنجك ذاتو حي.. والله خجلان.. لسنجك دا شدة ما خجلان في دقايق خلا المريخ وخلا الهلال وبقى عبد المجيد عبد الرازق.. عايز يكون مصلح الرياضة في السودان.. وقال عايز يبدأ بالمدينة الرياضية.. السنجك أظنو فلس.. عشان المدينة الرياضية دي البمسكا كلو بغنى تاني يوم.. وبرضو عقل وهو حي يرزق ويأكل في الرغيف.. وأكبر زول حي هو أنور عوض.. والله يا أنور عوض لقيتك........
ياخ ما تراعي لشعورنا.. طوالي كدا تحلف.. أها دا ما تصرف زول بختشي؟؟.. زول قلبو نار حي جد.. نار خطين نيوترون.. ما عندو لايف.. نار بس.. خللى ليكم الجمل بما حمل.. ز رغم إنو الجمل ما حمل أي شيء.
موضوع: الإختشو ماتو.. القال ليك منو؟؟.. 
الثلاثاء 13 نوفمبر 2012 - 4:54
